ព័ត៌មានជាតិ
អាជ្ញាធរព្រះសីហនុចុះស្ដារប្រឡាយ អូរជិត ៣០ គីឡូម៉ែត្របង្ការជំនន់ទឹកភ្លៀង
មន្ទីរសាធារណការ និងដឹកជញ្ជូនខេត្តព្រះសីហនុ បានចុះស្ដារប្រព័ន្ធអូរ ប្រឡាយជិត៣០គីឡូម៉ែត្រ ឡើងវិញដើម្បីបញ្ចៀសការជន់លិចដោយសារជំនន់ទឹកភ្លៀងនារដូវវស្សាឆ្នាំនេះ។

ការចុះស្ដារប្រឡាយ អូរ នៅពេលនេះកាន់តែប្រែក្លាយខេត្តនេះ ឱ្យមានសោភ័ណភាព និងអនាម័យបរិស្ថានល្អប្រសើរ។
កន្លងមកខេត្តព្រះសីហនុតែងតែទទួលរងនូវការជន់លិច នៅពេលមានជំនន់ទឹកភ្លៀងម្ដងដោយសារតែមានការកើនឡើងយ៉ាងគំហុកនៃការវិនិយោគបានធ្វើឱ្យមាន ការកកស្ទះនូវសំរាមជាច្រើនតាមប្រព័ន្ធលូមួយចំនួនក្នុងខេត្ត ដែលបង្កជាបញ្ហាលំបាកដល់ការរស់នៅ និងការប្រកបរបរចិញ្ចឹមជីវិតប្រចាំថ្ងៃរបស់ប្រជាពលរដ្ឋ។

ប្រធានមន្ទីរសារធារណការ និងដឹកជញ្ជូនខេត្តព្រះសីហនុ លោក បូរី វង្សសានិត បានឱ្យដឹងថា អាជ្ញាធរពាក់ព័ន្ធបានខិតខំប្រឹងប្រែងរកដំណោះស្រាយល្អប្រសើរមួយចំនួន ដូចជា ការស្តារប្រព័ន្ធលូដែលមានសំរាមកកកុញ ជួសជុសប្រពន្ធ័លូដែលខូចខាត និងរៀបចំប្រព័ន្ធបណ្តាញលូថ្មីមួយចំនួនទៀត ដែលមានប្រវែងសរុប២៧គីឡូម៉ែត្រនៅតាមតំបន់នានាក្នុងខេត្តព្រះសីហនុ ដើម្បីបញ្ចៀសការជន់លិចលំនៅឋានប្រជាពលរដ្ឋ។
អាជ្ញាធរបានចាប់ផ្ដើមស្ដារអូរប្រឡាយត្រឡប់មកវិញ ដែលមានចំនួន៥ខ្សែ ប្រវែងសរុប២៧គីឡូម៉ែត្រ ដើម្បីបញ្ចៀសការលិចលង់នៅក្នុងភូមិសាស្ត្រខេត្តព្រះសីហនុ ជាលទ្ធផលនៃការស្ដារកន្លងមកនេះ កាលពីឆ្នាំមុនក៏មានភ្លៀងធ្លាក់ច្រើនដែរ ប៉ុន្តែការលិចលង់ត្រូវបានកាត់បន្ថយ។

លោកប្រធានមន្ទីរ ក៏បានអំពាវនាវឱ្យប្រជាពលរដ្ឋដែលមានលំនៅឋាននៅតាមបណ្ដាអូរប្រឡាយ សូមកុំចាក់ដីលុបតាមមាត់ប្រឡាយ កុំសាង សង់សំណង់រឹងនានាទៅលើអូរប្រឡាយ កុំទុកដាក់សំរាមនៅតាមមាត់ប្រឡាយ ជាពិសេស សំបកដប ថង់ប្លាស្ទិក ព្រោះរបស់ទាំងនេះជាបច្ច័យអាក្រក់ធ្វើឱ្យមានការកកស្ទះប្រព័ន្ធលូ ដូច្នេះប្រជាពលរដ្ឋទាំងអស់ត្រូវចូលរួមទុកដាក់សំរាមឱ្យបានត្រឹមត្រូវតាមការណែនាំរបស់អាជ្ញាធរក្នុងមូលដ្ឋាន ដើម្បីធ្វើយ៉ាងណាឱ្យខេត្តព្រះសីហនុ នៅតែមានភាពស្រស់ស្អាត និងទាក់ទាញភ្ញៀវទេសចរ និងវិនិយោគិន៕

អត្ថបទ៖ ស្រីរ័ត្ន
-
ព័ត៌មានអន្ដរជាតិ៣ ថ្ងៃ មុន
មកដឹង តម្លៃអគ្គិសនីក្នុងមួយគីឡូវ៉ាត់នៅ ឡាវ
-
ជីវិតកម្សាន្ដ៦ ថ្ងៃ មុន
តារាសម្ដែងសិង្ហបុរី ទម្លាយថា មានវិញ្ញាណខ្មោចតាមដល់ផ្ទះ ក្រោយថតភាពយន្តនៅកម្ពុជា
-
ជីវិតកម្សាន្ដ៧ ថ្ងៃ មុន
តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ព័ត៌មានជាតិ១ សប្តាហ៍ មុន
ប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ជីវិតកម្សាន្ដ១ សប្តាហ៍ មុន
ទស្សនិកជនសរសើរគំនិត Mai Davika ក្រោយច្នៃឈុតដូចស្លឹកចេក ក្នុងកម្មវិធីប្រេនលំដាប់
-
ព័ត៌មានជាតិ៦ ថ្ងៃ មុន
ស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ជីវិតកម្សាន្ដ១ សប្តាហ៍ មុន
Yaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ
-
ព័ត៌មានអន្ដរជាតិ៦ ថ្ងៃ មុន
ធនាគារ អង់គ្លេស ចាយលុយតែ ១ ដុល្លារទិញយកសាខាធនាគារដែលក្ស័យធនរបស់ អាមេរិក