ព័ត៌មានជាតិ
វិស័យណាខ្លះ ដែលជំរុញសេដ្ឋកិច្ចកម្ពុជា ឲ្យសម្រេចបាន ៥,៦ភាគរយ នៅឆ្នាំ ២០២២
នៅឆ្នាំ ២០២២ កំណើនសេដ្ឋកិច្ចកម្ពុជា រំពឹងថា សម្រេចបានក្នុងអត្រា ៥,៦ភាគរយ ដែលគាំទ្រដោយការកើនឡើងនៃតម្រូវការខាងក្រៅ និងទំនុកចិត្តវិនិយោគ គួបផ្សំនិងការដាក់ចេញឲ្យអនុវត្តក្រមខ័ណ្ឌយុទ្ធសាស្រ្ត និងកម្មវិធីស្តារកំណើនសេដ្ឋកិច្ចកម្ពុជា សម្រាប់ឆ្នាំ ២០២១-២០២៣ ដែលជារួមនឹងបន្តងើបឡើងវិញពីនូវស័យកាត់ដេរ កម្មន្តសាលមិនមែនកាត់ដេរ កសិកម្ម ជាពិសេសវិស័យទេសចរណ៍។ នេះបើតាមការលើកឡើងរបស់លោក ឈាង វណ្ណារិទ្ធ អគ្គនាយកនៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ នៅក្នុងវេទិការសាធារណៈ ស្តីពី ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ ២០២២ នៅថ្ងៃទី ១៨ ខែកុម្ភៈ ឆ្នាំ ២០២២។
![](https://www.kampucheathmey.com/wp-content/uploads/2022/02/3-1-1.jpg)
លោក ឈាង វណ្ណារិទ្ធ បានឲ្យដឹងទៀតថា ការហក់ឡើងវិញនៃកំណើនសេដ្ឋកិច្ចនេះ គាំទ្រដោយកត្តាសំខាន់ៗពីរ ដូចជា ទី១ ការងើបឡើងវិញនៃតម្រូវការសកល និងការកើនឡើងថ្លៃកសិផលលើទីផ្សារអន្តរជាតិ ដែលបានជំរុញកំណើនវិស័យកាត់ដេរ វិស័យកម្មន្តសាលមិនមែនកាត់ដេរ កសិកម្ម(ដំណាំ) ជាដើម។ ទី២ ការសម្រេចបាននៃអត្រាចាក់វ៉ាសាំងខ្ពស់ ដែលបានបង្កើតភាពស៊ាំក្នុងសហគមន៍ និងបើកប្រទេសឡើងវិញជាផ្លូវការ ដែលជារួមបានជំរុញសកម្មភាពពាណិជ្ជកម្ម ធុរកិច្ចក្នុងស្រុក ឲ្យត្រឡប់ទៅប្រក្រតីភាពវិញ។
![](https://www.kampucheathmey.com/wp-content/uploads/2022/02/photo_2022-02-18_14-59-45-1024x576.jpg)
នាពេលថ្មីៗនេះ លោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច បានលើកឡើងថា ការងើបឡើងវិញនៃជំងឺកូវីដ-១៩ បំប្លែងថ្មីអូមីក្រុង ក្នុងប្រទេស បានបង្កជាបញ្ហាប្រឈមមួយ ដែលអាចនឹងរាំងស្ទះការងើបឡើងវិញ នូវសកម្មភាពពាណិជ្ជកម្ម-ធុរកិច្ច និងបង្កឲ្យមានការភ័យខ្លាចដល់សាធារណជន។
របាយការណ៍ជំនួយស្មារតីមួយរបស់ធនាគារពិភពលោក បានចេញផ្សាយកាលពីថ្ងៃទី ៣១ ខែមករា ឆ្នាំ ២០២២ បានឲ្យដឹងថា សេដ្ឋកិច្ចប្រទេសកម្ពុជា ស្ថិតនៅក្នុងចំណោមសេដ្ឋកិច្ចតំបន់អាស៊ីបូព៌ា ដែលរងការខូចខាតយ៉ាងដំណំពីការរាតត្បាតនៃជំងឺកូវីដ ១៩ ប៉ុន្តែប្រទេសនេះ អាចស្តារសេដ្ឋកិច្ចឲ្យមានកំណើនទៀងទាត់ឡើងវិញបានតាមរយៈការបង្កើនផលិតភាពរបស់ក្រុមហ៊ុន និងពលករ ការពង្រីកពិពិធភាពក្នុងផ្នែកនាំចេញ និងចាត់វិធានការនានាឈានទៅជំរុញការវិនិយោគក្នុងស្រុក។
សូមបញ្ជាក់ថា ការប្រមូលចំណូលពន្ធ-អាកររបស់អគ្គនាយកដ្ឋានពន្ធដារនៅឆ្នាំ ២០២១ សរុបបានចំនួនប្រមាណជាង ២,៧ពាន់លានដុល្លារ ស្មើនឹង១២៤, ០២% ដោយកើនលើសផែនការច្បាប់ហិរញ្ញវត្ថុឆ្នាំ២០២១ចំនួន២៤ ០២%។
ការដាក់ចេញនូវទិសដៅខាងដើមរបស់ក្រសួងសេដ្ឋកិច្ច និងហិរញ្ញវត្ថុនេះ ធ្វើឡើងបន្ទាប់ពី
អគ្គនាយកដ្ឋានគយនិងរដ្ឋករ ក្នុងឆ្នាំ២០២១កន្លងទៅ ប្រមូលចំណូលគយបានចំនួន ២,២៩៥.២ លានដុល្លារអាមេរិក ថយចុះប្រមាណ ៥.១% បើធៀបនឹងចំណូលប្រមូលបានក្នុងឆ្នាំ២០២០៕
អត្ថបទ៖ ទូន សុផល
![](https://www.kampucheathmey.com/wp-content/uploads/2022/02/Garment-workers-Siv-Channa-8.jpg)
![](https://www.kampucheathmey.com/wp-content/uploads/2022/02/1ac1c94eebec4ff4863b511b06fdba1e.jpg)
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក