ព័ត៌មានជាតិ
មន្ទីរទេសចរណ៍ខេត្តស្ទឹងត្រែង ជំរុញវិស័យឯកជនរួមគ្នាបើកយុទ្ធនាការ បរិស្ថានស្អាតនាំមកនូវសេវាល្អ
ប្រធានមន្ទីរទេសរណ៍ខេត្តជំរុញឱ្យវិស័យឯកជន ប្រកបអាជីវកម្មពាន់ព័ន្ធទៅនឹងទេសចរណ៍ឱ្យចូលរួមគ្នាធ្វើយុទ្ធនាការបរិស្អានស្អាតនំាមកនូវសេវាល្អ ដើម្បីលើកកម្ពស់សោភណ្ឌភាព ប្រកួតប្រជែងគ្នានូវភាពស្អាត បរិស្ថានល្អ នៅឆ្នាំ២០២២នេះ។
លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង ក្នុងឱកាសចុះពង្រឹងវិស័យទេសចរណ៍នៅខេត្តស្ទឹងត្រែង ថ្ងៃទី១៤ ខែមីនានេះ បានស្នើឱ្យផ្នែកឯកជនដែលប្រកបរបរពាក់ព័ន្ធលើវិស័យទេសចរណ៍ ត្រូវរួមសហការគ្នាពង្រឹងសេវាកម្មទេសចរណ៍ឱ្យមានប្រសិទ្ធភាព ពិសេសរៀបចំអភិវឌ្ឍបន្ថែមមួលដ្ឋានរបស់ខ្លួនដែលកំពុងប្រកបរបរអាជីវកម្ម។
លោក អ៊ន់ ប៉ោសឿន បានបន្ថែមថា៖ “ភាពស្អាត ជាគោលដៅចំបងក្នុងការទាក់ទាញភ្ញៀវទេសចរមកលេងបានច្រើន ទើបមន្ត្រីជំនាញទេសចរណ៍បានចុះធ្វើការអប់រំផ្សព្វផ្សាយគោលការណ៍នេះជារឿយៗ ដើម្បីពង្រឹងវិសាលភាពផ្នែកសេវាកម្ម ក្នុងការទទួលភ្ញៀវទេសចរ ហើយយើងបានណែនាំគាត់បន្ថែមពាក់ព័ន្ធ ពីការពង្រឹងគុណភាពសេវាកម្ម ដូចជាការណែនាំគាត់បន្ថែមទៅលើការងារគ្រប់គ្រងនូវកាកសំណល់ ជាពិសេសក្នុងនោះ យើងបានយកចំនុចជាគោលសំខាន់គឺ រមណីយដ្ឋានស្អាត សេវាល្អ បដិសណ្ឋារកិច្ចល្អ គឺនាំមកនូវការទាក់ទាញភ្ញៀវបន្ថែមទៀត”។
លោក កៃ តុលា ម្ចាស់រមនីយដ្ឋាន និស័យស្នេហ៍សេសាន បានឱ្យដឹងថា លោកទទួលយកណែនាំនេះ ហើយខិតខំអនុវត្តតាមផែនការដែលមន្ទីរទេសចរណ៍បានណែនាំឱ្យកាន់តែប្រសើរឡើង ព្រោះសេវាកម្មល្អ រមណីយដ្ឋានស្អាត គឺបានផ្ដើមចេញពីយើងទាំងអស់គ្នា។
លោក កែ តុលា បន្តថា៖ “វិស័យឯកជនសព្វថ្ងៃបានប្រឹងប្រែងរៀបចំសេវាកម្មរបស់ខ្លួន ដើម្បីភ្ញៀវទេសចរមកទស្សនាបានច្រើន ហើយមគ្គុទេសទេសចរណ៍ និងបងប្អូនដែលបម្រើការងារនៅផ្នែកសេវាកម្មទេសចរណ៍ក៏ទទួលបានប្រាក់ចំណូលក្នុងការលើកកម្ពស់ជីវភាពគ្រួសារ ដោយមិនបាច់ទៅរកស៊ីឆ្ងាយពីស្រុកភូមិ”។
លោក សុវណ្ណ ពិសេដ្ឋ អភិបាលស្រុកសេសាន បានគាំទ្រចំពោះការយល់ដឹងនេះ ហើយអាជ្ញាធរស្រុកបានប្រឹងប្រែងអភិវឌ្ឍន៍ទីរួកស្រុកឱ្យបានស្អាត ដើម្បីទាក់ទាញភ្ញៀវទេសចរមកលេងឱ្យបានច្រើន។
លោក សុវណ្ណ ពិសេដ្ឋ បញ្ជាក់ថា៖ “នៅ ២០២២ នេះ អាជ្ញាធបង្កើនការរៀបចំនៅហេដ្ឋារចនាសម្ព័ន្ធ និងរៀបចំសណ្តាប់ធ្នាប់ សន្តិសុខ ឱ្យកាន់តែមានភាពប្រសើរឡើងថែមទៀត ដើម្បីបង្កើនភាពកក់ក្តៅដល់ភ្ញៀវ ដែលបានមកដល់ខេត្តស្ទឹងត្រែងម្តងហើយ ចង់មកម្តងទៀត”។
គួរបញ្ជាក់ថា ខេត្តស្ទឹងត្រែងមានរមណីយដ្ឋានធម្មជាតិ និងរមណីយដ្ឋានកែច្នៃសម្រាប់កម្សានចំនួន ៦ កន្លែង បានដំណើរជាអចិន្ត្រៃដែលភ្ញៀវចាប់អារម្មណ៍មកលេងច្រើន ដូចជា រមណីយដ្ឋាននិស័យស្នេហ៍សេសាន រីស្សតបក្សីមេគង្គ បុរីអូរស្វាយសែនជ័យ រមណីយដ្ឋានអូរឫស្សីកណ្តាល អេកូទេសចរណ៍ព្រះរំកិល និងអេកូទេសចរណ៍ភ្នំជម្រកសត្វ៕
អត្ថបទ៖ ងិន លីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង