KPT+

ផ្សព្វផ្សាយផលិតផលយ៉ាងណាឲ្យកាន់តែមានប្រសិទ្ធភាព?

បានផុស

៣ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

មិនថាលក់ទំនិញ ឬបម្រើសេវាកម្ម សុទ្ធតែត្រូវការការផ្សព្វផ្សាយ ទើបអាចទៅលក់អតិថិជនបានលឿន។ ការផ្សព្វផ្សាយ ជាចំណែកមួយនៃការធ្វើទីផ្សារដើម្បីឲ្យភ្ញៀវឆាប់ស្គាល់ពីយីហោ ក៏ដូចជាលក់ទំនិញដាច់រហ័ស។

ដូច្នេះ តើត្រូវផ្សព្វផ្សាយផលិតផលយ៉ាងណាឲ្យកាន់តែមានប្រសិទ្ធភាព?

លើកយកចំណុចពិសេសផលិតផលមកបង្ហាញ

ជួនកាលអ្នកទិញមិនអាចដឹង និងយល់ពីផលិតផលរបស់អ្នកទាំងអស់នោះទេ។ ដូច្នេះ តម្រូវឲ្យអ្នកលក់ធ្វើការបង្ហាញនូវគុណប្រយោជន៍ ចំណុចពិសេស ក៏ដូចជាវិធីប្រើប្រាស់ដល់ភ្ញៀវ។ ករណីនេះមិនមានន័យថាត្រូវនិយាយនូវការពិតទាំងស្រុងឡើយ ដោយអាចនិយាយពីគុណសម្បត្តិ គុណភាព និងប្រសិទ្ធភាពនៃផលិតផលដែលកំពុងលក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យល់ស្ថានភាពនៃទីតាំងដែលត្រូវផ្សព្វផ្សាយ

ក្នុងការជ្រើសរើសទីតាំងសម្រាប់ធ្វើការផ្សព្វផ្សាយ ពិតជាចាំបាច់ណាស់! អ្នកលក់ត្រូវដឹងថា អតិថិជនខ្លួនជានរណា ស្ថិតក្នុងវ័យមួយណា និងមកពីតំបន់ណាជាដើម។ បន្ទាប់ពីនោះគួរសិក្សាស្វែងយល់ពីចរិត ឬចំណូលចិត្ត ហើយនិយាយយ៉ាងណាឲ្យសមស្របទៅតាមអ្វីដែលអតិថិជនចូលចិត្ត។ ចំណុចនេះត្រូវការអ្នកលក់ដែលពូកែសង្កេត ទើបអាចយល់ពីអ្នកទិញកាន់តែច្រើន។

ពូកែវោហារសព្ទ

សម្ដីជាចំណុចទាក់ទាញជាងគេ ក្នុងការផ្សាយផលិតផល។ ត្រូវតែជាមនុស្សដែលពូកែនិយាយ ទើបភ្ញៀវពេញចិត្តក្នុងការស្ដាប់។ ជាអ្នកលក់ដោយខ្លួនឯងផ្ទាល់ ឬជួលអ្នកដទៃឲ្យជួយផ្សាយក្ដី ត្រូវចេះនិយាយឲ្យគេងាយយល់ គ្មានភាពវែងអន្លាយ ឥតប្រយោជន៍។ ម្យ៉ាងទៀតនោះ ក្នុងនាមជាអ្នកផ្សព្វផ្សាយម្នាក់ត្រូវចេះច្បិចយកពាក្យគន្លឹះនៃផលិតផល ដើម្បីភ្ជាប់ជាមួយការនិយាយឲ្យអតិថិជនអាចងាយចាំ និងចាប់បានលឿន។ ក្រៅពីនោះទៀត ចៀសវាងលើកយកការប្រៀបធៀបពីផលិតផលផ្សេង ឬបែកអូរហូរស្ទឹងពីអ្វីដែលមិនពាក់ព័ន្ធ៕

ប្រែសម្រួល៖ សន្យា

ប្រភព៖ Entrepreneur

ចុចអាន៖មកស្គាល់ត្រកូលគ្រួសារទាំង ១០ ដែលមានទ្រព្យសម្បត្តិច្រើនលំដាប់កំពូលៗលើពិភពលោក

ចុចអាន៖ទឹកអំពៅ ពិបាករកនៅស្រុកគេ សំបូរនៅស្រុកយើង បានជាយើងរំលងអត្ថប្រយោជន៍វា