ព័ត៌មានជាតិ

អាជ្ញាធរខណ្ឌច្បារអំពៅនាំយកអំណោយរបស់សម្តេចតេជោ ផ្តល់ជូនចាស់ជរា៨០នាក់

បានផុស

៣ years មុន

នៅ

ថ្ងៃសុក្រ ៣ ធ្នូ ២០២១

ដោយ

ប្រជាពលរដ្ឋជាជនចាស់ជរា និងមានជីវភាពក្រីក្រចំនួន៨០នាក់ នៅខណ្ឌច្បារអំពៅ រាជធានីភ្នំពេញ ទទួលបានអំណោយជា ភួយ អាវរងា ពីសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈលោក ឃួង ស្រេង អភិបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ត្រូវបានលោក ចេង មុនីរ៉ា អភិបាលខណ្ឌច្បារអំពៅ រៀបចំពិធីប្រគល់ជូនពួកគាត់នៅព្រឹកថ្ងៃទី០២ ខែធ្នូ ឆ្នាំ២០២១នេះ រួមមានម្នាក់ៗ ទទួលបាន ថវិកាចំនួន៥០,០០០រៀល និងឃិតមួយកញ្ចប់ ក្នុងនោះ មានភួយ ០១, អាវរងា ០១ និងក្រមា ០១។

តាមរយៈកាយវិការដ៏ល្អប្រពៃនេះ សបញ្ជាក់ឲ្យឃើញថា សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា បានគិតគូរយ៉ាងយកចិត្តទុកដាក់បំផុត អំពីសុខទុក្ខរបស់ប្រជាពលរដ្ឋក្នុងក្របខណ្ឌទូទាំងប្រទេស និងក្នុងក្របខណ្ឌរាជធានីភ្នំពេញ តាមរយៈលោក ឃួង ស្រេង ដែលសម្ដេចទាំងទ្វេរ តែងតែរួមសុខរួមទុក្ខជាដរាប។

ជាពិសេសដោយសារការព្យាករអាកាសធាតុឃើញថា សីតុណ្ហភាពចុះត្រជាក់ ចាប់ពីពេលនេះ រហូតដល់អំឡុងខែកុម្ភៈ ឆ្នាំ២០២២ ដូច្នេះសម្ដេចតេជោ ហ៊ុន សែន បានប្រគល់ដោយផ្ទាល់ នូវសម្ភារៈដូចខាងលើ មកអភិបាលរាជធានីភ្នំពេញ ដើម្បីចែកជូនប្រជាពលរដ្ឋក្រីក្រ ខ្វះខាត ជាពិសេសចាស់ជរា ដែលអាចនឹងប៉ះពាល់ដល់សុខភាព ពេលអាកាសធាតុចុះត្រជាក់។

ក្នុងឱកាសនោះ លោក ចេង មុនីរ៉ា បាននាំនូវប្រសាសន៍សួរសុខទុក្ខ និងផ្ដាំផ្ញើសេចក្ដីនឹករលឹក ចំពោះប្រជាពលរដ្ឋ និង ពុក ម៉ែ អ៊ុ ពូ មីង ដែលជាចាស់ជរា ជាបុព្វបុរស នៃក្មេងជំនាន់ក្រោយ ពីសំណាក់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងលោក ឃួង ស្រេង និងលោកស្រី ដែលសូមគោរពជូនពរប្រជាពលរដ្ឋ សូមជួបតែសេចក្ដីសុខ សុភមង្គលក្នុងក្រុមគ្រួសារ ជាពិសេសចូលរួមអនុវត្តវិធានការ ៣កុំ ៣ការពារ និងវិធានសុខាភិបាលផ្សេងៗទៀត ដើម្បីការពារខ្លួនពីជំងឺឆ្លងកាចសាហាវកូវីដ-១៩ ផងដែរ៕

អត្ថបទ៖ នរា