ព័ត៌មានជាតិ

ក្តៅៗ ក្រសួងសាធារណការបំភ្លឺជុំវិញសំណង់ស្ពានអាកាសថ្មើរជើងលើកំណាត់ផ្លូវជាតិលេខ ៣ ម្តុំផ្សារត្រាំខ្នារ

បានផុស

៥ years មុន

នៅ

ថ្ងៃពុធ ២៣ មិថុនា ២០២១

ដោយ

ក្រោយមានការរិះគន់ពីសំណង់ស្ពានអាកាសថ្មើរជើងលើកំណាត់ផ្លូវជាតិលេខ ៣ សណ្តូកចុះវែង មន្រ្តីក្រសួងសាធារណការនិងដឹកជញ្ជូនបានបំភ្លឺជុំវិញបច្ចេកទេសក្នុងការសាងសង់ស្ពានអាកាសនេះគឺបានគិតគូរយ៉ាងល្អិតល្អន់លើប្រយោជន៍សម្រាប់អ្នកដំណើរដើរឆ្លងកាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ាង សុទ្ធាយុត្តិ ជាអ្នកនាំពាក្យក្រសួងសាធារណការ និងដឹកជញ្ជូន និងជាប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ បានប្រាប់កម្ពុជាថ្មីនៅមុននេះបន្តិច ដោយលើក ៤ ចំណុចលើបច្ចេកទេសនៃគំនិតឌីហ្សាញនៃសំណង់ស្ពានថ្មើរជើងនេះ។

១. សម្រាប់ក្មេងៗ និងមនុស្សចាស់ជរាឆ្លងកាត់ មិនពិបាក មិនហត់
២. អាចអូស ឬរុញទំនិញតិចតួចឆ្លងកាត់បាន
៣. អាចស្រួលអូសឬរុញបងប្អូនជនពិការឆ្លងកាត់បាន
៤. ការលាតត្រដាងជើងស្ពានឱ្យវែង គឺប្រើប្រាស់តែដីចំណីផ្លូវ មិនប៉ះពាល់ដីប្រជាពលរដ្ឋ

បើតាមការបញ្ជាក់បន្ថែមរបស់មន្រ្តីរូបនេះ ការសាងសង់ស្ពានអាកាសថ្មើរជើងនៅលើផ្លូវជាតិលេខ៣ ត្រង់ចំណុចផ្សារត្រាំខ្នារ ដែលស្ថិតនៅចន្លោះរវាងខេត្តតាកែវ និងខេត្តកំពង់ស្ពឺ ដើម្បីឲ្យពលរដ្ឋងាយស្រួលឆ្លងកាត់ កាត់បន្ថយការដើរឆ្លងផ្លូវនាំឲ្យគ្រោះថ្នាក់ចរាចរណ៍ ដោយសារនៅត្រង់ការដ្ឋានស្ពាននេះ ជាទីប្រជុំជនដែលមានពលរដ្ឋធ្វើដំណើរចេញចូលច្រើន។

ស្ពានអាកាសថ្មើរជើងនេះ សាងសង់ឡើងស្របការដ្ឋានផ្លូវជាតិលេខ ៣ ដែលកំពុងស្ថាបនាសម្រេចស្ទើរតែ ១០០ ភាគរយ។ ដោយឡែកការដ្ឋានស្ពានថ្មើរជើងនេះ គ្រោងដាក់ឲ្យដំណើការក្នុងពេលឆាប់ៗខាងមុខនេះ៕

អត្ថបទ៖ ប៊ុណ្ណារ៉ា

Related Topics:ហេដ្ឋារចនាសម្ព័ន្ធ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា