ព័ត៌មានជាតិ
អង្គការទេសចរណ៍ពិភពលោក ផ្សព្វផ្សាយពីការលើកលែងធ្វើចត្តាឡីស័ក សម្រាប់អ្នកទេសចរវ៉ាក់សាំងមកកម្ពុជា
អង្គការទេសចរណ៍ពិភពលោក (UNWTO) បានជួយផ្សព្វផ្សាយអំពីការលើកលែងការធ្វើចត្តាឡីស័ក សម្រាប់អ្នកដំណើរទាំងអស់ ដែលបានចាក់វ៉ាក់សាំងពេញលេញ ហើយតាមរយៈការផ្សព្វផ្សាយនេះ ក្រសួងទេសចរណ៍ បានបង្ហាញការជឿជាក់ថា ភ្ញៀវទេសចរអន្តរជាតិ នឹងមកកម្សាន្តនៅប្រទេសកម្ពុជាកាន់តែច្រើន។
តាមរយៈអត្ថបទមួយ ដែលមានចំណងជើងថា “Quarantine Waived for Fully-Vaccinated International Arrivals to Cambodia “ អង្គការទេសចរណ៍ពិភពលោក បានឲ្យដឹងថា ចាប់ពីថ្ងៃទី ១៥ ខែវិច្ឆិកា ឆ្នាំ ២០២១ អ្នកដំណើរទាំងអស់ ដែលបានចាក់វ៉ាក់សាំងពេញលេញ ចូលមកដល់កម្ពុជាតាមច្រកអន្តរជាតិទាំងអស់ (ផ្លូវគោក ផ្លូវអាកាស ផ្លូវទឹក) ឈប់តម្រូវឲ្យធ្វើចត្តាឡីស័ក ទៀតហើយ។
ដើម្បីទទួលបានការលើកលែងនេះ អ្នកដំណើរចាក់វ៉ាក់សាំងទាំងនេះ ត្រូវផ្ដល់៖ ទី១, វិញ្ញាបនបត្រចាក់វ៉ាក់សាំងពេញ លេញ ទី២, វិញ្ញាបនបត្រ ឬលិខិតបញ្ជាក់លទ្ធផលធ្វើតេស្ត PCR អវិជ្ជមាន រយៈពេល៧២ម៉ោង។
វិញ្ញាបនបត្រ ឬលិខិតបញ្ជាក់ខាងលើ ត្រូវចេញ និងទទួលស្គាល់ដោយអាជ្ញាធរមានសមត្ថកិច្ចនៃប្រទេសកំណើតរបស់ពួកគេ។ លើសពីនេះ អ្នកធ្វើដំណើរនឹងត្រូវធ្វើតេស្តរហ័ស COVID-19 ហើយរង់ចាំពី១៥ ទៅ២០ នាទីសម្រាប់លទ្ធផល។ ប្រសិនបើលទ្ធផលបញ្ជាក់ថា អវិជ្ជមាន អ្នកធ្វើដំណើរនឹងអាចធ្វើដំណើរទូទាំងប្រទេសបាន។
ចំណែកជនបរទេស ដែលមិនបានចាក់វ៉ាក់សាំង នឹងនៅតែតម្រូវឲ្យដាក់នៅដាច់ដោយឡែក រយៈពេល១៤ថ្ងៃ បន្ទាប់ពីធ្វើតេស្ត PCR កូវីដ-១៩។ ទន្ទឹមនឹងនេះ អ្នកដែលកំពុងដាក់ ឲ្យនៅដាច់ដោយឡែកពីគេនៅកម្ពុជា នឹងត្រូវបានអនុញ្ញាតឲ្យបញ្ចប់ការដាក់ នៅដាច់ដោយឡែកពីគេនៅថ្ងៃទី ១៥ ខែវិច្ឆិកា ឆ្នាំ២០២១ ក្នុងលក្ខខណ្ឌថា ពួកគេមិនបានធ្វើតេស្តវិជ្ជមានចំពោះជំងឺកូវីដ-១៩។
គួររំលឹកថា ប្រទេសកម្ពុជា បានចាក់វ៉ាក់សាំងទាំងស្រុងជិត ៨៨ភាគរយ នៃចំនួនប្រជាជនទាំងមូល ខណៈដែលការចាក់វ៉ាក់សាំងសម្រាប់ដូសជំរុញ និងការចាក់វ៉ាក់សាំងសម្រាប់កុមារអាយុ ៥ឆ្នាំ កំពុងបន្ត។
លោក ថោង ខុន រដ្ឋមន្ត្រីក្រសួងទេសចរណ៍ បានបង្ហាញសុទិដ្ឋិនិយមថា តាមរយៈការជួយផ្សព្វផ្សាយបន្ថែម របស់អង្គការទេសចរណ៍ពិភពលោក (UNWTO) នេះ ភ្ញៀវទេសចរអន្តរជាតិ នឹងមកកម្សាន្តនៅប្រទេសកម្ពុជា កាន់ច្រើន៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore