អាជ្ញាធរ​ជីកដី​ដាក់​លូរំដោះ​ទឹក នៅសង្កាត់​ចាក់អង្រែក្រោម​

ដើម្បីរំដោះទឹកចេញពីតំបន់លិចលង់ដោយជំនន់ទឹកភ្លៀងកន្លងមកធ្វើឲ្យអាជ្ញាធរសង្កាត់ចាក់អង្រែក្រោមខណ្ឌមានជ័យរាជធានីភ្នំពេញបានសម្រេចដាក់គ្រឿងចក្រជីកដាក់លូបង្ហូរទឹកឲ្យទាបជាងមុនទើបធ្វើឲ្យទឹកហូរបានលឿន និងឆាប់ស្រកទៅ វិញ។

យោងតាមប្រភពពីលោក ជា សុខៃ ចៅ សង្កាត់ចាក់អង្រែក្រោមបានឲ្យកម្ពុជាថ្មីដឹងនៅ ថ្ងៃទី ៩ ខែធ្នូនេះថា មូលហេតុដែលលោកបានដាក់គ្រឿងចក្រជីកដាក់ប្រពន្ធ័លូបង្ហូទឹកថ្មីនេះគឺព្រោះតែប្រពន្ធ័លូចាស់មានកំពស់ខ្ពស់ជាងប្រពន្ធ័លូបង្ហូរទឹកចេញពីតំបន់ដែលប្រជាពលរដ្ឋរស់នៅ ចំនួន៤ភូមិ ក្នុងសង្កាត់ចាក់អង្រែក្រោម។

លោកចៅ សង្កាត់បានបន្តថា ធាតុពិតប្រពន្ធ័លូបង្ហូរទឹកពីមុនមកគឺមានទៅ ហើយប៉ុន្តែបែជាខ្ពស់ជាងលូដែលត្រូវបង្ហូចូលទៅប្រពន្ធ័ធំ។

ដូច្នេះហើយទើបលោកសម្រេចដាក់គ្រឿងចក្រជីកដាក់លូទំហ៊ុមុខកាត់ធំឲ្យបានទាបជាងលូបង្ហូទឹកចាស់ទើបធ្វើឲ្យទឹកហូចូលលូធំបានហូលឿនទើបមិនឲ្យលិចលង់ភូមិដ្ឋានរបស់ប្រជាពលរដ្ឋចំនួន៤ភូមិ។

ក្នុងនោះលោកចៅ សង្កាត់ក៏បានសំុការអាធ្យាស្រ័យដល់បងប្អូនប្រជាពលរដ្ឋសុំកុំអាក់អន់ស្រពន់ចិត្តដោយសារតែទឹកលិចលង់លំនៅ ដ្ឋានកន្លងមក។ហើយចាប់ពីពេលនេះតទៅអាជ្ញាធររកឃើញពីផលប៉ះពាល់ដែលនាំឲ្យទឹកហូចេញមានការយឺតនោះហើយ៕

អត្ថបទ៖ នរា