Connect with us

ព័ត៌មានជាតិ

៤ ខែដើមឆ្នាំ២០២២ កម្ពុជាទទួលបានភ្ញៀវទេសចរ​​​អន្តរជាតិចំនួន ២២ ម៉ឺននាក់

បានផុស

នៅ

ក្នុងរយៈពេល ៤ខែដើមឆ្នាំ២០២២ កម្ពុជាទទួលបានភ្ញៀវទេសចរអន្តរជាតិចំនួន ២២ម៉ឺននាក់ និងភ្ញៀវទេសចរក្នុងស្រុកប្រមាណ ៩ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង​ទេសចរណ៍​បាន​បញ្ជាក់​​ថា តាមរយៈ​ការជំរុញទេសចរវ៉ាក់សាំង ក៏ដូចជាផ្អែកលើការប្រែប្រួលនិន្នាការទេសចរណ៍ថ្មី ដែល​ផ្តោតទៅលើទេសចរផ្ទៃក្នុងអាស៊ាន និងទេសចរដែលនៅជិត (Short Haul) រយៈពេលនៃការធ្វើដំណើរចន្លោះពី ៤ ទៅ ៥​ម៉ោង ដូចជា ទីផ្សារកូរ៉េ និងទីផ្សារជប៉ុន ឥណ្ឌា អូស្រ្តាលី ជា​ដើម កម្ពុជានឹងអាចទទួលបានភ្ញៀវទេសចរ ៨០ម៉ឺននាក់ នៅចុងឆ្នាំ២០២២ នេះ។

ក្រសួង​ទេសចរណ៍​ក៏​បង្ហាញ​សុទិដ្ឋិនិយ​ចំពោះ​ទីផ្សារចិន នៅពេលដែលកូវីដ១៩ មានភាពធូរស្រាល។ ដោយឡែ​កទីផ្សារ​ឆ្ងាយ (Long Haul) គឺជាគោលដៅយុទ្ធសាស្រ្តដែល​ក្រសួងទេសចរណ៍កំណត់​ជាទីផ្សារទេសចរណ៍កម្រិតខ្ពស់ និងមានការចំណាយច្រើន ដែលមាន​ដូចជាទីផ្សារអឺរ៉ុប សហរដ្ឋអាមេរិក កាណាដា និងមជ្ឈឹមបូព៌ា។

កម្ពុជា​បាន​ដាក់ឱ្យអនុវត្ត “ផែនការយុទ្ធសាស្ត្រ ស្តីពីការបើកទទួលទេសចរណ៍វ៉ាក់សាំង” ថ្ងៃទី២៨ ខែតុលានេះ ដើម្បី​ចាប់ផ្តើមទទួលទេសចរអន្តរជាតិឡើងវិញ។ ការបើកទទួលភ្ញៀវទេសចរអន្តរជាតិអនុញ្ញាតឱ្យភ្ញៀវទេសចរអន្តរជាតិស្នាក់នៅ និងទស្សនាក្នុងតំបន់ ឬគោលដៅទេសចរណ៍សុវត្ថិភាព ដោយមិនតម្រូវឱ្យធ្វើចត្តាឡីស័កនោះឡើយ។

រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការជាតិអភិវឌ្ឍន៍ទេសចរណ៍មានប្រសាសន៍ ឯកឧត្តម ឧបនាយករដ្ឋមន្ត្រី អូន ព័ន្ធមុនីរត្នបាន​ឲ្យ​ដឹង​ថា រាជរដ្ឋាភិបាលកម្ពុជាបានសម្រេចអនុម័តលើ “ផែនទីចង្អុលផ្លូវស្តីពីផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺក្ខវឹង-១៩”។

តាមរយៈការរៀបចំផែនការគ្រប់គ្រង​គោលដៅទេសចរណ៍ក្នុងស្រុកសុវត្ថិភាព រដ្ឋាភិបាល​បាន​ដាក់ចេញនូវយន្តការទ្រទ្រង់នានាសំដៅធានាបាននូវសុវត្ថិភាពដល់គ្រប់ភាគីពាក់ព័ន្ធក្នុងឧស្សាហកម្មទេសចរណ៍នៅតាមរាជធានីខេត្ត ក៏ដូចជាបន្តខិតខំរៀបចំ និងអភិវឌ្ឍផលិតផលទេសចរណ៍នៅតាមតំបន់ប៉ូលទេសចរណ៍សំខាន់ៗ ដើម្បី​ជំរុញការបង្កើតផលិតផល និងសេវាកម្មទេសចរណ៍ថ្មីៗ ដែលមានភាពទាក់ទាញសម្រាប់ទេសចរណ៍ផ្ទៃក្នុង និងទេសចរបរទេស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

មីជាតិ រកឃើញអ្នកមានសំណាង ឈ្នះរង្វាន់ ៥,០០០,០០០ រៀល ពីកម្មវិធីហែកឆុង ហែកឈ្នះ វគ្គ ២

ជីវិតកម្សាន្ដ៣៩ នាទី មុន

ស្គាល់ដែរទេ? រាជិនីសម្រស់ទាំង ៤ ប្រចាំប្រទេស​ ហ្វីលីពីន ​ក្នុងឆ្នាំ ២០២២ នេះ

ព័ត៌មានជាតិ៥៤ នាទី មុន

សហគ្រិនស្ត្រី​ផលិតមីខ្មែរមានការ​គាំទ្រ​គ្រោង​បើកសិប្បកម្ម​វិវត្ត​ទៅលក់ហ្វ្រេនឆាយ

ព័ត៌មានជាតិ៥៨ នាទី មុន

គណបក្សប្រជាជនកម្ពុជា នឹង​រៀបចំពិធីអបអរសាទរខួបអនុស្សាវរីយ៍​លើកទី៧១ នៅថ្ងៃទី២៨ ខែមិថុនា នេះ

សន្តិសុខសង្គម១ ម៉ោង មុន

​ភ្លៀងធ្លាក់​​ប៉ុន្មាន​ថ្ងៃជាប់គ្នា ស្រុកមួយចំនួន​ក្នុង​ខេត្ត​បាត់ដំបង​ ប៉ះពាល់​ខូចខាតផ្ទះជាច្រើនខ្នង

Sokha Hotels

ព័ត៌មានពេញនិយម