ព័ត៌មានជាតិ
កំពុងបារម្ភ អ្នកដំណើរតាមព្រំដែនមកពីថៃ មានឆ្លងកូវីដបំប្លែងខ្លួនថ្មីប្រភពមកពីឥណ្ឌា
លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានលើកឡើងបន្ទាប់ពីរកឃើញអ្នកដំណើរមកពីថៃជាច្រើនមានផ្ទុកវិរុសបំប្លែងខ្លួនថ្មីដែលតា (Delta) ដែលមានប្រភពមកពីឥណ្ឌា។
ក្នុងសារសំឡេងតាមតេឡេក្រាម មន្រ្តីសុខាភិបាលរូបនេះបានសម្តែងក្តីព្រួយបារម្ភ ខណៈកម្ពុជាបន្តរកឃើញករណីឆ្លងលើអ្នកដំណើរ ជាពិសេសតាមច្រកព្រំដែនថៃមានផ្ទុកវិរុសបំប្លែងខ្លួនដែលតា ដែលមានភាពសាហាវ ងាយបង្កការឆ្លងពីម្នាក់ទៅម្នាក់។
លោកជំទាវថ្លែងថា ត្រឹមខែមិថុនានេះ កម្ពុជាបានរកឃើញអ្នកដំណើរ ២២ នាក់មានវិរុសបំប្លែងខ្លួនថ្មីដែលតា។ មេរោគនេះមាន ៣ សណ្ឋានគឺប្រភេទ B.1.6 ប្រភេទ B.1.7 និងប្រភេទថ្មី B.2 ទៀត។
បើតាមលោកជំទាវ នៅលើសកលលោកមានការភ័យខ្លាចពីមេរោគបំប្លែងថ្មី ហើយកម្ពុជាក៏ត្រូវប្រុងប្រយ័ត្នពីការមកដល់នៃវិរុសនេះផងដែរ ខណៈអ្នកដំណើរពីប្រទេសថៃតាមច្រកព្រំដែន មានផ្ទុកពពួកមេរោគនេះ។
ក្នុងសេចក្ដីជូនដំណឹងរបស់ក្រសួងសុខាភិបាល ចុះថ្ងៃទី២៥ ខែមិថុនា ឆ្នាំ២០២១ រាល់អ្នកដំណើរដែលឆ្លងចូលប្រទេសកម្ពុជា ត្រូវធ្វើចត្តាឡីស័កនៅតាមបណ្តាច្រកព្រំដែនទាំងអស់ចាប់ពីថ្ងៃទី២៦ ខែមិថុនាតទៅ ដោយអាជ្ញាធរមិនត្រូវដឹកជញ្ជូនមកធ្វើចត្តាឡីស័កនៅតាមភូមិឃុំស្រុកទៀតឡើយ។ ក្រសួងបញ្ជាក់ថា ការដែលគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ ណែនាំទៅអាជ្ញាធរជាប់ព្រំដែនបែបនេះ គឺដើម្បីប្រយុទ្ធទប់ស្កាត់ការរីករាលដាលជំងឺកូវីដ-១៩បំប្លែងខ្លួនថ្មីប្រភេទ Delta ចូលក្នុងសហគមន៍។
ការដាក់ចេញវិធានការរបស់ក្រសួងសុខាភិបាលនេះ ក៏ធ្វើឡើងបន្ទាប់ពីកម្ពុជាបានរកឃើញអ្នកដំណើរជាពិសេសតាមច្រកព្រំដែនថៃ បានឆ្លងវីរុសកូវីដ-១៩បំប្លែងខ្លួនថ្មី ដែលមានប្រភពចេញពីប្រទេសឥណ្ឌា ខណៈពិភពលោកកំពុងព្រួយបារម្ភខ្លាំងពីប្រភេទមេរោគបំប្លែងខ្លួនថ្មីនេះ៕
អត្ថបទ៖ ប៊ុណ្ណារ៉ា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម