ព័ត៌មានជាតិ
អាជីវករ អ្នកពាក់ព័ន្ធនៅផ្សារក្រោម ភូមិវិហារចិន សូមបំពេញកាតព្វកិច្ចយកសំណាក
រដ្ឋបាលខេត្តសៀមរាប បានធ្វើការណែនាំដល់អាជីវករ និងអ្នកពាក់ព័ន្ធនឹងព្រឹត្តការណ៌នៃការឆ្លងកូវីត១៩ នៅផ្សារក្រោម ភូមិវិហារចិន សង្កាត់ស្វាយដង្គំ ក្រុងសៀមរាប សូមរួសរាន់សហការជាមួយក្រុមគ្រូពេទ្យ ដើម្បីយកសំណាកធ្វើតេស្តជាបន្ទាន់។ អ្នកបានយកសំណាករួចហើយ ត្រូវធ្វើច័ត្តាឡីស័កតាមផ្ទះរៀងខ្លួនឲ្យបានត្រឹមត្រូវរយៈពេល១៤ថ្ងៃ។
ដោយឡែកអាជីវករ និងអ្នកពាក់ព័ន្ធមួយចំនួននៅផ្សារក្រោម ដែលមិនបំពេញកាតព្វកិច្ចយកសំណាក និងចត្តាឡីស័ក នៃការទប់ស្កាត់ការឆ្លងរាលដាលជំងឺកូវីដ១៩ ថ្ងៃទី១៧ ខែមេសា ឆ្នាំ២០២១ នឹងទទួលរងទណ្ឌកម្មតាមផ្លូវច្បាប់។
អនុក្រឹត្យលេខ ៥៧អនក្រ.បក ចុះថ្ងៃទី៣១ ខែមីនា ឆ្នាំ២០២១ អ្នកគេចវេះមិនបំពេញកាតព្វកិច្ច នឹងត្រូវទទួលទណ្ឌកម្មដូចខាងក្រោម៖
ក-ទណ្ឌកម្ម ៖ ចំពោះ “ការមិនអនុវត្តកាតព្វកិច្ចសហការជាមួយមន្ត្រីសុខាភិបាល ដើម្បីយកវត្ថុសំណាក”- បុគ្គល (ដែលមានកាតព្វកិច្ចត្រូវផ្ដល់វត្ថុសំណាក ) ដែលមិនសហការជាមួយមន្ត្រីសុខាភិបាល ដើម្បីយកវត្ថុ សំណាកទៅវិភាគរកមេរោគកូវីដ-១៩ ត្រូវផ្តន្ទាទោសជាពិន័យអន្តរការណ៍ពី ១ លានរៀល ទៅ ៥ លានរៀល។ – ការបង់ប្រាក់ពិន័យអន្តរការណ៍នេះ មិនធ្វើឱ្យបុគ្គលដែលប្រព្រឹត្តអំពើល្មើសនេះ រួចផុតពីកាតព្វកិច្ចក្នុងការឱ្យមន្ត្រីសុខាភិបាល យកសំណាកទៅវិភាគរកមេរោគកូវីដ-១៩ នោះទេ។
ខ-ទណ្ឌកម្ម ៖ ចំពោះ “បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក”-បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ត្រូវផ្តន្ទាទោសជាពិន័យអន្តរការណ៍ពី ១ លានរៀល ទៅ ៥ លានរៀល (បើមិនបានបណ្ដាលឱ្យមានការចម្លងជំងឺកូវីដ-១៩ ដល់អ្នកដទៃ) ។
-បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ត្រូវផ្តន្ទាទោសដាក់ពន្ធនាគារពី ៦ ខែ ទៅ ៣ ឆ្នាំ និង ពិន័យជាប្រាក់ពី ២ លានរៀល ទៅ ១០ លានរៀល (បើបានបណ្តាលឱ្យមានការចម្លងជំងឺកូវីដ-១៩ ដល់អ្នកដទៃ) ។
រដ្ឋបាលខេត្ត សូមអំពាវនាវ ឲ្យអាជីវករ និងអ្នកពាក់ព័ន្ធមួយចំនួននៅផ្សារក្រោម ដែលមិនបានអនុវត្តបានសហការ និងអនុវត្តបានត្រឹមត្រូវ សូមរួសរាន់មកយកសំណាក និងធ្វើចត្តាឡីស័កជាបន្ទាន់ក្នុងរយៈ ២ថ្ងៃ ចាប់ពីថ្ងៃជូនដំណឹងនេះតទៅ។ ក្នុងករណីខកខាន បុគ្គលទាំងនោះ នឹងទទួលខុសត្រូវចំពោះមុខច្បាប់ជាធរមាន៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត