ព័ត៌មានជាតិ
២ ប្រទេស ប្រកាសផ្តលអាហារូបករណ៍ជាថ្មីដល់សិស្សកម្ពុជា និងបណ្តាសិស្សក្នុងប្រទេសអាស៊ាន
បើតាមក្រសួងអប់រំ យុវជន និងកីឡាបានឱ្យដឹងថា ប្រទេសចំនួន ២ មានវៀតណាម និងរុស្ស៊ី សម្រេចផ្ដល់អាហារូបករណ៍ដល់សិស្សកម្ពុជា និងបណ្ដាសិស្សក្នុងប្រទេសសមាជិកអាស៊ាន ក្នុងឆ្នាំសិក្សា ២០២៣-២០២៤ នេះ។
សិស្សនិស្សិត ដែលមានបំណងបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ទៅកាន់ប្រទេសវៀតណាម និងសហព័ន្ធរុស្ស៊ី ទៅតាមមុខជំនាញជាច្រើនកន្លែង ដែលខាងសាលានៃប្រទេសទាំង ពីរបានផ្តល់ឱ្យ។
ជាក់ស្ដែង សាកលវិទ្យាល័យ Ton Duc Thang នៃប្រទេសវៀតណាម នឹងផ្តល់អាហារូបករណ៍ ដល់និស្សិតកម្ពុជា ចំនួន ០៣ ប្រភេទសិក្សាក្នុងឆ្នាំ ២០២៣-២០២៤ ដូចខាងក្រោម៖
១. អាហារូបករណ៍ថ្នាក់បរិញ្ញាបត្រ បង្រៀនជាភាសាវៀតណាម៖ អាហារូបករណ៍ពេញលេញ ចំនួន ៧៥ កន្លែង និងអាហារូបករណ៍មិនពេញលេញ ចំនួន ១០កន្លែង
២. អាហារូបករណ៍ថ្នាក់បរិញ្ញាបត្រ បង្រៀនជាភាសាអង់គ្លេស៖ អាហារូបករណ៍ពេញលេញចំនួន ២០កន្លែង និងអាហារូបករណ៍មិនពេញលេញ ចំនួន ១០កន្លែង
៣. អាហារូបករណ៍ថ្នាក់ត្រៀមភាសាវៀតណាម៖ អាហារូបករណ៍ពេញលេញ ចំនួន ៥០កន្លែង
ជាមួយគ្នានេះ សម្រាប់ព័ត៌មានលម្អិត ការដាក់ពាក្យ និងលក្ខខណ្ឌកំណត់ផ្សេងៗ នៃកម្មវិធីអាហារូបករណ៍ខាងលើ សិស្សនិស្សិតអាច ចូលទៅក្នុងគេហទំព័រ៖ admission.fdtu.edu.vn/en/unergraduate/Application-form-and-documents ។ សម្រាប់ការចូលរៀនក្នុង ឆ្នាំសិក្សា២០២៣ សិស្សត្រូវចុះឈ្មោះឲ្យបានមុនថ្ងៃទី១៥ ខែកក្កដា ឆ្នាំ២០២៣ និងថ្ងៃទី១៤ ខែវិច្ឆិកា ឆ្នាំ២០២៣ សម្រាប់ការចូលរៀនក្នុងឆ្នាំសិក្សា២០២៤។
ដោយឡែក សហព័ន្ធរុស្ស៊ី នឹងផ្ដល់អាហារូបករណ៍ ថ្នាក់បរិញ្ញាបត្រជាន់ខ្ពស់ សិក្សានៅសាកលវិទ្យាល័យ MGIMO នឹងផ្ដល់ដល់និស្សិត បណ្ដាប្រទេសជាសមាជិកអាស៊ាន សម្រាប់ឆ្នាំ២០២៣-២០២៤នេះ។
សាកលវិទ្យាល័យ IS: The Moscow State Institute of International Relations (University) of the Ministry of Foreign Affairs of the Russian Federation (MGIMO) នៃសហព័ន្ធរុស្ស៊ី នឹងផ្ដល់អាហារូបករណ៍ ថ្នាក់បរិញ្ញាបត្រជាន់ខ្ពស់ ចំនួន ១០កន្លែង ដល់ សិស្ស-និស្សិត ដែលមកពីបណ្ដាប្រទេសជាសមាជិកអាស៊ាន រួមទាំងកម្ពុជាផងដែរ ដើម្បីបន្តការសិក្សារយៈពេល ០២ឆ្នាំ លើផ្នែកសេដ្ឋកិច្ចនយោបាយ នៃភាពជាដៃគូយុទ្ធសាស្ត្រអាស៊ាន-រុស្ស៊ី នៅសហព័ន្ធរុស្ស៊ី។
ការទទួលពាក្យនឹងផុតកំណត់នៅថ្ងៃទី២០ ខែកក្កដា ឆ្នាំ២០២៣ នេះ។ បេក្ខជន សិស្ស-និស្សិត ដាក់ពាក្យតាមអនឡាញតាមរយៈគេហទំព័រ៖ master.mgimo.ru ផងដែរ៕
ប្រភព៖ ក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៤ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៥ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ