ព័ត៌មានជាតិ
ខេត្តកំពង់ឆ្នាំង កំពុងមានសក្ដានុពលទាក់ទាញការវិនិយោគលើវិស័យ នៃការចិញ្ចឹមត្រី និងចិញ្ចឹមគោ
អគ្គនាយកធនាគារអភិវឌ្ឍន៍ជនបទ និងកសិកម្ម កាលពីថ្ងៃទី១៤ ខែតុលា ឆ្នាំ២០២១ បានជួបពិភាក្សាការងារជាមួយអភិបាលខេត្តកំពង់ឆ្នាំង ក្នុងគោលបំណងបង្កើនកិច្ចសហការសិក្សាលើគម្រោងអភិវឌ្ឍន៍ទំនើបកម្មវិស័យកសិកម្មរវាងធនាគារអភិវឌ្ឍន៍ជនបទនិងកសិកម្ម និងរដ្ឋបាលខេត្តកំពង់ឆ្នាំង ។
នៅសាលាខេត្តកំពង់ឆ្នាំងលោក កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទនិងកសិកម្មបានជួបពិភាក្សាជាមួយលោក ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង និងលោក ឡុង ឈុនឡៃ ប្រធានក្រុមប្រឹក្សាខេត្តនៅក្នុងឱកាសនោះក៏មានវត្តមានក្រុមអ្នកវិនិយោគគិនចិន ដែលកំពុងសិក្សាឱកាសវិនិយោគក្នុងវិស័យកសិកម្មនៅក្នុងខេត្តកំពង់ឆ្នាំងផងដែរ ។
កិច្ចពិភាក្សាបានផ្តោតសំខាន់ទៅលើកិច្ចសហការសិក្សាលើគម្រោងអភិវឌ្ឍន៍ទំនើបកម្មវិស័យកសិកម្ម រវាងធនាគារអភិវឌ្ឍន៍ជនបទ និងកសិកម្ម និងរដ្ឋបាលខេត្តកំពង់ឆ្នាំង។
លោក កៅ ថាច បានឱ្យដឹងថាអ្នកវិនិយោគចិនបានចាប់អារម្មណ៍ទៅលើវិស័យចិញ្ចឹមត្រីនិងបង្កើតរោងចក្រកែច្នៃត្រីនៅខេត្តកំពង់ឆ្នាំងសម្រាប់បំពេញតម្រូវការក្នុងស្រុកនិងនាំ ចេញផងដែរ។ក្រុមវិនិយោគគិនចិនសម្លឹងឱកាសវិនិយោគនៅខេត្តកំពង់ឆ្នាំងដោយសារខេត្តនេះសម្បូរត្រីនិងជាខេត្តជាប់ទន្លេសាបដែលងាយស្រួលការចិញ្ចឹមត្រី។
បើតាមលោក កៅ ថាច ក្រុមវិនិយោគគិនចិនគ្រោងបោះទុនទៅធ្វើរោងចក្រកែច្នៃត្រីហើយគាត់ភ្ជាប់ជាមួយកសិករចិញ្ចឹមត្រីនៅក្នុងតំបន់នោះ។ក្រុមអ្នកវិនិយោគចិននេះក៏មាន រោងចក្រផលិតចំណីត្រី ចំណីសត្វ នៅតំបន់សេដ្ឋកិច្ចពិសេសភ្នំពេញហើយគាត់ចង់វិនិយោគបន្ថែមទៅលើកែច្នៃត្រីដែលអាចជួយសម្រួលតម្លៃត្រីនិងការផ្គត់ផ្គង់តម្រូវនៅលើ ទីផ្សារនិងកាត់បន្ថយការនាំចូលត្រីពីក្រៅប្រទេស ។ បើពិនិត្យការវិនិយោគនេះគឺមានលក្ខណៈជាខ្សែច្រវ៉ាក់ផលិតកម្មមួយសម្រាប់ទីផ្សារត្រីរបស់កសិករកម្ពុជាផងដែរ ។
បន្ទាប់ពីជំនួបពិភាក្សាលោក កៅ ថាច រួមជាមួយអភិបាល នៃគណៈអភិបាលខេត្តនិងក្រុមអ្នកវិនិយោគបានបន្តដំណើរចុះទស្សនៈកិច្ចទីតាំងគម្រោងចញ្ចឹមគោមួយកន្លែងដែល ស្ថិតក្នុងស្រុកទឹកផុស ខេត្តកំពង់ឆ្នាំង លើផ្ទៃដីប្រមាណ ២០០ហិកតា ដែលជំហ៊ានដំបូងវិនិយោគជិតប្រាក់១លានដុល្លារដើម្បីចិញ្ចឹមគោយកសាច់។ បច្ចុប្បន្នកសិដ្ឋានកំពុង ដំណើរការដំឡើងម៉ាស៊ីនស្រោចទឹកស្មៅខ្នាតធំទំនើប ដែលមានប្រវែង ៦០០ ម៉ែត្រ និងត្រៀមរៀបចំដាំស្មៅលើផ្ទៃដីដែលបានឈូសឆាយរួច ៕
អត្ថបទ៖ ណារី
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១០ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម