ព័ត៌មានជាតិ
កម្ពុជាពុំអនុញ្ញាតឱ្យមានរោងចក្រ ផលិតថាមពលដើរដោយធ្យូងថ្មថ្មីទៀតទេ
លោក ឌិត ទីណា រដ្ឋលេខាធិការក្រសួងរ៉ែនិងថាមពលបានប្រាប់ប្រតិភូរបស់ធនាគារពិភពលោកថា កម្ពុជាពុំអនុញ្ញាតឱ្យមានរោងចក្រផលិតថាមពលដើរដោយធ្យូងថ្មថ្មីទៀតទេ ដោយកម្ពុជានឹងជំរុញប្រើប្រាស់ឧស្ម័នធម្មជាតិពង្រាវដើម្បីផលិតថាមពលជំនួសវិញ។
ការលើកឡើងនេះបានធ្វើឡើងនៅក្នុងជំនួបពិភាក្សាការងារជាមួយប្រតិភូរបស់ ធនាគារពិភពលោក ពាក់ព័ន្ធនឹងរបាយការណ៍អាកាសធាតុ និងការអភិវឌ្ឍនៅប្រទេសកម្ពុជាកាលពីពេលថ្មីៗនេះ។
ដោយជំនួបពិភាក្សានេះ ផ្តោតសំខាន់លើស្ថានភាពនិងផែនការអភិវឌ្ឍវិស័យថាមពលនៅកម្ពុជា ដែលបច្ចុប្បន្នកម្ពុជាកំពុងបន្តនិងជំរុញការអភិវឌ្ឍថាមពលស្អាតនិងថាមពលកកើតឡើងវិញ។
ថ្លែងក្នុងជំនួបពិភាក្សានេះ លោក ឌិត ទីណា បានមានប្រសាសន៍ថា ក្រសួងរ៉ែនិងថាមពល ពុំអនុញ្ញាតឱ្យមានរោងចក្រផលិតថាមពលដើរដោយធ្យូងថ្មថ្មីទៀតនោះទេ ក្រៅពីគម្រោងដែលអនុម័តរួចពីឆ្នាំ២០១៩ហើយកម្ពុជា នឹងសិក្សានិងជំរុញប្រើប្រាស់ឧស្ម័នធម្មជាតិពង្រាវ (LNG) ដើម្បីផលិតថាមពលជំនួសវិញ ។
លោក ហេង គន្ធលាង អ្នកនាំពាក្យក្រសួងរ៉ែនិងថាមពលធ្លាប់បានមានប្រសាសន៍ថា ជាគោលនយោបាយរបស់រាជរដ្ឋាភិបានកម្ពុជាគឺបញ្ឈប់ការសាងសង់ស្ថានីយធ្យូងថ្មបន្ថែមទៀតហើយចាប់ពីឆ្នាំ២០២២នេះតទៅ ដោយផ្តោតទៅលើការប្រើប្រាស់ការឥន្ធនៈផូស៊ីល ដែលជួយរក្សានិរន្តរភាពនៃសន្តិសុខថាមពលអគ្គិសនី និងកំណើនសេដ្ឋកិច្ច។ ប៉ុន្តែចំពោះស្ថានស្ថានីយធ្យូងថ្មចំនួន៣ទីតាំង ដែលកំពុងដំណើរការសាងសង់គឺនៅតែបន្តដំណើរការដដែល។
លោកបានបន្តថា ស្ថានីយធ្យូងថ្មចំនួន៣ទីតាំង ដែលមានអនុភាពជាង១៦០០មេហ្គាវ៉ាត់ គឺកំពុងដំណើរការសាងសង់នៅតាមបណ្តាខេត្តចំនួន ៣ រួមមានស្ថានីយធ្យូងថ្មមានអនុភាព ៧០០មេហ្គាវ៉ាត់នៅ ស្រុកស្ទឹងហាវខេត្តព្រះសីហនុ ស្ថានីយធ្យូងថ្មមានអនុភាព ៧០០មេហ្គាវ៉ាត់នៅស្រុកបទុមសាគរខេត្តកោះកុង និងស្ថានីយធ្យូងថ្មមានអនុភាព២៦៥មេហ្គាវ៉ាត់នៅភាគខាងជើងខេត្តឧត្តរមានជ័យ ដោយប្រើប្រាស់ប្រភពធ្យូងថ្មរ៉ែក្នុងស្រុកផ្ទាល់។
លោកបានបន្តទៀតថា បច្ចុប្បន្ននេះមានស្ថានីយធ្យូងថ្មចំនួន៣កន្លែងកំពុងដំណើរការរួចហើយ ដែលមានអនុភាពតម្លើងសរុបចំនួន ៦៧៥មេហ្គាវ៉ាត់ មានទីតាំងនៅស្រុកស្ទឹងហាវខេត្តព្រះសីហនុ។
គួរបញ្ជាក់ថា នៅក្នុងឆ្នាំ២០២១ ប្រភពផ្គត់ផ្គង់ថាមពលបឋមរបស់កម្ពុជាមានប្រមាណ៦០ភាគរយ បានមកពីការប្រើប្រាស់ឥន្ធនៈផូស៊ីល ក្នុងនោះមានធ្យូងថ្ម និងប្រេង។ ចំណែកថាមពល៤០ភាគរយទៀត បានមកពីប្រភពកកើតឡើងវិញរួមមានវារីអគ្គិសនី ថាមពលដើរដោយពន្លឺព្រះអាទិត្យ និងជីវម៉ាស់៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore