Connect with us

ព័ត៌មានជាតិ

អាជ្ញាធរ​ចុះត្រួតពិនិត្យ​ការសាង​សង់​បង្គោលព្រំ​ តំ​បន់៣​ ព្រៃ​លិច​​ទឹក​ នៃបឹង​ទន្លេសាប​

បានផុស

នៅ

អនុវត្តតាមបទបញ្ជា​របស់សម្ដេចតេជោ ​ហ៊ុន សែន នាយករដ្ឋមន្ត្រីនៃកម្ពុជាបានឲ្យ លោក ជា សុផារ៉ា ឧបនាយករដ្ឋមន្ត្រី និងរដ្ឋមន្ត្រីក្រសួង រៀបចំដែនដី នគរូបនីយកម្ម និងសំណង់ នាយឧត្តម សេនីយ៍ សៅ សុខា អគ្គមេបញ្ជាការរងកង យោធពលខេមរភូមិន្ទ និងជាមេបញ្ជាការកងរាជអាវុធ​ហត្ថផ្ទៃប្រទេស លោក សាយ សំអាល់ រដ្ឋមន្ត្រីក្រសួងបរិស្ថាន លោក វេង សាខុន រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ បើកកិច្ចប្រជុំបន្ទាន់មួយស្តីពីក្រុមការងារ ថ្នាក់ជាតិ ចុះពិនិត្យព្រៃលិចទឹក តំបន់បឹងទន្លេសាបក្នុងតំបន់ ៣ ក្នុងភូមិសាស្ត្រ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ ព្រឹកថ្ងៃទី ១៣ ខែធ្នូ ឆ្នាំ ២០២១ គណៈបញ្ជាការឯកភាពខេត្តបន្ទាយមានជ័យ ក្នុងនោះលោក អ៊ុំ រាត្រី អភិបាលខេត្តបន្ទាយមានជ័យបានដឹកនាំកំលាំងកងរាជអាវុធហត្ថមួយក្រុមដឹកនាំដោយលោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ កម្លាំងនគរបាល១​ក្រុម ដឹកនាំដោយ លោកឧត្តមសេនីយ៍ទោសិទ្ធិឡោះ ស្នងការនគរបាលខេត្តបន្ទាយមានជ័យបាន​ចុះ​ត្រួតពិនិត្យការសាងសង់បង្គោលព្រំ និងលើកផ្លាកប៉ាណូផែនទី កំណត់ព្រំប្រទល់ដី តំបន់៣ ព្រៃលិចទឹក នៃបឹងទន្លេសាប ស្ថិតក្នុងភូមិសាស្រ្តខេត្តបន្ទាយមានជ័យ ចំនួន២គោលដៅ ៖

១/នៅ ចំណុចវាលអន្លក់ ស្ថិតក្នុងភូមិស្រណាល ឃុំសំបួរ ស្រុកមង្គលបូរី ខេត្តបន្ទាយមានជ័យ

២/នៅ ចំណុចអាងលីសំអាង ស្ថិតក្នុងភូមិក្របៅ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។

លោក អ៊ុំ រាត្រី បានប្រាប់អ្នកយកព័ត៍មានឲ្យដឹងថា ដំណើរការ កំណត់ និងបែងចែក តំបន់គ្រប់គ្រង និងការរៀបចំ ផែនការគ្រប់គ្រងតំបន់ការពារធម្មជាតិនេះពិត ជាមាន សារៈសំខាន់ណាស់ និងមានគោលបំណង ដើម្បីផ្តល់ចំណេះដឹង ទូលំទូលាយ និងចែករំលែក បទពិសោធន៍ អំពីវិធីសាស្ត្រ នៃការរៀបចំ កំណត់ បែងចែកតំបន់គ្រប់គ្រង និងរៀបចំ ផែនការគ្រប់គ្រងសម្រាប់ ប្រព័ន្ធ តំបន់ការពារធម្មជាតិ។

លោក អ៊ុំ រាត្រី បានឱ្យដឹងថា អាជ្ញាធរមានសមត្ថកិច្ច គ្រប់លំដាប់ថ្នាក់ ត្រូវយល់ឲ្យបានច្បាស់ អំពីគោលការណ៍ ណែនាំ ស្តីពីការកំណត់ និងការបែងចែក តំបន់គ្រប់គ្រង ក្នុងតំបន់ការពារធម្មជាតិ មូលដ្ឋាន នៃការធ្វើសារពើភ័ណ្ឌ ព្រៃឈើ ការសិក្សា ស្រាវជ្រាវ អំពីជីវចម្រុះ និងការប្រមូលទិន្នន័យ សម្រាប់កំណត់បែងចែកតំបន់គ្រប់គ្រងក្នុង

តំបន់ការពារធម្មជាតិ ព្រមទាំង តំបន់សហគមន៍ តំបន់ប្រើប្រាស់ ដោយចីរភាព ជាពិសេស ការផ្ទៀង​ផ្ទាត់ ផែនទីជាមួយចូលរួម ក្នុងការអនុវត្តឲ្យបានត្រឹមត្រូវ និងសមស្របបំផុតផងដែរ៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម