ព័ត៌មានជាតិ
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
នេះជាលើកទី៥ហើយ ដែលច្រាំងស្ទឹងសង្កែក្បែរស្ពានវត្តគរ ត្រើយខាងកើតត្រូវបានជួសជុលជាបន្តបន្ទាប់ដោយសារតែការបាក់ស្រុតឥតឈប់ឈរ និងការស្ថាបនាមិនចេះជាប់។
គួរបញ្ជាក់ដែរថា ច្រាំងស្ទឹងត្រើយខាងកើតក្បែរស្ពានវត្តគរ គឺស្ថិតក្នុងភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង ដែលស្ពាននេះស្ថិតនៅលើកំណត់ផ្លូវជាតិលេខ៥៧ ក្នុងទិសដៅពីខេត្តបាត់ដំបងទៅកាន់ខេត្តប៉ៃលិន ដោយឆ្លងកាត់ដងស្ទឹងសង្កែ និងស្ថាបនាឡើងដោយមូលនិធិរាជរដ្ឋាភិបាល។
ក្រោយពីការកសាងស្ពានបានបញ្ចប់ ច្រាំងស្ទឹងប៉ែកខាងកើតក៏បានបាក់ស្រុតចុះទៅក្នុងស្ទឹងជាបណ្ដើរៗ រហូតធ្វើឲ្យខូចខាតដល់ផ្លូវមួយខ្សែនោះថែមទៀតផង ស្ទើរតែមិនអាចធ្វើចរាចរណ៍បានដោយសារតែការបាក់ស្រុតមានសន្ទុះខ្លាំងពេក។ ដោយសារបញ្ហានេះវាអាចនឹងប៉ះពាល់ដល់ឃឿនក្បាលស្ពានវត្តគរផងនោះ គេសង្កេតឃើញថា ក្រុមការងារជំនាញបានដាក់គ្រឿងចក្រចុះមកកែកុនទៅតាមបច្ចេកទេសដែលគេមានដូចជា យកលួសសំណាញ់ទៅប្រទាក់ក្រឡាបួនជ្រុងដោយទម្លាក់ដុំថ្មធំៗចូលទៅក្នុងលួសសំណាញ់នោះហើយដាក់តម្រៀបជាជួរតាមបណ្ដោយច្រាំងដងស្ទឹងដើម្បីទប់ដីដែលចាក់ថ្មីកុំឲ្យរអិលចូលទៅក្នុងស្ទឹង តែលទ្ធផលបែបនេះគឺទទួលបានពិន្ទុសូន្យ ព្រោះដុំថ្ម និងលួសសំណាញ់ត្រូវបានដីរុញចូលទៅបាតស្ទឹងគ្មានសល់។
ចាប់តាំងពីនោះមកការជួសជុល និងស្ថាបនាចំណុចខាងលើនេះត្រូវបានគេធ្វើជាបណ្ដើរៗទៅតាមគំនិតច្នៃប្រឌិតបែបជំនាញមួយលើកជាពីរលើក រហូតដល់ពេលនេះគឺជាលើកទី ៥ ហើយ ដែលគេមិនដឹងថា តើអាចឈានទៅដល់លើកទី ៦ ទៀតដែរឬទេ? ហើយការចំណាយថវិកាជាតិដូចគេយកមកបោះចោលក្នុងស្ទឹងបែបនេះដែរ។
មានមតិជាច្រើនក៏បានចោទសួរថា ហេតុអ្វីបានជាទីតាំងនេះធ្វើមិនជាប់ ហើយធ្វើជាប់រហូតបែបនេះ? ហេតុដូចម្ដេចបានជាគេមិនយកគំរូច្រាំងស្ទឹងនៅខាងមុខមន្ទីរពេទ្យបង្អែកខេត្ត? ព្រោះទីតាំងនោះគេសង្កេតឃើញថាចំមុខទឹក និងច្រាំងស្ទឹងមានសភាព កោងផង ចុះម្ដេចក៏គេធ្វើមិនបាក់?
ជួបជាមួយបុរសវ័យចំណាស់ម្នាក់ដែលជាអ្នកបើកអេស្កា នៅចំណុចខាងលើលោកបាននិយាយថា យើងចាំមើលទាំងអស់គ្នាទៅឆ្នាំក្រោយថាតើទីតាំងនេះអាចបាក់ស្រុតទៀតដែរឬទេ។ ពាក្យនេះ គឺបន្ទាប់ពីឮសំណួរយើងសួរថា ហេតុអ្វីបានជាធ្វើហើយបាក់រហូតបែបនេះ? ព្រោះការចំណាយថវិកាជាតិក៏មិនតិចដែរទៅលើការជួសជុលដដែលៗយ៉ាងដូច្នេះ។ ព្រោះដោយសារតែឃើញថាការស្ថាបនាលើកនេះដែលជាលើកទី ៥ គឺពុំមានបុកគ្រឹះ និងចាក់បេតុងមួយដំណក់ឡើយ ដូច្នេះតើច្រាំងស្ទឹងអាចស្ថិតនៅបានរហូតដែរឬទេ?៕
អត្ថបទ៖ សោ និយមរ័ត្ន
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល