ព័ត៌មានជាតិ
ក្រសួងបង្ហាញលេខកូដចំនួន ៥ ប្រើគ្រប់ប្រព័ន្ធទូរសព្ទឥតគិតថ្លៃ
ក្រសួងប្រៃសណីយ៍ និងទូរគមនាគមន៍បានបង្ហាញលេខកូដរួមចំនួន ៥ ដែលមានលក្ខណៈស្តង់ដាររួមមាន *1200#, *1201#, *1202#, *1203*PIN# និង 1204 សម្រាប់ប្រើប្រាស់គ្រប់ប្រព័ន្ធទូរសព្ទចល័តដោយឥតគិតថ្លៃ។
យោងតាមសេចក្តីជូនដំណឹងរបស់ក្រសួងប្រៃសណីយ៍ និងទូរគមនាគមន៍ ចុះថ្ងៃទី ២៩ ខែធ្នូនេះបានឱ្យដឹងថា ដើម្បីផ្តល់ភាពងាយស្រួលដល់អ្នកប្រើប្រាស់សេវាទូរសព្ទចល័តទាំងអស់ និយ័តករទូរគមនាគមន៍កម្ពុជាបាន តម្រូវឱ្យប្រតិបត្តិករផ្តល់សេវាទូរសព្ទចល័តនៅទូទាំងប្រទេស រៀបចំលេខកូដរួមដែលមានលក្ខណៈស្តង់ដារ ស្របតាមលេខកូដទូរគមនាគមន៍ជាតិ ដែលមានមុខសញ្ញាប្រើប្រាស់ ដូចជាលេខកូដរួម *1200# ប្រើសម្រាប់ផ្តាច់សេវាបន្ថែម (VAS) ដែលមិនត្រូវការប្រើដោយគ្រាន់តែ ចុច *1200# រួចចុចបញ្ជូន។
លេខកូដ 1201# ប្រើសម្រាប់ពិនិត្យសមតុល្យទឹកប្រាក់ដោយគ្រាន់តែ ចុច *12០1# រួចចុចបញ្ជូន។ លេខកូដ *1202# ប្រើសម្រាប់ពិនិត្យអត្តសញ្ញាណអ្នកប្រើប្រាស់ដោយគ្រាន់តែ ចុច *1202# រួចចុចបញ្ជូន។ លេខកូដ *1203*PIN# ប្រើសម្រាប់បញ្ចូលទឹកប្រាក់ដោយគ្រាន់តែ ចុច *1203*PIN# រួចចុចបញ្ជូន និង 1204 ប្រើសម្រាប់ទាក់ទងទៅកាន់សេវាបម្រើអតិថិជនដោយគ្រាន់តែ ចុច 1204 រួចចុចបញ្ជូន។
ក្រសួងបានបន្តថាដូចនេះ សាធារណជនអាចប្រើប្រាស់លេខកូដទាំង ៥ ខាងលើបានគ្រប់ប្រព័ន្ធទូរសព្ទចល័តទាំងអស់ ដើម្បីធ្វើការផ្តាច់សេវាបន្ថែម ដែលមិនត្រូវការប្រើ ពិនិត្យសមតុល្យទឹកប្រាក់ ពិនិត្យអត្តសញ្ញាណអ្នកប្រើប្រាស់ បញ្ចូលទឹកប្រាក់ ឬទាក់ទងទៅកាន់សេវាបម្រើអតិថិជនរបស់ក្រុមហ៊ុនទូរសព្ទចល័តនីមួយៗ ដោយឥតគិតថ្លៃ ចាប់ពីថ្ងៃទី ១ ខែមករា ឆ្នាំ២០២២ តទៅ៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល