ព័ត៌មានជាតិ

អាជ្ញាធរខណ្ឌសែនសុខ បិទផ្សារពិភពថ្មីឈូកមាស និងផ្សាររីករាយជាបណ្ដោះអាសន្ន

បានផុស

៥ years មុន

នៅ

ថ្ងៃពុធ ២១ មេសា ២០២១

ដោយ

អាជ្ញាធរខណ្ឌសែនសុខបានសម្រេចផ្អាកដំណើរការផ្សារពិភពថ្មីឈូកមាសផ្សាររីករាយនិងអាជីវករទាំងអស់ដែលលក់ដូរនៅជុំវិញស្ថិតនៅក្នុងសង្កាត់ក្រាំងធ្នង់ និង សង្កាត់គោកឃ្លាង ខណ្ឌសែនសុខរាជធានីភ្នំពេញ ជាបណ្តោះអាសន្នក្រោយមានអាជីវករមានឆ្លងជំងឺកូវីដ១៩។

តាមសេចក្តីជូនដំណឹងរបស់រដ្ឋបាលខណ្ឌសែនសុខ ចុះថ្ងៃទី២១មេសានេះបានឲ្យដឹងថា ការបិទផ្សារទាំងពីរនេះដោយសារស្ថានភាពនៃការរាលដាលនៃជំងឺកូវីដ១៩ក្នុងរយៈពេលប៉ុន្មានថ្ងៃនេះមានបងប្អូនអាជីវករនិងប្រជាពលរដ្ឋបានឆ្លងវីរុសកូវីដ១៩ក្នុងសហគមន៍ ២០កុម្ភៈដែលស្ថានភាពនេះបានឆ្លងរាលដាលយ៉ាងឆាប់រហ័សគួរឲ្យព្រឺបារម្ភនឹងចាំបាច់ត្រូវមានវិធានការសុខាភិបាលត្រូវទប់ស្កាត់ជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខណ្ឌបានបន្តថា «ចំពោះមុខរដ្ឋបាលខណ្ឌសុំផ្អាកដំណើរការជាបណ្ដោះអាសន្នផ្សារពិភពថ្មីឈូកមាសផ្សាររីករាយនឹងការលក់ដូរនៅជុំវិញទីតាំងខាងលើទាំងអស់ក្នុងសង្កាត់ក្រាំងធ្នង់និងសង្កាត់គោកឃ្លៀងខណ្ឌសែនសុខរយៈពេល១៤ថ្ងៃដោយគិតចាប់ពីថ្ងៃទី២១ខែមេសាដល់ថ្ងៃទី៤ខែឧសភាឆ្នាំ២០២១ដើម្បីបង្ការនិងទប់ស្កាត់ការឆ្លងរីករាលដាលជំងឺកូវីដ១៩ដល់បងប្អូនអាជីវករអតិថិជនក៏ដូចជាប្រជាបងប្អូនប្រជាពលរដ្ឋដែលចេញចូលក្នុងទីតាំងសារខាងលើ។

រដ្ឋបាលខណ្ឌសែនសុខសូមអំពាវនាវដល់បងប្អូនអាជីវករសន្តិសុខបុគ្គលិកកម្មករបម្រើការងារក្នុងផ្សារនិងក្រុមគ្រួសារអាជីវករពាក់ព័ន្ធជាមួយអាជីវករលក់ដូរនៅតូបលេខ០០៥ ផ្សារពិភពថ្មីឈូកមាសនិងមានអាការសង្ស័យសូមប្រញាប់រួសរាន់ទៅយកសំណាកតេស្តរកមេរោគ កូវីដ១៩ជាបន្ទាន់នៅផ្លូវអា ខាងត្បូងផ្សារពិភពថ្មីឈូកមាស។

រដ្ឋបាលខណ្ឌសែនសុខសង្ឃឹមជឿជាក់ថា បងប្អូនប្រជាពលរដ្ឋនិងសាធារណជនជាពិសេសអាជីវករទាំងអស់ដែលកំពុងប្រកបអាជីវកម្មក្នុងផ្សារពិភពថ្មីឈូកមាសផ្សាររីករាយនិងអាជីវករថតនៅជុំវិញទាំងអស់មានការយល់អធ្យាស្រ័យនិងចូលរួមអភិវឌ្ឍន៍សេដ្ឋកិច្ចដំណាំនេះឱ្យមានប្រសិទ្ធភាពខ្ពស់៕

ដោយ ៖ សំអឿន