ព័ត៌មានជាតិ

ដាក់ចេញគោលការណ៍១១ចំណុច សម្រាប់អាជីវកម្មសណ្ឋាគារ និងសេវាកម្មស្នាក់នៅទេសចរណ៍

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

នៅព្រឹកថ្ងៃទី០៦ ខែកញ្ញា ឆ្នាំ២០២១នេះ ក្រសួងទេសចរណ៍បានដាក់ចេញគោលការណ៍១១ ចំណុច សម្រាប់សេវាកម្មស្នាក់នៅទេសចរណ៍ របស់សណ្ឋាគារ ដែលគោលការណ៍នេះ ធ្វើឡើងតាមសេចក្តីសម្រេចស្តីពី “ការដាក់ឱ្យអនុវត្តនីតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្មស្នាក់នៅទេសចរណ៍”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលការណ៍១១ ចំណុចនោះរួមមាន:

ទី១, គោលការណ៍ណែនាំសម្រាប់ភ្ញៀវ

ទី២, កន្លែងទទួលភ្ញៀវ

ទី៣, សេវាកម្មបន្ទប់ និងការសម្អាត

ទី៤, សេវាកម្មម្ហូបអាហារ និងភេសជ្ជៈក្នុងសណ្ឋាគារ

ទី៥, ការរក្សាអនាម័យ និងការសម្លាប់មេរោគក្នុងផ្ទះបាយ

ទី៦, ការជួសជុល និងការថែទាំក្នុងសណ្ឋាគារ

ទី៧, ទីកន្លែងទូទៅ និងបង្គន់សាធារណៈ

ទី៨, សេវាកម្មដឹកជញ្ជូនភ្ញៀវក្នុងសណ្ឋាគារ

ទី៩, ការផ្គត់ផ្គង់ទំនិញ និងសេវាកម្មពីអ្នកផ្គត់ផ្គង់

ទី១០, ការអនុវត្ត និងគ្រប់គ្រងធុរកិច្ច

ទី១១, គោលការណ៍ណែនាំសម្រាប់លក្ខខណ្ឌតម្រូវសម្រាប់ការរាយការណ៍។

សូមបញ្ជាក់ថា ក្រសួងទេសចរណ៍ កាលពីថ្ងៃទី៣១ ខែសីហា បានចេញសេចក្តីសម្រេចស្តីពី “ការដាក់ឱ្យអនុវត្តនីតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្មស្នាក់នៅទេសចរណ៍” ដើម្បីឲ្យស្របតាមវិធានការចាំបាច់របស់រាជរដ្ឋាភិបាល និងក្រសួងសុខាភិបាល ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ និងរក្សាបាននូវស្ថិរភាពអាជីវកម្ម និងធានាបាននូវសុវត្ថិភាពជូនដល់ភ្ញៀវទេសចរជាតិ-អន្តរជាតិ ហើយបើតាមមន្ត្រីជាន់ខ្ពស់ក្រសួងទេសចរណ៍ ស្តង់ដាប្រតិបត្តិ តាមគន្លងប្រក្រតីភាពថ្មីសម្រាប់សណ្ឋាគារ និងសេវាកម្មស្នាក់នៅទេសចរណ៍ ផ្តោតសំខាន់លើចំណុចអនុវត្តជាក់ស្ដែង ១១ ចំណុច៕

អត្ថបទ៖ មានជ័យ