Connect with us

ព័ត៌មានជាតិ

ច្រាំងទន្លេប្រវែង ១០០ ម៉ែត្រ បាក់ស្រុតចូលទន្លេ ក្នុងស្រុកកងមាស ខេត្តកំពង់ចាម

បានផុស

នៅ

ច្រាំងទន្លេ​ប្រមាណ ១០០ ម៉ែត្រ បាន​បាក់ស្រុត​ចូលក្នុង​ទន្លេ បណ្តាលឱ្យ​ប៉ះពាល់លំនៅឋាន​របស់​ប្រជាពលរដ្ឋចំនួន ប្រាំ ខ្នង និង​ផ្លូវលំ​មាត់ទន្លេនៅ​ភូមិ​ល្វា​លើ ឃុំ​ស្តៅ ស្រុក​កងមាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ភោគ សាវុធ អភិបាលស្រុក​កងមាស​ នៅ​ព្រឹក​ថ្ងៃទី១១ ខែតុលា​ ឆ្នាំ២០២១ នេះបានឲ្យដឹងថា ករណី​បាក់ស្រុត​ច្រាំងទន្លេខាងលើ បានចាប់ផ្តើម​កាលពី​ល្ងាច​ថ្ងៃទី៩ ខែតុលា ហើយមកដល់ថ្ងៃទី១១ ខែតុលានេះ បាន​បាក់​ច្រាំងធ្លាក់ចូលទៅក្នុងទន្លេអស់​ប្រវែងបណ្តោយ ១០០ ម៉ែត្រ ដែលមាន​ទទឹង​ប្រហែល ១០ ម៉ែត្រ​។

​ហេតុការណ៍​បាក់ស្រុត​ ច្រាំងទន្លេ​នេះបាន​បណ្តាលឱ្យ​ប៉ះពាល់ដល់​លំនៅឋាន​ប្រជាពលរដ្ឋចំនួនប្រាំខ្នង ដោយមាន​មួយ​ខ្នងប៉ះពាល់​ធ្ងន់ធ្ងរប្រឈម​នឹង​ការរុះរើជាបន្ទាន់​។

​គួររំលឹកថា កាលពីថ្ងៃទី៥ ខែតុលា ឆ្នាំ២០២១នេះ កំណាត់ផ្លូវជាតិលេខ ៧០A ស្ថិតនៅឃុំរកាកោង ស្រុកមុខកំពូលខេត្តកណ្ដាល ជាប់នឹងស្រុកកងមាស ខេត្តកំពង់ចាម បានរងគ្រោះដោយសារតែការបាក់ច្រាំងទន្លេមកដល់ផ្លូវជាតិតែម្ដង។ មន្ទីរសាធារណការ និងដឹកជញ្ជូនខេត្តកណ្ដាលបានប្រកាសផ្អាករថយន្តធុនធ្ងន់មិនឱ្យធ្វើចរាចរណ៍នៅលើកំណាត់ផ្លូវនេះជាបណ្ដោះ​អាសន្ន៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម