ព័ត៌មានជាតិ
ខេត្តកែប នឹងក្លាយជាខេត្តគ្មានគ្រាប់មីនមុនគេ នៅកម្ពុជា
លោក ហេងរតនា ប្រតិភូរាជរដ្ឋាភិបាលទទួលបន្ទុកជា អគ្គនាយកស៊ីម៉ាក់ បានលើកឡើងថា កងកម្លាំងស៊ីម៉ាក់នឹងខិតខំបញ្ចប់ការបោសំអាតចំការមីនដែលនៅសេសសល់នៅខេត្តកែបឱ្យអស់ទាំងស្រុងនាពេលឆាប់ៗខាងមុខនេះ ដើម្បីឱ្យខេត្តមួយនេះក្លាយជាខេត្តគ្មានគ្រាប់មីនមុនគេនៅកម្ពុជា។
ថ្លែងនៅក្នុងពិធីចុះហត្ថលេខាលើ កិច្ចសហប្រតិបត្តិការគម្រោង “ខេត្តកែបគ្មានគ្រាប់មីន” រវាងអ្គភាពស៊ីម៉ាក់ និងអង្គការ NPA ប្រចាំនៅកម្ពុជា កាលពីថ្ងៃទី២៩ ខែវិច្ឆិកា លោក ហេង រតនា បានថ្លែងថា បច្ចុប្បន្ននៅក្នុងខេត្តកែបមាននៅសល់ចម្ការមីនចំនួន ៨ កន្លែងដែលមានទំហំផ្ទៃក្រឡាសរុបជាង ៩០ ហិចតា ហើយតាមការប៉ាន់ស្មាន កម្លាំងស៊ីម៉ាក់អាចប្រើរយៈពេល ៤ ខែសម្រាប់បញ្ចប់ការងារនេះ ដែលធ្វើឱ្យខេត្តនេះក្លាយជាខេត្តគ្មានគ្រាប់មីនមុនគេ។
លោក ហេង រតនា បានបន្តទៀតថា កងកម្លាំងស៊ីម៉ាក់មានមហិច្ឆតាបន្តភារកិច្ចបោសសំអាតចម្ការមីននៅតាមតំបន់រងផលប៉ះពាល់គ្រាប់មីនឱ្យក្លាយជាខេត្តគ្មានគ្រាប់មីនសម្រាប់ខេត្ តកំពត តាកែវ កំពង់ស្ពឺ ព្រះសីហនុ និងខេត្តកោះកុង ជាបន្តបន្ទាប់ចាប់ពីឆ្នាំ ២០២២ តទៅ។
លោក ហេង រតនា បានបន្ថែមថា អង្គភាពស៊ីម៉ាក់ នឹងបន្តខិតខំអនុវត្តតាមផែនការយុទ្ធសាស្ត្រជាតិ របស់រាជរដ្ឋភិបាល ដោយសហការជាមួយអាជ្ញាធរមីន និងដៃគូអភិវឌ្ឍន៍ ដើម្បីឱ្យកម្ពុជាអស់ការគំរាមកំហែងដោយសារគ្រាប់មីនប្រឆាំងមនុស្សត្រឹមចុងឆ្នាំ ២០២៥ ខាងមុខនេះ។
យោងតាមផែនការយុទ្ធសាស្ត្រជាតិសកម្មភាពមីន ឆ្នាំ២០១៨-២០២៥ បានបង្ហាញថា នៅកម្ពុជាមានផ្ទៃដីសង្ស័យមានផលប៉ះពាល់ដោយសារមីនគ្រាប់បែកចង្កោម និងសំណល់ជាតិផ្ទុះពីសង្គ្រាមប្រមាណជាង ១ ៩៧០ គីឡូម៉ែត្រការ៉េ ក្នុងនោះប្រមាណ ៨៧៧ គីឡូម៉ែត្រការ៉េ ជាដីមានផលប៉ះពាល់ខ្ពស់ដោយសារមីន, ៤៩៩ គីឡូម៉ែតការ៉េ ជាដីប៉ះពាល់ដោយគ្រាប់បែកចង្កោម និង ៣៣៣ គីឡូម៉ែត្រការ៉េ ជាដីមានផលប៉ះពាល់ដោយសារសំណល់ជាតិផ្ទុះពីសង្រ្គាមដែលគ្រោងនឹងត្រូវការថវិកាប្រមាណ ៤០៦ លានដុល្លារ សម្រាប់បោសសំអាតរយៈពេលពីឆ្នាំ ២០១៨ ដល់ឆ្នាំ ២០២៥៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ