ព័ត៌មានជាតិ
អាហារូបករណ៍សន្តិភាព សម្ដេចតេជោ ហ៊ុន សែន នឹងផ្ដល់ដល់សិស្សឆ្នើមទូទាំងប្រទេស ២០០ កន្លែង
អាហារូបករណ៍ដែលត្រូវបានប្រសិទ្ធិនាមថា “អាហារូបករណ៍សន្តិភាព សម្ដេចតេជោ ហ៊ុន សែន” នឹងផ្ដល់ជូនដល់សិស្សានុសិស្សកម្ពុជានៅទូទាំងប្រទេសដែលចង់បន្តការសិក្សាថ្នាក់បរិញ្ញាបត្រសិក្សានៅសាកលវិទ្យាល័យកម្ពុជា ចំនួន ២០០ កន្លែង សម្រាប់ថ្នាក់បរិញ្ញាបត្រវគ្គសិក្សាទី១B (Term 1B) ឆ្នាំសិក្សា២០២៣-២០២៤។
![](https://www.kampucheathmey.com/wp-content/uploads/2023/11/117285282_3802555959760523_9009910267408382931_n-1024x576.jpg)
បើតាមក្រសួងអប់រំ យុវជន និងកីឡា បានឲ្យដឹងថា អាហារូបករណ៍សន្តិភាព សម្តេចតេជោ ហ៊ុន សែន ឆ្នាំ២០២៣-២០២៨ នឹងត្រូវប្រគល់ជូនដល់ជយលាភីដែល ជាសិស្សានុសិស្សឆ្នើមទូទាំងប្រទេសកម្ពុជា ដែលចង់បន្តការសិក្សាកម្រិតឧត្ដមសិក្សាថ្នាក់បរិញ្ញាបត្រ ដើម្បីអាចជួយលើកកម្ពស់សន្តិភាព កសាងភាពសុខដុមរមនាក្នុងសង្គម និងដើរតួជាឯកអគ្គរាជទូតសុឆន្ទៈដើម្បីទំនាក់ទំនងសន្តិភាពទាំងក្នុងថ្នាក់ជាតិ និងអន្តរជាតិ។
ជាងនេះទៀត ការផ្ដល់អាហារូបករណ៍នេះគឺជាការអភិវឌ្ឍធនធានមនុស្សនៅកម្ពុជា ដែលរាជរដ្ឋាភិបាលបានកំណត់ជាវិស័យអាទិភាពទី១។ អាហារូបករណ៍ទាំងនេះ មិនត្រឹមតែផ្តល់អត្ថប្រយោជន៍ដល់សិស្សានុសិស្សតែប៉ុណ្ណោះទ ថែមទាំងបានចូលរួមចំណែកដល់ការអភិវឌ្ឍជាតិ និងជួយធ្វើសមាហរណកម្មប្រទេសកម្ពុជាទៅក្នុងតំបន់ ក៏ដូចជាទៅក្នុងសហគមន៍អាស៊ាន និងពិភពលោកផងដែរ។
![](https://www.kampucheathmey.com/wp-content/uploads/2023/11/398779600_748104150689708_8909631610626147566_n-1024x683.jpg)
សម្រាប់សិស្សនិស្សិត ដែលចង់ទទួលបានអាហារូបករណ៍នេះ ត្រូវគោរពតាមលក្ខខណ្ឌដែលសាលាបានកំណត់ គឺបើកចំហដល់សិស្សានុសិស្សកម្ពុជា ទាំងអស់ដែលមានបំណងបន្តការសិក្សាថ្នាក់បរិញ្ញាបត្រ លើមុខជំនាញដែលសាកលវិទ្យាល័យកំណត់។ សិស្សានុសិស្សដែលមានសញ្ញាប័ត្របរិញ្ញាបត្រ និងកំពុងសិក្សានៅគ្រឹះស្ថានឧត្ដមសិក្សាផ្សេងៗ មិនអាចដាក់ពាក្យប្រឡងបានទេ។
សិស្សានុសិស្សដែលបានប្រឡងជាប់សញ្ញាប័ត្រមធ្យមសិក្សា ទុតិយភូមិ មានសិទ្ធិដាក់ពាក្យប្រឡងអាហារូបករណ៍នេះបានដោយមិនកំណត់ឆ្នាំ។ បេក្ខជននឹងត្រូវប្រឡងលើវិញ្ញាសាចំណេះដឹងទូទៅ និងភាសាអង់គ្លេស និងត្រូវទទួលពិន្ទុមធ្យមភាគយ៉ាងតិច ៧៥% ទើបអាចទទួលបានអាហារូបករណ៍។
![](https://www.kampucheathmey.com/wp-content/uploads/2023/11/400447128_753987106768079_3427823606764501772_n-1024x682.jpg)
ដូចនេះ សម្រាប់សិស្សានុសិស្ស ដែលចង់ដាក់ពាក្យស្នើសុំអាហារូបករណ៍អាច ទៅកាន់ការិយាល័យទទួលចុះឈ្មោះ និងផ្ដល់ព័ត៌មាន នៅសាកលវិទ្យាល័យកម្ពុជាដើម្បីបំពេញបែបបទ ឬអាចទាក់ទង តាមរយៈទូរស័ព្ទ ០២៣ ៩៩៣ ២៧៦ ឬ ០៧០ ៩៩០ ៥០៧ ឬ តាមរយៈអ៊ីម៉ែល [email protected]។ ហើយសាលានឹងឈប់ទទួលពាក្យនៅថ្ងៃទី២០ ខែឆ្នូ ឆ្នាំ២០២៣នេះ និងធ្វើការប្រឡងនៅថ្ងៃទី២២ ខែធ្នូ ខាងមុខនេះ។
សូមជម្រាបថា ចំពោះការប្រសិទ្ធិនាមអាហារូបករណ៍ទាំងនេះថា “អាហារូបករណ៍សន្តិភាព សម្ដេចតេជោ ហ៊ុន សែន” ដើម្បីដឹងគុណដល់សម្ដេចតេជោជា “ស្ថាបនិកសន្តិភាពកម្ពុជា” និងជា “បិតាលើគោលនយោបាយឈ្នះឈ្នះនៃកម្ពុជា”។ ជាក់ស្ដែង ការប្រសិទ្ធិនាម “អាហារូបករណ៍សន្តិភាព សម្តេចតេជោ ហ៊ុន សែន នេះត្រូវបានឯកភាព និងងាយដោយសម្ដេចអគ្គ មហាសេនាបតីតេជោ ហ៊ុន សែន នាថ្ងៃទី២៥ ខែកក្កដា ឆ្នាំ២០២២ កន្លងទៅ៕
រូបភាពដោយ៖ The University of Cambodia
![](https://www.kampucheathmey.com/wp-content/uploads/2023/11/400975186_732790872207672_3732606422265586405_n-3-725x1024.jpg)
![](https://www.kampucheathmey.com/wp-content/uploads/2023/11/401610429_732790888874337_4843172335483588962_n-3-725x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២១ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់