ព័ត៌មានជាតិ
ប្រធានមន្ទីរអប់រំ៖ សប្តាហ៍ក្រោយ នឹងបានដឹងតំបន់ណាអាចបើកសាលាឡើងវិញបានឬមិនបាន
ប្រធានមន្ទីរអប់រំ យុវជន និងកីឡា រាជធានីភ្នំពេញបានអះអាងថា ប្រហែលជានៅសប្តាហ៍ក្រោយយើងនឹងបានដឹងថាតើតំបន់ណាខ្លះអាចបើកសាលារៀនឡើងវិញបាននិងតំបន់ណាដែលនៅមិនទាន់អាចបើកឡើងវិញបានខណៈបច្ចុប្បន្ននេះអាជ្ញាធរកំពុងមមាញឹកចុះវាយតម្លៃនៅតាមតំបន់នីមួយៗទៅតាមជាក់ស្តែង។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញបានមានប្រសាសន៍នៅព្រឹកថ្ងៃទី៥កញ្ញានេះថាអាជ្ញាធរខណ្ឌនីមួយៗបានស្នើសុំរដ្ឋបាលរាជធានីភ្នំពេញសូមពេល១សប្តាហ៍សម្រាប់ចុះសិក្សាវាយតម្លៃជាក់ស្តែងនៅតាមមូលដ្ឋានរបស់ខ្លួននីមួយៗថាតើទីតាំងណាខ្លះអាចបើកសាលាបាននិងទីតាំងណាខ្លះដែលមិនមិនទាន់បើកសាលាបាននៅឡើយដោយសារនៅរាជធានីភ្នំពេញក្នុងចំណោមសង្កាត់ទាំង១០៥សុទ្ធតែមានឆ្លងទាំងអស់។
លោកបានបន្តទៀតថាបន្ទាប់មកអាជ្ញាធរខណ្ឌនឹងរាយការណ៍ទៅរដ្ឋបាលរាជធានីភ្នំពេញហើយរដ្ឋបាលរាជធានីភ្នំពេញផ្ញើបន្តទៅក្រសួងអប់រំដើម្បីឱ្យក្រសួងធ្វើរបាយការណ៍បន្តជួនសម្តេចនាយករដ្ឋមន្ត្រីសម្រេច។
លោកប្រធានមន្ទីរអប់រំបានបន្ថែមថា ចំណែកមន្ទីរអប់រំ នាយកសាលានិងលោកគ្រូអ្នកគ្រូបានត្រៀមខ្លួនរួចរាល់ហើយក្នុងការបើកដំណើរការសាលារៀនឡើងវិញនាពេលឆាប់ៗនេះ។
លោកបានឱ្យដឹងថា «ចំពោះការបើកដំណើរការសាលារៀនមឡើងវិញនេះទាំងមន្ទីរអប់រំនាយកសាលាលោកគ្រូអ្នកគ្រូបានត្រៀមរួចហើយឱ្យតែក្រសួងអនុញ្ញាតបើកដំណើរការពេលណាគឺថាយើងអាចបើកសាលាបានភ្លាមៗតែម្តងព្រោះយើងមានបទពិសោធន៍ច្រើនហើយដោយកាលពីមុនត្រូវឱ្យសិស្សរៀនក្នុង១ថ្នាក់៣០នាក់ទៅ៤០នាក់ទៅតាមកម្រិតតែថ្មីៗនេះក្រសួងបានតម្រូវឱ្យដាក់សិស្សក្នុង១ថ្នាក់មិនលើសពី១៥នាក់ទេ។អីចឹងយើងត្រូវចែកសិស្ស៣០នាក់ជាពីរដោយរៀនឆ្លាស់គ្នាមួយក្រុមរៀននៅផ្ទះនិងមួយក្រុមទៀតរៀននៅសាលាតែត្រូវកាត់បន្ថយការសិក្សាទៅតាមចំនួនសិស្សតិចឬច្រើន»។
លោក ប្រធានមន្ទីរបានបន្ថែមថាបច្ចុប្បន្ននេះនៅរាជធានីភ្នំពេញមានសាលារៀនសាធារណៈចាប់ពីកម្រិតមតេយ្យសិក្សារហូតដល់វិទ្យាល័យមានចំនួន២៥៣សាលានិងសាលាឯកជនមានប្រមាណ៥២០សាលាដោយមិនរាប់បញ្ចូលកម្រិតឧត្តមសិក្សាទេ។
គួរបញ្ជាក់ថា កាលពីថ្ងៃទី៣១ ខែសីហា ឆ្នាំ២០២១កន្លងទៅនេះសម្តេចតេជោហ៊ុន សែន បានចេញសារសំឡេងបន្ទាន់មួយ ដោយណែនាំឱ្យក្រសួងអប់រំ យុវជន និងកីឡា សហការជាមួយអាជ្ញាធរ រាជធានី ខេត្ត ដើម្បិពិនិត្យមើលលើការបើកសាលារៀនឡើងវិញ នៅតាមភូមិ ឃុំដែលមិនមានការឆ្លងជំងឺកូវីដ-១៩ និងកន្លែងដែលឆ្លងតិច ដោយមិនត្រូវរងចាំការបើកសាលារៀនព្រមគ្នានៅទូទាំងប្រទេសនោះឡើយ ប៉ុន្តែត្រូវរក្សាគម្លាតសុវត្ថិភាព និងគោរពតាមវិធានការសុខាភិបាលឱ្យបានខ្ជាប់ខ្ជួន៕
សំអឿន
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម
-
ព័ត៌មានជាតិ៥ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ