ព័ត៌មានជាតិ
មជ្ឈមណ្ឌលបម្រើដល់វិស័យជនមានពិការភាព សម្រេចការសាងសង់បាន ៤០ភាគរយ
ក្រសួងសង្គមកិច្ចអតីតយុទ្ធជន និងយុវនីតិសម្បទាបាននឹងកំពុងសាងសង់មជ្ឈមណ្ឌលធំមួយ នៅលើផ្ទៃដី៦ហិកតា ដែលមានទីតាំងនៅស្រុកអង្គស្នួល ខេត្តកណ្តាល សម្រាប់បម្រើដល់វិស័យជន មានពិការភាពដែលនឹងដំណើរនាពេលឆាប់ៗខាងមុខនេះ។
ថ្លែងបើកកិច្ចប្រជុំក្រុមការងារបច្ចេកទេសស្ដីពី”ការអប់រំបណ្ដុះបណ្ដាលបច្ចេកទេសនិងវិជ្ជាជីវៈប្រកបដោយបរិយាបន្នសម្រាប់ជន ដែលមានពិការភាព” នៅព្រឹកថ្ងៃទី ២៣ ឧសភាលោក ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទានិងជាអគ្គលេខាធិការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការបានមានប្រសាសន៍ថា បច្ចុប្បន្ននេះមជ្ឈមណ្ឌលបានសាងសង់រួចប្រមាណ៤០ភាគរយ ហើយគ្រោងនឹងដាក់ឱ្យដំណើរការនៅឆ្នាំក្រោយ។
លោករដ្ឋលេខាធិការបានបន្តថា មជ្ឈមណ្ឌលនេះ មានអ្វីៗគ្រប់ទាំងអស់សម្រាប់បងប្អូនជនពិការយើង ដូចជាមណ្ឌលស្តារលទ្ធភាពពលកម្ម និងនីតីសម្បទា មណ្ឌលបណ្តុះបណ្តាលវិជ្ជាជីវៈ ហាងទំនើបសម្រាប់បងប្អូនជនមានពិការភាពលក់ដូរ ដោយជួលក្នុងតម្លៃថោកបំផុត ឬអត់គិតថ្លៃដែលនឹងបង្កើតការងារដល់ជនមានពិការភាពមានមុខរបររកស៊ីចិញ្ចឹមជីវិតប្រចាំថ្ងៃ។
លោករដ្ឋលេខាធិការបានបន្ថែមថា ចំពោះការងារនេះលោកនឹងជួយសម្របសម្រួលជាមួយបងប្អូនជនមានពិការភាពដែលមានបំណងចង់រកទទួលទានពិតប្រាកដនៅពេលដែលមជ្ឈមណ្ឌលបានសាងសង់រួចរាល់នាពេលខាងមុខនេះ។
ប៉ុន្តែយ៉ាងណាក៏ដោយ លោករដ្ឋលេខាធិការបានអំពាវនាវដល់បងប្អូនមានពិការភាពទាំងអស់ ត្រូវពង្រឹងសមត្ថភាពរបស់ខ្លួនឱ្យបានល្អប្រសើរថែមទៀត ដើម្បីចូលរួមប្រកួតប្រជែងទីផ្សារការងារ ព្រោះថាបើមិនមានសមត្ថភាពទេ នឹងមិនមានទីផ្សារការងារឡើយ។
លោករដ្ឋលេខាធិការបានបញ្ជាក់ថា បច្ចុប្បន្ននេះមានបងប្អូនជនមានពិការភាពចំនួន៣៦២១នាក់ កំពុងបម្រើការងារនៅតាមក្រសួងស្ថានប័នរបស់រដ្ឋាភិបាល និងប្រមាណ៥២៣៥នាក់ទៀត កំពុងធ្វើការនៅតាមរោងចក្រសហគ្រាសចំនួន ២០៤រោងចក្រ៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ២៤ ម៉ោង ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ