ព័ត៌មានជាតិ

ឆ្មក់បង្ក្រាបទីតាំងជល់មាន់តាមប្រព័ន្ធអនឡាញ ឃាត់ខ្លួនមនុស្ស៩នាក់

បានផុស

៥ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

ទីតាំងហាងកាហ្វេបង្កប់ល្បែងស៊ីសងជល់មាន់តាមប្រព័ន្ធអនឡាញ១កន្លែង ត្រូវបានអាជ្ញាធរខណ្ឌដូនពេញឆ្មក់ចុះបង្ក្រាប ដោយឃាត់ខ្លួនមនុស្សប្រុស ស្រីចំនួន០៩នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការចុះបង្ក្រាបនោះដឹកនាំ បញ្ជាផ្ទាល់ដោយលោកសុខ ពេញវុធ អភិបាលនៃគណៈភិបាលខណ្ឌដូនពេញកាលពីព្រលប់ថ្ងៃទី៣០ ខែកក្កដា ឆ្នាំ២០២១នៅទីតាំង ដែលលបលួចបើកដំណើរកា ល្បែងភ្នាល់ ជល់មាន់តាមប្រព័ន្ធអនឡាញ ជ្រកក្រោមស្លាកយីហោ សំណាង កាហ្វេ ដែលមានទីតាំង១០៥+១០៥A ផ្លូវលេខ៨០ ក្រុមទី២៧០ ភូមិ២២ សង្កាត់ស្រះចក ខណ្ឌដូនពេញ ដកហូតវត្ថុតាង រួមមាន: ទូរទស្សន៍ចំនួន០៣គ្រឿង កុំព្យូទ័រ០១គ្រឿង និងឃាត់ខ្លួនមនុស្សបានចំនួន០៩នាក់ស្រី០៣នាក់ បញ្ជូនទៅអធិការនគរបាល ខណ្ឌដូនពេញ ដើម្បីកសាងសំណុំរឿងបញ្ជូនទៅតុលាការ។

កម្លាំងអាជ្ញាធរដែលបានចុះមកឆ្មក់ចាប់នោះបានឲ្យដឹងថា បន្ទាប់ពីទទួលព័ត៌មានពីប្រជាពលរដ្ឋជិតខាងថា នៅទីតាំងនេះបានប្រមូលមនុស្សចូលផឹកកាហ្វេនឹងចាក់ភ្នាល់មាន់ជល់តាមប្រព័ន្ធអនឡាញយ៉ាងគឃ្លើន គ្មានខ្លាចការហាមឃាត់ជួបជុំខុសបម្រាមផងនោះ ក៏អភិបាលខណ្ឌដូនពេញបញ្ជាឲ្យចាប់បង្ក្រាបតែម្តង៕