ព័ត៌មានជាតិ
ពលរដ្ឋនៅស្រុកទឹកឈូ ទទួលផលពីការដាំដុះបន្លែ ក្រោមការជ្រោមជ្រែងពីមន្ទីរកសិកម្ម
បន្លែធម្មជាតិគ្រប់ប្រភេទ ពិតជាតម្រូវការដ៏ចាំបាច់បំផុត ដែលប្រជាពលរដ្ឋគ្រប់រូបចង់បាន សម្រាប់យកមកចម្អិនធ្វើម្ហូបទទួលទានប្រចាំថ្ងៃ។ យ៉ាងណាមិញ បើក្រលេកមើលការងារដាំដុះបន្លែបង្ការគ្រប់ប្រភេទ ដែលស្ថិតក្នុងភូមិបុស្សត្របែក ឃុំត្រពាំងព្រីង ស្រុកទឹកឈូ ខេត្តកំពត ពិតជាមានភាពបានល្អប្រសើរ ព្រមទាំងទទួលបានផលយ៉ាងគាប់ប្រសើរ ដោយសារការដាំដុះ ត្រូវធ្វើឡើងទៅតាមក្បួនខ្នាត និងការថែទាំងបានល្អ។
លោក អ៊ឹម ច័ន្ទសោធន អភិបាលរងស្រុកទឹកឈូ បានឲ្យដឹងថា ការដាំបន្លែ ស្ថិតក្នុងតំបន់ភូមិសាស្ត្រខាងលើ ត្រូវពឹងផ្អែកទៅលើការថែទាំ គូបផ្សំនឹងអំណោយផលពីអាកាសធាតុផងដែរ។ បច្ចុប្បន្ន ការដាំដុះ មានការលូតលាស់ និងទទួលបានផ្លែផ្កាគួរជាទីគាប់ចិត្តនេះ ក៏អាស្រ័យលើកិច្ចខិតខំប្រឹងប្រែង ពីក្រុមបណ្ដុំអាជីវកម្មបន្លែធម្មជាតិ ដែលជានិច្ចកាលក្រុមអ្នកដាំដុះពួតដៃគ្នាជាធ្លុងមួយ ដើម្បីថែទាំងបន្លែទាំងនោះ កុំឲ្យមានសត្វល្អិតចង្រៃមកយាយី ពិសេសការប្រើជីធម្មជាតិជំនួយ ផងដែរ។
លោកអភិបាលរងស្រុក បានបញ្ជាក់បន្ថែមថា ការដាំបន្លែនៅតំបន់នេះ គឺគាំទ្រដោយគម្រោងអេសស្ប៉ាយ តាមរយៈក្រសួងកសិកម្ម រក្ខាប្រមាញ់ និងនេសាទ សម្រាប់ផ្តល់លទ្ធភាពឲ្យប្រជាពលរដ្ឋ ផលិត ដាំដុះបន្លែសុវត្ថិភាព ដោយប្រើប្រាស់ជីធម្មជាតិ មិនបង្កប៉ះពាល់ដល់សុខភាព នោះឡើយ។
ទាក់ទិននឹងការដាំបន្លែនេះដែរលោក មាស សំអុល អនុប្រធានក្រុមបណ្ដុំអាជីវកម្មបន្លែធម្មជាតិ បានឲ្យដឹងថា ក្រុមអ្នកដាំបន្លែមានភាពងាយស្រួល អាស្រ័យដោយមានការជួយជ្រោមជ្រែង ពីមន្ទីរកសិកម្មខេត្ត ទើបក្រុមរបស់លោកមានលទ្ធភាពចងជាបណ្ដុះ ហើយមន្ទីរកសិកម្ម បានផ្តល់នួវសម្ភារៈសម្រាប់ដាំបន្លែ។ ចំពោះប្រភេទបន្លែ ដែលដាំនៅទីនេះ រួមមាន៖ ស្ពៃក្តោប ស្ពៃក្រញាញ់ សាឡាដ ស្ពៃតឿ ស្ពៃចង្កឹះ ស្ពៃខៀវ និងខាត់ណាផ្កា ជាដើម។
លោក មាស សំអុល បានបញ្ជាក់ទៀតថា បន្លែគ្រប់ប្រភេទ ដែលក្រុមបណ្ដុំអាជីវកម្មបន្លែធម្មជាតិ ប្រមូលផល គឺត្រូវបានលក់ដុំទៅឲ្យឈ្មួញយកទៅលក់បន្ត ដោយក្រុមរបស់លោក លក់បោះដុំក្នុង ១គីឡូក្រាម តម្លៃជាមធ្យម ២០០០រៀល។ ប៉ុន្តែតម្លៃអាចប្រែប្រួលខ្លះៗ ខណៈហាងឆេងទំនិញក្នុងទីផ្សារក្នុងស្រុកមានការឡើងចុះតាមរដូវកាល៕
អត្ថបទ៖ សេង ណារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»