Connect with us

KPT+

គួរយល់ដឹង! ត្រូវបណ្តើរឆ្កែចេញក្រៅឱ្យបានញឹកញាប់ ដើម្បីសុខភាពរបស់ពួកវា

បានផុស

នៅ

អ្នកដែលស្រឡាញ់ និងចិញ្ចឹមសត្វឆ្កែ ត្រូវយកចិត្តទុកដាក់ចំពោះពួកវាឱ្យបានច្រើន។ ទោះបីជាអ្នកចិញ្ចឹមឆ្កែប្រភេទណាក៏ដោយ ជាពិសេស គឺអ្នករស់នៅទីក្រុង បន្ទាប់ពីសម្រាកពីការងារ គួរឆ្លៀតពេលទំនេរខ្លះបណ្តើរពួកវាចេញក្រៅផ្ទះ ដើម្បីឱ្យពួកវាស្រស់ស្រាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សត្វក៏មានអារម្មណ៍ដូចមនុស្សដែរ ពួកវាមិនអាចនៅតែក្នុងផ្ទះបានឡើយ ព្រោះសត្វឆ្កែក្រុង មិនអាចដើរលេងសប្បាយដូចឆ្កែនៅជនបទទេ។ ភាគច្រើនឆ្កែនៅទីក្រុងនៅតែក្នុងផ្ទះ ឬ ក្នុងរបងប៉ុណ្ណោះ ដូច្នេះ ពួកវា អាចនឹងឯកោមិនខុសពីពាក្យដែលពោលថា រស់នៅដូចកង្កែបក្នុងអណ្តូងឡើយ ពោល គឺសត្វក៏ចង់ឃើញពិភពខាងក្រៅដូចមនុស្សដែរ។ តើនៅពេលដែលម្ចាស់នាំសត្វឆ្កែចេញទៅក្រៅផ្ ទះហុចផលល្អអ្វីខ្លះដល់ពួកវា?

សត្វឆ្កែគួរតែបានចេញក្រៅ ២ ទៅ៣ដងក្នុងមួយសប្តាហ៍ ឬ បើម្ចាស់មានពេលទំនេរគួរបណ្តើរពួកវាចេញក្រៅ១ថ្ងៃម្តង។ តាមការស្រាវជ្រាវមួយរបស់គេហទំព័រ BetterHealth បង្ហាញថា អត្ថប្រយោជន៍រួម គឺធ្វើឱ្យប្រសើរឡើងនូវកាយសម្បទាសរសៃឈាមបេះដូង បន្ថយសម្ពាធឈាម សាច់ដុំ និងឆ្អឹងកាន់តែរឹងមាំ​ និងកាត់បន្ថយភាពតានតឹងរបស់សត្វ។ ការដើរអាចនឹងធ្វើឱ្យពួកវាសប្បាយចិត្ត ព្រោះសត្វឆ្កែចូលចិត្តមើលទេសភាព ហិតក្លិន ហើយទន្ទឹងរង់ចាំចំណាយពេលលេងជាមួយអ្នក។ នៅពេលដែលអ្នកចំណាយពេលជាមួយសត្វចិញ្ចឹមអ្នក អ្នកត្រូវឱ្យគេរត់លេងក្នុងចម្ងាយមួយដែលអ្នកអាចគ្រប់គ្រង មើលឃើញ និងស្រែកហៅបាន ដើម្បីធានាពីសុវត្ថិភាពរបស់ពួកវា។

នៅពេលដែលអ្នកបណ្តើរឆ្កែ ក្នុងនាមជាម្ចាស់អ្នកត្រូវមានទំនួលខុសត្រូវ និងមើលការខុសត្រូវចំពោះសត្វចិញ្ចឹមរបស់អ្នកឱ្យបានខ្ពស់។ អ្នកត្រូវប្រយ័ត្នសត្វចិញ្ចឹមរបស់អ្នកជាមួយនឹងកូនក្មេង និងមនុស្សផ្សេងៗ ចៀសវាងឆ្កែរបស់អ្នកខាំទៅអ្នកដទៃ។ មួយវិញទៀត អ្នកត្រូវមើលការខុសត្រូវ កុំឱ្យឆ្កែរបស់អ្នកចូលទៅក្នុងតំបន់ដែលត្រូវបានហាមឃាត់។ កំឡុងពេលបណ្តើរឆ្កែ អ្នកត្រូវកាន់ថង់ប្លាស្ទិកមួយជាប់ជានិច្ចសម្រាប់កើបលាមករបស់វានៅពេលបន្ទោបង់ម្តងៗ កុំឱ្យមានលាមកនៅតាមសួនច្បារ ឬ ទីសាធារណៈ។ មុននឹងសម្រេចចិត្តថាយកឆ្កែដើរម្តងៗ អ្នកត្រូវមើលទីតាំង និងបរិស្ថាននៅជុំវិញនោះ ដើម្បីធានាឱ្យបាននូវការគោរពបរិស្ថាន និងសិទ្ធិមនុស្សផ្សេងទៀត។

ការចិញ្ចឹមឆ្កែនៅក្នុងទីក្រុង តម្រូវឱ្យអ្នកយកចិត្តទុកដាក់ខ្ពស់ចំពោះសត្វចិញ្ចឹម និងបរិស្ថាននៅជុំវិញខ្លួន។ មុននឹងសម្រេចចិត្តថាចិញ្ចឹមឆ្កែ ក្នុងនាមជាម្ចាស់ត្រូវពិចារណថាអាចមើលថែពួកវាបានគ្រប់គ្រាន់ឬទេ? អ្នកត្រូវជ្រើសរើសពូជឆ្កែណាដែលសមស្របជាមួយនឹងបរិបទរស់នៅរបស់អ្នកទើបជាការប្រសើរ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម