Connect with us

KPT+

មកដឹង មូលហេតុសម្លៀកបំពាក់នារីកាន់ស្លាកឈ្មោះប្រទេសប្រតិភូកីឡាស៊ីហ្គេម ស្លៀកខោ

បានផុស

នៅ

ព្រឹត្តិការណ៍ប្រវត្តិសាស្ត្រ ពិធីបើកស៊ីហ្គេម លើកទី៣២ (32nd SEA Games) និងអាស៊ានប៉ារ៉ាហ្គេម លើកទី១២ (12th ASEAN Para Games) ដែលកម្ពុជារង់ចាំធ្វើជាម្ចាស់ផ្ទះអស់រយៈពេល ៦៤ឆ្នាំ នឹងប្រារព្ធនៅថ្ងៃទី៥ ខែឧសភា ឆ្នាំ២០២៣។ ជាមួយគ្នានេះ បន្ទាប់ពីមានលេចរូបភាពហាត់សមបើកព្រឹត្តិការណ៍ស៊ីហ្គេមនេះ មានមតិមួយចំនួនមិនពេញចិត្តចំពោះសម្លៀកបំពាក់នារីខ្មែរស្លៀកខោ កាន់ស្លាកប្រទេសក្នុងការដង្ហែក្បួនតំណាងកីឡាករទាំង ១១ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈពេលនេះ មន្ត្រីពាក់ព័ន្ធកំពុងមមាញឹករៀបចំព្រឹត្តិការណ៍កាន់តែខិតជិតមកដល់នេះ មានមន្ត្រីក្រសួងវប្បធម៌ និងវិចិត្រសិល្បៈមួយរូប សុំមិនបញ្ចេញឈ្មោះ បានឱ្យ “កម្ពុជាថ្មី” ដឹងថា ឈុតនេះច្នៃឡើងដោយវត្ថុធាតុដើមរបស់ខ្មែរ ក្នុងព្រឹត្តិការណ៍កីឡាអន្តរជាតិ ដែលត្រូវការភាពស្វាហាប់។

លោកមានប្រសាសន៍ថា៖ “តាមខ្ញុំគិត ទោះចេញច្រកណា ក៏មិនត្រូវចិត្តអ្នករិះគន់ដែរ សំខាន់យើងដឹងហើយ ហើយថ្នាក់ដឹកនាំក៏បានធ្លាប់ផ្ដល់មតិខ្លះដែរថា យើងគួរអភិរក្សកន្លែងគួរអភិរក្ស កន្លែងខ្លះអាចអភិវឌ្ឍ យើងត្រូវអភិវឌ្ឍ។ ដោយឡែក នេះជាព្រឹត្តិការណ៍ពាក់ព័ន្ធនឹងកីឡា ត្រូវការភាពស្វហាប់។ ហើយឈុតនេះ យើងឃើញថា យើងអត់មានភាពស៊ីចស៊ីទេ គឺស្លៀកពាក់ជិត ហើយក្រណាត់សំពត់ របស់របរប្រើប្រាស់សុទ្ធតែជារបស់ខ្មែរទាំងអស់ សូម្បីផ្កាលើក្បាលក៏ជាផ្កាតំណាងឱ្យខ្មែរ។ បើយើងធ្វើជាសំពត គេអាចសួរទៀតហើយ ចុះអ្នកកីឡាទាត់បាល់ បោះប៊ូល ហែលទឹកផ្សេងៗ ត្រូវស្លៀកសំពត់ដែរទេ?”។

មន្ត្រីខាងលើ បានឱ្យដឹងថា រដ្ឋមន្ត្រីក្រសួងវប្បធម៌ ក៏លើកការបារម្ភចំពោះការស្លៀកខោរបស់ នារីកាន់ស្លាកប្រទេសប្រតិភូកីឡាអាស៊ាននេះដែរ ប៉ុន្តែសម្លៀកបំពាក់នេះនៅរក្សាបានភាពជិត មិនស៊ិចស៊ី។

មន្ត្រីខាងលើមានប្រសាសន៍ថា៖ “ក្នុងឱកាស រដ្ឋមន្ត្រីក្រសួងវប្បធម៌ អញ្ជើញពិនិត្យការហាត់សម លោកបានលើកឡើងថា ឈុតនេះស្អាត ប៉ុន្តែគ្រាន់តែដាក់ឱ្យស្លៀកខោ គាត់រាងស្ទាក់ស្ទើរ ប៉ុន្តែលោកថា តែយើងអភិវឌ្ឍតាមបច្ចុប្បន្នកាល សំខាន់កុំឱ្យតែស៊ិចស៊ី។ ជាក់ស្ដែងការអភិវឌ្ឍវប្បធម៌ដែលនឹងបង្ហាញក្នុងព្រឹត្តិការណ៍បើក បិទស៊ីហ្គេមនេះ នឹងមានចំណុចផ្សេងទៀតដែលខ្មែរយើងមិនធ្លាប់មាន គឺយើងបញ្ចូលសហសម័យ បើយើងមិនបើកចិត្តទូលាយ យើងមិនទៅមុខទេ។ ទស្សនីយភាពហ្នឹង បើយើងយកវប្បធម៌បុរាណយើងសុទ្ធពេក គឺអាចធ្វើឱ្យទស្សនិកជនធុញទ្រាន់ ព្រោះសិល្បៈបុរាណយើង កន្លែងខ្លះមានភាពទន់ភ្លន់ កាយវិការមួយៗ”។

គួរបញ្ជាក់ថា ព្រឹត្តិការណ៍ស៊ីហ្គេម លើកទី៣២ រៀបចំឡើងពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ហើយអាស៊ានប៉ារ៉ាហ្គេម លើកទី១២ គឺពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ។ ក្នុងព្រឹត្តិការណ៍បើកស៊ីហ្គេមនេះ នឹងមានទស្សនីយភាពជាច្រើន ក្នុងនោះមានទស្សនីយភាពឈុតធំមួយនិយាយពីដំណើរជាតិកម្ពុជា ដែលសំដែងដោយសិល្បករប្រមាណ ៣ ២៩២ នាក់ ចែកចេញជា ៥វគ្គ វគ្គទី១ និយាយពីកំណើត នៃការកកើតទឹកដី មនុស្ស បុព្វបុរសកម្ពុជា។

វគ្គទី២ និយាយពី ភាពរុងរឿងនៃអរិយអង្គរ និយាយពីភាពអស្ចារ្យ ភាពល្បីល្បាញបុព្វបុរសខ្មែរជំនាន់ដើម ព្រមទាំងបង្ហាញសំលៀកបំពាក់បុរាណខ្មែរ វប្បធម៌ សិល្បៈខ្មែរច្រើនទម្រង់ដែលបានចុះបញ្ជីបេតិកភណ្ឌពិភពលោក។ វគ្គទី៣ គឺស្នាមញញឹមខ្មែរ និយាយពីភាពរីកលូតលាស់គ្រប់វិស័យនៃសង្គមខ្មែរ។ វគ្គ៤ អនាគតកម្ពុជា បង្ហាញពីសិល្បៈនៃការវាយស្គរ និងបង្ហាញឈុតសម្ដែងដែលមានស្គរចំនួនជាង ៤០០ស្គរ។ វគ្គ៥ គឺសហគមន៍ជោគវាសនាតែមួយនៃអាស៊ាន៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

សម្តេចតេជោ ហ៊ុន សែន បានសង់អគារសិក្សាជាង ៤ ៥០០ ខ្នង នៅទូទាំងប្រទេស

ព័ត៌មានជាតិ៥ នាទី មុន

ទំនប់​ស្ទាក់ទឹក​​ស្អាត​ដ៏​ធំមួយ​​​លើ​ភ្នំ​បូកគោ បញ្ចប់​សាងសង់​នៅ​ ២ ខែ​ទៀត ​អាច​ផ្ទុក​ទឹក​បាន ១ លាន​​ម៉ែត្រ​គីប​

ព័ត៌មានអន្ដរជាតិ១១ នាទី មុន

ចិន ចោទ អង់គ្លេស ថា​ទិញ​ក្បាល​មន្ត្រី​រដ្ឋាភិបាល​២​នាក់ ចូល​ធ្វើ​ជា​ចារកម្ម​ក្បត់​ជាតិ

ព័ត៌មានអន្ដរជាតិ១២ នាទី មុន

នាវាកម្សាន្តដែលរៀបចំ Pre-Wedding លើកទី ២ របស់កូនសេដ្ឋី ឥណ្ឌា មានលក្ខណៈពិសេសខ្លាំង

សេដ្ឋកិច្ច១៤ នាទី មុន

OPEC+ បន្ត​កាត់​បន្ថយ​​ទិន្នផល​​ប្រេង ដល់ចុង​​ឆ្នាំ​ ២០២៥​ ខណៈ​តម្រូវ​ការ​ខ្សោយ​

Sokha Hotels

ព័ត៌មានពេញនិយម