មួយ​ថ្ងៃ​ម្សិលមិញ មានពលរដ្ឋជាង៨០០០នាក់ បាន​ទៅចុះឈ្មោះ​បោះឆ្នោត
Connect with us
Helistar Cambodia - Helicopter Charter Services

ព័ត៌មានជាតិ

មួយ​ថ្ងៃ​ម្សិលមិញ មានពលរដ្ឋជាង៨០០០នាក់ បាន​ទៅចុះឈ្មោះ​បោះឆ្នោត

បានផុស

នៅ

នៅថ្ងៃទី២៣ ខែតុលា ម្សិលមិញ ជាថ្ងៃដែលកម្ពុជាអបអរសាទរទិវាកិច្ចព្រមព្រៀងសន្តិភាពទីក្រិងប៉ារីស  មានប្រជាពលរដ្ឋទៅចុះឈ្មោះថ្មីចំនួន៨.២២៧ នាក់។ នេះបើយោងតាមរបាយការណ៍ពីឃុំ សង្កាត់ ចំនួន១.២៩៧ ស្តីពីលទ្ធផលបណ្ដោះអាសន្ន នៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ (សម្រាប់ថ្ងៃទី២៣ ខែតុលា ឆ្នាំ២០២១) នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៏ដដែលនោះ អ្នកដែលត្រូវលុបឈ្មោះចេញពីបញ្ជីបោះឆ្នោត មានចំនួន៥.៤០៤ នាក់ ហើយអ្នកដែលបានកែតម្រូវទិន្នន័យមានចំនួន ២.៩៥៧ នាក់ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួន ២.៩៥៩ នាក់។

សរុបរយៈពេល១២ថ្ងៃ លទ្ធផល នៃការពិនិត្យបញ្ជីឈ្មោះ និងការចុះឈ្មោះបោះឆ្នោត មានប្រជាពលរដ្ឋ បានអញ្ជើញមកចុះឈ្មោះបោះឆ្នោតថ្មីចំនួន១២៤.៤១៤ នាក់, អ្នកដែលនឹងត្រូវលុបឈ្មោះចេញពីបញ្ជីបោះឆ្នោតសរុប មានចំនួន ៧៥.២២៤ នាក់, អ្នកដែលបានកែតម្រូវទិន្នន័យសរុប មានចំនួន ៣៤.៩១៤ នាក់ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មីសរុប មានចំនួន ៣៩.០៩២ នាក់។

សូមបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ប្រព្រឹត្តទៅចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១ គិតទាំងថ្ងៃសៅរ៍ និងថ្ងៃអាទិត្យ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services