ព័ត៌មានជាតិ

រយៈពេល៤ខែនេះខ្យល់កន្ត្រាក់បណ្តាលឲ្យមនុស្សស្លាប់និងរបួស៩នាក់និងបំផ្លាញផ្ទះជាង១៥០០ខ្នង

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ភ្នំពេញ ៖ យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថានៅក្នុងរយៈពេល៤ខែដើមឆ្នាំ២០២១នេះ បាតុភូតខ្យល់កន្ត្រាក់បានកើតឡើងចំនួន៦១លើកបណ្តាលឲ្យរលំផ្ទះនិងខូចខាតធ្ងន់ធ្ងរចំនួន២០៩ខ្នងរបើកដំបូលផ្ទះចំនួន១៣២០ខ្នង សាលារៀនចំនួន១០ខ្នងអគាររដ្ឋបាលចំនួន៥ស្លាប់មនុស្ស១នាក់និងរបួសចំនួន៨នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីខ្យល់កន្ត្រាក់ចំនួន៦១លើកនោះកើតឡើងច្រើននៅខែមេសាដែលមានរហូតដល់ចំនួន៤៤លើកនៅមូលដ្ឋានខេត្តចំនួន១៨រួមមានខេត្តតាកែវ កណ្ដាល កំពង់ស្ពឺ ស្វាយរៀងមណ្ឌលគីរី កំពង់ឆ្នាំង ពោធិ៍សាត់ សៀមរាប បាត់ដំបង បន្ទាយមានជ័យ ប៉ៃលិន ឧត្តរមានជ័យ ព្រះវិហារ កោះកុង រតនគិរី ក្រចេះ កំពង់ចាមនិងកំពង់ធំដែលបានបណ្តាលឱ្យផ្ទះរលំនិងខូចខាតធ្ងន់ធ្ងរចំនួន ១៩៣ខ្នងរបើកដំបូលផ្ទះនិងខូចខាតមធ្យមចំនួន៨៧៣ខ្នង ខូចខាតតូបលក់ដូរ៦០តូប កុដិលោកចំនួន៤ ឃ្លាំងស្តុកកសិផល១ រោងម៉ាស៊ីនកិនស្រូវ១ អគាររោងចក្រ១ អគារដ្ឋបាល៣ បាក់រលំអង់តែនវិទ្យុទាក់ទងនគរបាល១និងស្លាប់១នាក់និងរបួសចំនួន៥នាក់។

ចំនួនគ្រោះថ្នាក់នេះបើប្រៀបធៀបទៅនឹងរយៈពេល៤ខែដូចគ្នាឆ្នាំ២០២០កន្លងទៅឃើញថាមានការថយចុះគួរឲ្យគត់សម្គាល់។

បើតាមរបាយការណ៍៤ខែឆ្នាំ២០២០ មានបាតុភូតខ្យល់កន្ត្រាក់បានកើតឡើងចំនួន៧៦លើកបណ្តាលឲ្យរលំផ្ទះចំនួន៥៣២ខ្នងរបើកដំបូលផ្ទះចំនួន២៩៤១ខ្នងសាលារៀន២១ខ្នង អគាររដ្ឋបាលចំនួន១៦កន្លែងមនុស្សស្លាប់២នាក់និងរបួស២៩នាក់៕

ដោយ ៖ សំអឿន

Related Topics:ខ្យល់កន្រ្តាក់

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា