ព័ត៌មានជាតិ
សមត្ថកិច្ចតាមប្រកៀកចោរលួចរថយន្ត កំពុងរត់គេចខ្លួនដល់ខេត្តកំពង់ធំ
ខេត្តបាត់ដំបង៖ នៅមន្ទីរពេទ្យឯកជន «កែស៊ីនួន» ជនមិនស្គាល់អត្តសញ្ញាណម្នាក់បានបន្លំជាសន្តិសុខរួចបើកយករថយន្តអ្នកជំងឺមួយគ្រឿងជិះគេចខ្លួនកាលពីវេលាម៉ោង១១និង៤០នាទីថ្ងៃត្រង់ថ្ងៃទី២៨តុលា ស្ថិតនៅភូមិអូរតាគាំ២សង្កាត់ទួលតាឯក ក្រុងបាត់ដំបង។
ប្រភពពីសមត្ថកិច្ចថា រថយន្តដែលត្រូវចោរលួចនោះម៉ាកឡិចស៊ីសពណ៌មាស Rx330 ពាក់ស្លាកលេខបាត់ដំបង2B-8568 ម្ចាស់កម្មសិទ្ធិឈ្មោះអុង ប៊ុនធាង ភេទប្រុសអាយុ៤៣ឆ្នាំ រស់នៅភូមិផ្សារព្រំឃុំស្ទឹងកាច់ស្រុងសាលាក្រៅ ខេត្តប៉ៃលិន។
សមត្ថកិច្ចស្រង់សម្តីជនរងរងគ្រោះបានបញ្ជាក់ថា មុនកើតហេតុជនរងគ្រោះ បានបានដឹកឪពុកមកពិនិត្យសុខភាពនៅមន្ទីរពេទ្យឯកជន ដែលមានយីហោ”កែស៊ីនួន” មានទីតាំងនៅចំណុចកើតហេតុខាងលើ។ លុះមកដល់ទីតាំងពេទ្យក៏មានបុរសម្នាក់បានណែនាំឲ្យគាត់រកកន្លែងចតរថយន្ត ដែលធ្វើឲ្យម្ចាស់រថយន្តទុកចិត្តថាជាសន្តិសុខមន្ទីរពេទ្យ១នេះខណះជនរងគ្រោះ ប្រញាប់នាំឪពុកចូលឲ្យពេទ្យពិនិត្យផងក៏បានប្រគល់សោរឲ្យជនសង្ស័យ ជួយបើករកកន្លែងចតហើយជនរងគ្រោះក៏នាំឪពុកចូលក្នុងមន្ទីរបាត់ទៅ។
ក្រោយជនរងគ្រោះនាំឪពុកចូលក្នុងមន្ទីរពេទ្យមិនបានប៉ុន្មាននាទីផង ជនរងគ្រោះក៏បានចេញមកយកសោររថយន្តពីសន្តិសុខក្លែងក្លាយនោះ ក៏ស្រាប់តែបាត់ទាំងរថយន្តបាត់ទាំងជនសង្ស័យ ទើបមានការភ្ញាក់ផ្អើលតែម្តង។ ករណីនេះបានបន្សល់ទុករូបភាពជនសង្ស័យនៅក្នុងកាមេរ៉ាសុវត្ថិភាពរបស់មន្ទីរពេទ្យ និងបានបង្ហាញមុខមាត់យ៉ាងច្បាស់ថាជនសង្ស័យពាក់អាវយឺតដៃវែងពណ៌លឿង ពាក់ម៉ាស់នៅជាប់កនិងមានស្ពាយកាបូប១ផង។
ពាក់ព័ន្ធករណីខាងលើ មន្ត្រីនៃការិយាល័យជំនាញនៃស្នងការខេត្តបានបញ្ជាក់ថា ក្រោយកើតហេតុនៅវេលាម៉ោង៧យប់ថ្ងៃទី២៨តុលា លោកទទួលបានព័ត៌មានពីសមត្ថកិច្ចស្រុកសូត្រនិគមខេត្តសៀមរាបបានប្រទះឃើញរថយន្តមុខសញ្ញានោះហើយ ថែមទាំងសមត្ថកិច្ចខេត្តសៀមរាបបានបើករថយន្តប្រដេញយ៉ាងប្រផាប់ប្រភីង រហូតដល់ទឹកដីខេត្តកំពង់ធំក៏បាត់ដានតែម្តង។
មន្ត្រីដដែលបានបញ្ជាក់និងអះអាងថា រហូតដល់ព្រឹកថ្ងៃទី២៩តុលានេះ បើតាមព័ត៌មានមុខសញ្ញាចោរលួចរថយន្តហាក់កំពុងសម្ងំនៅទឹកដីខេត្តកំពង់ធំនៅឡើយ។ បច្ចុប្បន្នសមត្ថកិច្ចបានធ្វើការទំនាក់ទំនងសមត្ថកិច្ចជំនាញតាមបណ្ដាខេត្តរួចរាល់ហើយ ដើម្បីសហការតាមដានក្នុងករណីខាងលើនេះដើម្បីឈានដល់ការឃាត់ខ្លួនជនសង្ស័យឲ្យខាងតែបានដើម្បីផ្តន្ទាទោសងាមច្បាប់៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង