Connect with us

ព័ត៌មានជាតិ

សម្តេចតេជោ ហ៊ុន សែន ៖ កម្ពុជាមានកុមាររងគ្រោះច្រើនជាងគេ ដោយ​របបប្រល័យពូជសាសន៍​

បានផុស

នៅ

មានប្រសាសន៍នៅក្នុងពិធីសម្ពោធដាក់ឱ្យប្រើប្រាស់ “ភូមិកុមារ SOS” ស្ថិតនៅក្នុងខេត្តព្រៃវែង​ នាព្រឹកថ្ងៃទី១៧ ខែមីនា ឆ្នាំ​២០២២​នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា​បានមានប្រសាសន៍ថា កម្ពុជាមានកុមាររងគ្រោះច្រើនជាងគេ ដោយសារតែរបបប្រល័យពូជសាសន៍ ប៉ុល ពត ​បានបន្សល់ទុក និងកុមារ​​​ដែ​​លត្រូ​វ​បា​នពួក ប៉ុល ពត ​សម្លាប់​ឪពុកម្ដាយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន មានប្រសាសន៍ថា សម្តេចនៅ​ចងចាំបានថា ​តាំង​ពីឆ្នាំ១៩៧៩ ​អ្វី​ដែល​​ជា​អាទិភាពរបស់​កម្ពុជា​នាពេលនោះ គ្រប់អាគារធ្វើការនៅគ្រប់បណ្តាខេត្តទាំងអស់​មិនមែន​ជាកន្លែងធ្វើការរបស់ចៅហ្វាយខេត្ត ឬមន្ទីរជំនាញជុំវិញខេត្តនោះទេ ប៉ុន្តែវាជាកន្លែង​ដែលចិញ្ចឹមកុមារកំព្រាទៅវិញ។ នេះគឺជារឿង​ដែលបានកើតឡើងនៅលើទឹកដីកម្ពុជាដ៏កំសត់របស់យើង ក៏ប៉ុន្តែយើងក៏មានមោទនភាព​ ដោយសារតែយើងមិនបានទុកឱ្យកុមារណាម្នាក់ស្លាប់ដោយ​គ្មានការយកចិត្តទុកដាក់ថែ។

ទោះជាយ៉ាងណា​ សម្ដេចតេជោ ហ៊ុន សែន​ បញ្ជាក់​ថា ​​យើង​មានមោទនភាព ដោយសារកុមាររបស់យើងត្រូវបានទទួលការអប់រំ និងបណ្ដុះបណ្ដាល ហើយបើប្រៀបធៀប​​ កុមារ​​នៅតាម​មណ្ឌលកុមារកំព្រា ​ជួនកាលទទួលបាននូវការមើលថែ និង​ទទួលបាននូវការបណ្ដុះបណ្ដាល ​ច្រើនជាងកុមារ​ដែលរស់នៅតាមគ្រួសារទៅទៀត ដោយសារតែយើងបានដាក់​កំណត់ គឺដរាបណាមិនទាន់បញ្ចប់មធ្យមសិក្សាបឋមភូមិទេ មិនអនុញ្ញាតឱ្យឈប់រៀនទេ ​ហើយអ្នកដែលមានលទ្ធភាព គឺយើងបន្តឱ្យមានការសិក្សារហូតទៅដល់គេអាចរកការងារធ្វើបាន។​

​សម្ដេចនាយករដ្ឋមន្រ្តីបានឱ្យដឹងដែរថា សម្រាប់កុមារដែលបានចាកចេញពីមណ្ឌល “ភូមិកុមារ SOS” ​នេះមាន ៤ នាក់ បានក្លាយជាវេជ្ជបណ្ឌិត, ៥ នាក់ជាវិស្វករ, ៧ នាក់​ជាធនាគារនិក, ៣ នាក់​ជាស្ថាបត្យករ, ២ ទៅជាអ្នករចនា និងច្រើននាក់ទៀតបានក្លាយទៅក្នុងវិស័យអាជីវកម្ម សេវាកម្ម​បម្រើអតិថិជន និងបម្រើការងារក្នុងជួររដ្ឋាភិបាល។

សូមបញ្ជាក់ថា “ភូមិកុមារ SOS ព្រៃវែង” ស្ថិតនៅភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង។ “ភូមិកុមារ SOS ព្រៃវែង” សាងសង់លើផ្ទៃដីសរុបជាង ១ ម៉ឺនម៉ែត្រក្រឡា ជាអំណោ​យ​របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ “ភូមិកុមារ SOS ព្រៃវែង” ចាប់ផ្តើមដំណើរការសាងសង់នៅថ្ងៃទី០៧ ខែកុម្ភៈ ឆ្នាំ២០១៨ និងបានបញ្ចប់​ការសាងសង់នៅថ្ងៃទី០៧ ខែកុម្ភៈ ឆ្នាំ២០២០ ដោយចំណាយថវិកាសរុប ១ ៥៣១ ២៤៨ ដុល្លារអាមេរិក។

“ភូមិកុមារ SOS ព្រៃវែង”​ មានអគារសរុបចំនួន ៩ខ្នង រួមមាន៖ អគារការិយាល័យ និងសាលសិល្បៈ ១ខ្នង កម្ពស់ ២ជាន់, អគារផ្ទះគ្រួសារ ៤ខ្នង កម្ពស់ ២ជាន់, អគារផ្ទះនាយកភូមិ និងផ្ទះបុគ្គលិក ១ខ្នង កម្ពស់ ២ជាន់, អគារផ្ទះសហគមន៍ និងផ្ទះភ្ញៀវ ១ខ្នង កម្ពស់ ២ជាន់, អគារផ្ទះអាហារូបត្ថម្ភ ១ខ្នង កម្ពស់ ២ជាន់ និងអគារមជ្ឈមណ្ឌលបណ្តុះបណ្តាលវិជ្ជាជីវៈ ១ខ្នង។ “ភូមិកុមារ SOS ព្រៃវែង”​ បានចាប់ផ្តើមបើកឱ្យកុមារចូលស្នាក់នៅកាលពីថ្ងៃទី២៥ ខែមីនា ឆ្នាំ២០២០។ បច្ចុប្បន្នមានកុមារកំពុងស្នាក់នៅ ២៧ នាក់ ក្រោមការថែទាំរបស់អ្នកម្តាយ ៥នាក់ និងបុគ្គលិក ​១០នាក់៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

ពាណិជ្ជកម្ម និងវិនិយោគ ជាតម្រូវការក្នុងការជំរុញកិច្ចសហប្រតិបត្តិការរវាងកម្ពុជា និងអាស៊ែបៃហ្សង់

ព័ត៌មានអន្ដរជាតិ២៥ នាទី មុន

អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ

ព័ត៌មានជាតិ២៧ នាទី មុន

លោក ទេព អស្នារិទ្ធ៖ តួអង្គទាំងអស់ក្នុងវិស័យព័ត៌មាន សុទ្ធតែមានតួនាទីសំខាន់សម្រាប់រួមចំណែកគាំទ្រដល់ការអភិវឌ្ឍវិស័យនេះ

ព័ត៌មានអន្ដរជាតិ៣៦ នាទី មុន

បុគ្គលិក តៃវ៉ាន់ មួយរូប ទម្លាប់ផឹកកាហ្វេខ្មៅមួយថ្ងៃមួយលីត្រ ទីបំផុតចូលសម្រាកពេទ្យ

សន្តិសុខសង្គម៣៧ នាទី មុន

អាជីវករផ្សារស្ទឹង សាទរចំពោះអាជ្ញាធរដែលបានរៀបចំសណ្តាប់ធ្នាប់បានល្អ

Sokha Hotels

ព័ត៌មានពេញនិយម