Connect with us

ព័ត៌មានជាតិ

កម្ពុជាអាចនាំទំនិញនិងផលកសិកម្មត្រង់ទៅចិនដោយមិនឆ្លងកាត់ប្រទេសទី៣ដូចមុន

បានផុស

នៅ

កម្ពុជា កំពុងចរចាជាកញ្ចប់ ចំពោះការនាំចេញទំនិញ និងផលកសិកម្មដោយត្រង់ទៅប្រទេសចិន។ នេះបើតាមប្រសាសន៍របស់សម្តេចតេជោនាយករដ្ឋមន្រ្តី ហ៊ុន សែន នៅព្រឹកថ្ងៃទី ២៣ ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ មានប្រសាសន៍ដូច្នេះថា «កន្លងទៅទំនិញរបស់កម្ពុជាមួយចំនួន ចេញពីកម្ពុជាឆ្លងកាត់ប្រទេសទី៣ ឥឡូវត្រូវទៅផ្ទាល់ជាមួយនឹងការមកដល់​នៃកិច្ចព្រមព្រៀងពាណិជ្ជកម្មសេរីរវាងកម្ពុជាចិនផង និងរវាងភាពជាដៃគូសេដ្ឋកិច្ចគ្រប់ជ្រុងជ្រោយនៅក្នុងតំបន់ នឹងចូលនៅថ្ងៃទី១ខែ មករា ឆ្នាំ ២០២២។ ដូច្នេះធ្វើឲ្យកម្ពុជារបស់យើងមានលទ្ធភាពកាន់តែច្រើន ក្នុងការពង្រឹងនូវវិស័យកសិកម្ម និងការនាំចេញនូវផលិតផលកសិកម្មទៅក្រៅប្រទេស ដែលចិនចំណែកដ៏ធំក្នុងនាំចេញ និងអឺរ៉ុបក៏យើងនាំចេញសម្រាប់អង្ករល្អ»។

ទន្ទឹមនេះសម្តេចតេជោ បានលើកឡើងថា លោក Ly Keqiang នាយករដ្ឋមន្រ្តីចិន ចាប់អារម្មណ៍លើមៀនប៉ៃលិន ឬតាង៉ែន ដោយចិននឹងផ្តល់លក្ខណៈពិសេស ត្រួតពិនិត្យគុណភាពតាមប្រព័ន្ធអនអនឡាញ។

លើសពីនេះទៀត នាឱកាសសម្ពោធដាក់ឱ្យប្រើប្រាស់ជាផ្លូវការស្ពានឆ្លងទន្លេមេគង្គ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ សម្តេចនាយករដ្ឋមន្រ្តី បានប្រាប់លោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជាថា នៅខេត្តកំពង់ចាម ជាតំបន់ចេក ពោលគឺចេកនៅកំពង់ចាមមានច្រើនជាងគេ (ចេកចម្ការលើ ចេកស្ទឹងត្រង់)។

កម្ពុជា ​និង​ចិនបាន​ប្តេជ្ញា​បង្កើន​ទំហំ​ពាណិជ្ជកម្ម​ទ្វេភាគី​ដល់ ១០ពាន់​លាន​ដុល្លារ​នៅ​ឆ្នាំ ​២០២៣ ពោលគឺកាលពីឆ្នាំ ២០២០ មាន ៨,១​ពាន់​លាន​ដុល្លារ​ ដោយបានធ្លាក់ចុះ ៥,២ ភាគរយធៀបនឹងឆ្នាំ ២០១៩។

សូមបញ្ជាក់ថា កម្ពុជា នាំចេញទំនិញទៅកាន់ប្រទេសចិនក្នុងត្រីមាសទី ៣ មានការកើនឡើង ៥២%។ ក្រសួងពាណិជ្ជកម្ម បានឲ្យដឹងថា កម្ពុជា នាំចេញទំនិញទៅកាន់ប្រទេសចិនមានតម្លៃជាង ១,១ ពាន់លានដុល្លារនៅក្នុងត្រីមាសទីបីឆ្នាំនេះ កើនឡើង ៥២,៧៤ ភាគរយពីមួយឆ្នាំទៅមួយឆ្នាំ៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ២ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

ព័ត៌មានអន្ដរជាតិ៩ នាទី មុន

វៀតណាម ជាប់ចំណាត់ថ្នាក់ទី៦ ជាប្រជាជនមានសុភមង្គលបំផុតនៅ អាស៊ី

សន្តិសុខសង្គម១៤ នាទី មុន

មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស

ព័ត៌មានជាតិ១៩ នាទី មុន

មន្ត្រីនាំពាក្យ៖ ការរឹតបន្ដឹងអាជីវកម្មគ្រាប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ

Sokha Hotels

ព័ត៌មានពេញនិយម