Connect with us

KPT+

តំបន់កោះដ៏ពេញនិយមសម្រាប់សកម្មភាពកម្សាន្ត របស់​ខេត្តកោះកុង

បានផុស

នៅ

បើនិយាយាពី កោះកុង ទេសចរជាតិ-អន្តរជាតិ នឹងនឹកឃើញដល់ ការកម្សាន្តដ៏ពេញនិយម នៅតំបន់​រមណីយដ្ឋាន ប្រជុំ​កោះនៃខេត្តនេះ មានការ​ជួល​ទូក​ជិះ​ស្ទូច​ត្រី​ មុជ​ទឹក​សមុទ្រ​ មើល​ផ្កា​ថ្ម និង​ប្រព័ន្ធ​ជីវចម្រុះ​ នៅ​បាត​សមុទ្រ ព្រម​ទាំង​ ការជិះទូក​ទស្សនា​​តំបន់​កោះ​នានា ស្ថិតនៅ​ប្រជុំ​កោះ​ក្បែរ​ៗ​នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ សុទ្ធសឹងជាកន្លែងពេញនិយម និងស្រស់ស្អាតបំផុតនៃទឹកដីខេត្តកោះកុង៖
១. កោះស្តេច
ជារមណីយដ្ឋានកោះ​ធម្មជាតិ ​ដ៏ពេញនិយមរបស់ទេចរ ស្ថិតនៅ​ក្នុង​​ភូមិ កោះស្តេច ឃុំកោះស្ដេច ស្រុក​គីរីសាគរ ​​ចម្ងាយ​ប្រមាណ​ជាង ៨១ គីឡូម៉ែត្រ ពី​ទីរួម​ខេត្ត​កោះកុង។ រមណីយដ្ឋាន​កោះស្ដេច មាន​ឆ្នេរ​ខ្សាច់ស​​ស្អាត មាន​ផ្ទះ​សំណាក់​ និង ទេសភាព​ស្រស់​ស្អាត​សម្រាប់​លំហែកាយ ព្រោះ​មាន​កោះ​ជាច្រើន​នៅ​ជុំ​វិញ និងព្រៃ​ធម្មជាតិ។
ក្រៅពីនោះ ​ទេសចរ​ ក៏អាច​គយគន់សម្រស់ថ្ងៃរៀបលិចដ៏ស្រស់ស្អាត មុននឹងបញ្ចប់ការកម្សាន្តលើសមុទ្រពេញមួយថ្ងៃ។

២. កោះខ្មោច ឬកោះរីករាយ
ជាកោះដ៏ស្រស់ស្អាតមួយរបស់កម្ពុជា និងនៅមិនឆ្ងាយប៉ុន្មាននោះទេ ពីកោះស្តេច ​។ កោះខ្មោច ឬកោះរីករាយ សម្បូរទៅដោយផ្កាថ្មចម្រុះពណ៌។ ដោយសារតែពុំមានមនុស្សរស់​នៅ កោះនេះបានក្លាយជាឋានស្ងប់មួយ សម្រាប់ធម្មជាតិលាក់ពួន សំងំកាយ រក្សាភាពល្អ ប្លែករបស់ខ្លួន សម្រាប់បង្អួត​ទេសចរ ដែលបានមកស្នាក់នៅទីនេះមួយគ្រាៗ។ ទេសចរអាច រំសាយនូវទុក្ខកង្វល់ ជាមួយនឹងការគយគន់​ផ្ទៃទឹកសមុទ្រ ដែលថ្លាឆ្លុះចាំងដល់ផ្កាថ្មចម្រុះពណ៌ជ​ បង្កើតបានជាអារម្មណ៍ម៉្យាងដែល ពិបាកនឹងពណ៌នា។

៣. កោះម្នាស់
កោះម្នាស់មានចម្ងាយប្រមាណ ៥គីឡូម៉ែត្រប៉ុណ្ណោះ ពីឆ្នេរតារាសាគរ មានទឹករាក់ថ្លាគួរជាទីរម្យនា មានផ្កាផ្មចម្រុះពណ៌ ដែលជាទីកម្សាន្តរបស់ភ្ញៀវទេសចរជាតិ​ និងអន្តរជាតិ។ ដោយសារទីនេះនៅដាច់ស្រយាលបន្តិច ទើបទេសចរភាគច្រើនមិនសូវមកកម្សាន្តច្រើនដូចតំបន់ផ្សេងនៃខេត្តកោះកុង។ ប៉ុន្តែវាក៏បានផ្តល់នូវការសម្រាកដ៏ស្ងប់ស្ងាត់មួយដែលបង្កើតបរិយាកាស​ខុសឆ្ងាយពីភាពអូរអរនៅទីប្រជុំជនមួយសម្រាប់យើងផងដែរ។ យើងអាចស្វែងរកទូកជិះកំសាន្ត ដោយមុជទឹក​មើលផ្កាថ្ម នេសាទសត្វសមុទ្រ និងបោះតង់គយគន់ថ្ងៃរះយ៉ាងមានក្តីសុខបំផុត។

៤. កោះកុងក្រៅ
កោះកុងក្រៅ ជាតំបន់ទេសចរណ៍ដ៏ពេញនិយម ដែលហ៊ុំព័ន្ធដោយធម្មជាតិនៃដើមឈើទាបខ្ពស់គ្រប់ប្រភេទ ដុះឡោមឆ្នេរខ្សាច់សក្បុស ជាប់នឹងផ្ទៃសមុទ្រពណ៌ខៀវចាំងឆ្លុះពីផ្ទៃមេឃល្វឹងល្វើយ។ លោកអ្នកអាច​ធ្វើដំណើរ​ទៅកាន់​តំបន់​នេះ​បាន តាមរយៈ​ទូកជួល ដោយចំណាយពេលប្រមាណ ៥០​នាទី ទើបដល់កោះដ៏ធំមួយនេះ។ កោះកុង​ក្រៅ គឺជាផ្នែកមួយនៃឧទ្យានជាតិ​បុទុមសាគរ មានផ្ទៃដី​ប្រមាណជា ៨០ គីឡូម៉ែត្រ និងកម្ពស់ប្រហែល ៤១០ ម៉ែត្រពីនីវូទឹក ជាកោះដែលសម្បូរ​ទៅដោយ​ធនធានធម្មជាតិ សត្វព្រៃ មច្ឆា ផ្កាថ្ម និង​ជីវៈចម្រុះ​បាត​សមុទ្រ មានឆ្នេរខ្សាច់ សម្រាប់កម្សាន្តដល់ទៅ ៥ កន្លែង​ផ្សេងទៀត។

ប្រភពរូបភាព៖ មន្ទីរទេសចរណ៍ ខេត្តកោះកុង

៥. កោះខ្យង
កោះ​ខ្យង ជាប្រជុំកោះតូចៗចំនួន៣ជាប់ៗគ្នា ដែលរំលេចខ្លួននៅលើផ្ទៃសមុទ្រយ៉ាង ស្រស់ស្អាត មានដើមដូងខ្ពស់ទាបជាច្រើន ដុះដេរដាសនៅលើកូនកោះទាំងនេះ អមដោយទិដ្ឋភាពនៃទឹកសមុទ្រថ្លាឈ្វេង និងខ្យល់អាកាសបរិសុទ្ធ ។ កោះមានទីតាំងក្នុងភូមិ ខ្សាច់​ ក្រហម ឃុំជីខក្រោម ចម្ងាយជាង១០គីឡូម៉ែត្រ ពីទីរួមស្រុកស្រែអំបិល ខេត្តកោះកុង។

តាមរយៈ៖ មន្ទីរទេសចរណ៍ខេត្តកោះកុង/រូបភាពពី៖ 2GoAdventure
តាមរយៈ៖ មន្ទីរទេសចរណ៍ខេត្តកោះកុង/រូបភាពពី៖ 2GoAdventure
តាមរយៈ៖ មន្ទីរទេសចរណ៍ខេត្តកោះកុង/រូបភាពពី៖ 2GoAdventure
តាមរយៈ៖ មន្ទីរទេសចរណ៍ខេត្តកោះកុង/រូបភាពពី៖ 2GoAdventure

៦. កោះអំពិល
ជាដែនកោះដ៏ស្រស់ស្អាតមួយ និងមានជារីស្សត ដែលវិនិយោគដោយកូនខ្មែរ មានទីតាំងស្ថិតនៅប្រជុំកោះអំពិល ទល់មុខនឹងកោះស្តេច ជាតំបន់ដែលពោពេញដោយសក្តានុពលធម្មជាតិបែបសមុទ្រ ងូតទឹក មើលផ្កាថ្ម ស្ទូចត្រី មើលថ្ងៃរៀបលិច និងគ្រឿងសមុទ្រស្រស់ៗ។

តាមរយៈ៖ ក្រសួងបរិស្ថាន/រូបភាពពី៖ DanCherng Adventure
តាមរយៈ៖ ក្រសួងបរិស្ថាន/រូបភាពពី៖ DanCherng Adventure
តាមរយៈ៖ ក្រសួងបរិស្ថាន/រូបភាពពី៖ DanCherng Adventure

អត្ថបទ៖ សុធាវី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម