កីឡា

ក្រុមនារី កម្ពុជា ស្មើ នារីចិនហុងកុង ១-១ ជាសញ្ញាកាន់តែល្អ

បានផុស

១០ ខែ មុន

នៅ

ថ្ងៃអាទិត្យ ២៩ មិថុនា ២០២៥

ដោយ

ក្រុមបាល់ទាត់ជម្រើសជាតិនារី កម្ពុជា រកបាន ១ ពិន្ទុ តាមរយៈលទ្ធផលស្មើ ១-១ ជាមួយក្រុមនារីខ្លាំង ចិនហុងកុង សម្រាបា់ការប្រកួតជម្រុះពូល G ពានរង្វាន់នារីអាស៊ី AFC WOMEN’S ASIAN CUP 2026 QUALIFIERS នៅពហុកីឡដ្ឋានជាតិអូឡាំពិក ថ្ងៃទី២៩ ខែមិថុនា ឆ្នាំ២០២៥។

ការប្រកួតនៅ វគ្គទី១ ក្រុមនារីកម្ពុជា មិនសូវមានឱកាសតំបន់ប្រយុទ្ធតែដោយសារខ្សែការពាររបស់ នារីហុងកុង ពិតជារឹងមាំខ្លាំងមែន។ ក្រុមភ្ញៀវ ហុងកុង រកបានគ្រាប់បាល់នាំមុខ ១-០ នៅទីទី៣១ ដោយកីឡាការិនី Hong Kiu Anke Leong តាមរយៈការស៊ុតបាល់ពិន័យ១១ម៉ែត្រ បន្ទាប់ពីខ្សែការពារ វិបុល សេរីសេដ្ឋា បានបង្កកំហុស។

យ៉ាងណា នៅវគ្គទី២ ក្រុមនារីកម្ពុជា ធ្វើបានល្អវិញនៅតំបន់ប្រយុទ្ធ បន្ទាប់ពីផ្លាស់ប្តូរកីឡាការិនីថ្មីមួយចំនួនចូល។ ការដាក់សម្ពាធជាបន្តបន្ទាប់នៅចុងវគ្គទី២ ក្រុមនារីកម្ពុជាបានតាមស្មើ ១-១ ដោយការស៊ុតរបស់កីឡាការិនី វឿន សុថាន នៅនាទី៨១ តាមរយៈការបង្កើតឱកាសពីកីឡាការិនី វិបុល សេរីសេដ្ឋា និងកីឡាការិនី ហុក សៅឌី។

លទ្ធផលនេះ ក្រុមនារីកម្ពុជា រកបាន ១ ពិន្ទុដ៏សំខាន់ ពីក្រុមនារីហុងកុង ដែលជាក្រុមខ្លាំងមួយនៅក្នុងពូល។ វាក៏បង្ហាញឲ្យឃើញពីសញ្ជាវិជ្ជមាន របស់ក្រុមបាល់ទាត់នារីកម្ពុជាដែលមានការរីកចម្រើនឆ្ពោះទៅមុខ បើទោះជាទើបត្រូវបានបង្កើតឡើងសម្រាប់ការប្រកួតអន្តរជាតិប៉ុន្មានឆ្នាំ ចុងក្រោយប៉ុណ្ណោះ។

ពិន្ទុពូល G បណ្តោះអាសន្ន