ព័ត៌មានជាតិ
វិទ្យាល័យសុរាម្រឹតក្រុងកំពង់ឆ្នាំងរៀបចំសង្ក្រាន្ត អបអរសាទរបុណ្យចូលឆ្នាំថ្មីមានអ្នកចូលរួមយ៉ាងច្រើន
យុវសិស្ស និងលោកគ្រូអ្នកគ្រូនៃវិទ្យាល័យព្រះបាទសុរាម្រឹត ស្ថិតក្នុងក្រុងកំពង់ឆ្នាំង បានរៀបចំពិធីសង្ក្រាន្តឆ្នាំថ្មីរយៈពេល២ ថ្ងៃចាប់ពីថ្ងៃទី ៤ ដល់ថ្ងៃទី ៥ ខែមេសា ២០២២ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ។
លោក ឌី ច័ន្ទវិច្ឆិកា គ្រូបង្រៀនថ្នាក់ទី១២ និងជាប្រធានក្រុមការងាររៀបចំសង្រ្កានឆ្នាំថ្មី បានឱ្យដឹងថា ដោយទទួលបានការអនុញ្ញាតពីលោក ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ក្រុមយុវជនវិទ្យាល័យព្រះបាទសុរាម្រឹត និងលោកគ្រូអ្នកគ្រូបានរៀបចំសង្រ្កានឆ្នាំថ្មីដោយយកទីតាំងវិទ្យាល័យនេះធ្វើជាកន្លែងប្រារព្ធពិធី ដើម្បីចូលរួមអបអរសាទរបុណ្យចូលឆ្នាំថ្មីប្រពៃ ណីជាតិដែលនឹងចូលមកដល់នៅថ្ងៃខាងមុខនេះ។
លោក ឌី ច័ន្ទវិច្ឆិកាបានបន្តថា ការរៀបចំនេះ គឺមានការជួយឧបត្ថម្ភពីសប្បុរសជននានា ពិសេសគឺយុវជនដែលជាអតីតសិស្ស នៅវិទ្យាល័យព្រះបាទសុរាម្រឹត ដែលបានជួយ ឧបត្ថម្ភឲ្យមានកម្មវិធីនេះឡើង។
ក្នុងឱកាសនេះដែរលោកគ្រូអ្នកគ្រូនិងយុវសិស្សនៃវិទ្យាល័យព្រះបាទសុរាម្រឹត សូមថ្លែងអំណរ គុណដល់លោកស្នងការនគរបាលខេត្ត លោកមេបញ្ជាការកងរាជអា វុធហត្ថខេត្ត និងកងកម្លាំងប្រដាប់អាវុធ ទាំងអស់ ដែលបានផ្ដល់កម្លាំងការពារ និងរថយន្តពន្លត់អគ្គីភ័យមកបាញ់ទឹកមុជលេងកម្សាន្ដ ដើម្បីញ៉ាំងឲ្យពិធីនេះកាន់តែអធិកអធម្មសប្បាយរីករាយថែមទៀត។
ក្នុងនាមអ្នករៀបចំកម្មវិធីសំណូមពរដល់បងប្អូនដែលបានអញ្ជើញចូលរួមកម្សាន្ត ត្រូវអនុវត្តនូវវិធានការ ៣ កុំ ៣ការពារ ដើម្បីទប់ស្កាត់ឆ្លង ការរីករាលដាលនៃជំងឺកូវីដ១៩។
កម្មវិធីនេះក៏មានការប្រគុំតន្ត្រី ដោយមានតារាចម្រៀងមកពីរាជធានីភ្នំពេញ ព្រមទាំងមានការតាំងលក់ ផលិតផលខ្មែរ និងមានលេងល្បែង របាំប្រពៃណីជាតិ ដែលធ្វើឱ្យអ្នកដែលបានចូលរួមលេងកម្សាន្តបានសប្បាយរីករាយយ៉ាងខ្លាំង៕
អត្ថបទ៖ ឈៀងថារិទ្ធ
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS