យុវជនគាំទ្រសម្តេចតេជោពេញទំហឹងចំពោះ ការទាមទារអធិបតេយ្យភាពទឹកដីកម្ពុជា ក្រោមយន្តការច្បាប់អន្តរជាតិ និងសន្តិវិធី

ក្រុមយុវជន បានមើលឃើញយ៉ាងជាក់ច្បាស់ថា សម្តេចប្រមុខថ្នាក់ដឹកនាំកំពូលទាំង០២ គឺសម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ជាថ្នាក់ដឹកនាំ ដែលបានតម្កល់ឧត្តមប្រយោជន៍ជាតិ និងប្រជាជនជាធំ ពិសេសក្នុងគ្រាដែលកំពុងមានបញ្ហាព្រំដែនជាមួយប្រទេសជិតខាងតាមរយៈការឈ្លានពានក៏ពិតមែន ក៏ប្រមុខដឹកនាំកំពូលទាំង០២ តែងតែប្រើប្រាស់យន្តការដោះស្រាយបញ្ហាដោយសន្តិវិធី និងច្បាប់អន្តរជាតិ ដោយមិនប្រើប្រាស់កម្លាំងយោធាដើម្បីដោះស្រាយបញ្ហានោះទេ។

ក្រុមយុវជន បានបញ្ជាក់បន្ថែមថា ពួកគេសប្បាយនិងសម្តែងនូវការគាំទ្រពេញទំហឹង ចំពោះគោលជំហរមុតមាំរបស់សម្តេចតេជោ ហ៊ុន សែន លើការទាមទារអធិបតេយ្យភាពទឹកដីកម្ពុជាត្រឡប់មកវិញ ក្រោមយន្តការច្បាប់អន្តរជាតិ និងសន្តិវិធី។

ប្រសាសន៍របស់សម្តេចតេជោ ហ៊ុនសែន កាលពីថ្ងៃទី១០ ខែមិថុនា ឆ្នាំ២០២៦ បញ្ជាក់ថា ៖ ការទាមទារទឹកដីត្រឡប់មកវិញ គឺត្រូវប្រើមធ្យោបាយសន្តិវិធី មិនមែនត្រឡប់មកវិញដោយមធ្យោបាយយោធាទេ ខណៈមធ្យោបាយយោធាអាចអូសបន្លាយតជំនាន់មនុស្ស ប៉ុន្តែមធ្យោបាយសន្តិវិធីទេ ដែលអាចដោះស្រាយទៅមានចីរភាពហើយអាចទៅជាប្លង់រឹងសម្រាប់រយៈពេលវែងតពូជតពង្សតជំនាន់ ៕ អត្ថបទ ៖សុភា