ព័ត៌មានជាតិ
ឆ្លងឆ្នាំនៅខេត្តព្រះសីហុន ចង់ក្រាលកន្ទេលអង្គុយលេង ដល់បោះតង់គេង ក៏មិនអស់ថ្លៃ
លោក ឃាង ភារម្យ អ្នកនាំពាក្យ សាលាខេត្តព្រះសីហនុ មានប្រសាសន៍ប្រាប់ កម្ពុជាថ្មី ថា ចំពោះកន្លែងអង្គុយ ប្រសិនភ្ញៀវទេសចរអញ្ជើញទៅទីតាំងរមណីដ្ឋាន ដែលជាទីតាំងសាធារណៈ និងលំហរសាធារណៈ គឺអាចក្រាលកន្ទេល បោះតង់ ដោយមិនយកថ្លៃសេវាអ្វីទេ។ ចំពោះបន្ទប់ទឹកសាធារណៈនៅតាមបណ្ដោយឆ្នេរ ក៏មិនតម្រូវឱ្យបង់ថ្លៃសេវាដែរ។
លោក ឃាង ភារម្យ លើកឡើងថា កន្លងមកមន្ត្រីជំនាញ និងមន្ទីរទេសចរណ៍ខេត្តបានចុះផ្សព្វផ្សាយអប់រំ ប្រតិបត្តិករទេសចរណ៍ ក្នុងការផ្ដល់សេវា និងតម្លៃឱ្យបានសមរម្យ ទាំងកន្លែងស្នាក់នៅ និងកន្លែងហូបចុក។
មន្ត្រីអ្នកនាំពាក្យខេត្តព្រះសីហនុ រូបនេះ មានប្រសាសន៍បញ្ជាក់ថា ដើម្បីអបអរ និងទទួលស្វាគមន៍ ប្រជាពលរដ្ឋ ភ្ញៀវទេសចរមកកម្សាន្ត ឆ្លងឆ្នាំសាកល ២០២១ ចូល ២០២២ នេះ រដ្ឋបាលខេត្តបានឱ្យមន្ទីរជំនាញពាក់ព័ន្ធ និងអាជ្ញាធររៀបចំសំអាតបរិស្ថាន និងកែលម្អសោភណ្ឌតាមទីរមណីដ្ឋាន ពិសេសនៅតំបន់ឆ្នេរ ជាពិសេសដើម្បីធានាសន្ដិសុខសណ្ដាប់ធ្នាប់ ក្នុងអំឡុងពេលភ្ញៀវទេសចរចូលមកកម្សាន្តខេត្តព្រះសីហនុ។
លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ មានប្រសាសន៍ប្រាប់ កម្ពុជាថ្មី នៅថ្ងៃទី ៣១ ខែធ្នូនេះ ថា នៅសណ្ឋាគារ ផ្ទះសំណាក់ នៅលើកោះ គឺភ្ញៀវបានកក់ជួលពេញអស់ហើយ ចំណែកនៅដីគោក សណ្ឋាគារល្អៗ ឬមានស្ដង់ដារ ក៏ភ្ញៀវបានកក់ពេញអស់ដែរ លើកលែងតែផ្ទះសំណាក់តូចៗ នៅក្នុងៗ កន្លោះកន្លៀតអី អាចនៅមានខ្លះ។
លោក ឃាង ភារម្យ មានប្រសាសន៍បន្តថា ក្នុងនាមរដ្ឋបាលខេត្ត លោកសូមអំពាវនាវដល់ភ្ញៀវទេសចរជាតិ និងអន្តរជាតិទាំងអស់ដែលអញ្ជើញមកកម្សាន្តនៅខេត្តព្រះសីហនុ ក៏ដូចជាទីរមណីដ្ឋានផ្សេងៗនៅខេត្តព្រះសីហនុ និងសូមប្រកាន់ភ្ជាប់នូវវិធានការសុខាភិបាល វិធានការ៣កុំ ៣ការពារដើម្បីទប់ស្កាត់ការឆ្លងរីករាលដាលជំងឺកូវីដ-១៩ ទាំងអស់គ្នា៕
អត្ថបទ៖ ច័ន្ទ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)