ព័ត៌មានជាតិ
ប្រមុខការពារជាតិបង្ហើបថា កម្ពុជាគ្រោងនឹងបញ្ជាទិញសព្វាវុធធុនធ្ងន់ និងទំនើបៗនាពេលខាងមុខ
សម្តេចពិជ័យសេនា ទៀ បាញ់ ប្រមុខការពារជាតិកម្ពុជា បានបង្ហើបឲ្យដឹងនៅថ្ងៃពុធនេះថា រដ្ឋាភិបាលកម្ពុជាគ្រោងនឹងបញ្ជាទិញសញ្វវុធធុនធ្ងន់ និងទំនើបៗនាពេលខាងមុខនេះ ដើម្បីពង្រឹងវិស័យការពារជាតិរបស់កម្ពុជា។ សម្តេច ទៀ បាញ់ បានបង្ហើបឲ្យដឹងបែបនេះនៅក្នុងពិធីបញ្ចុះបឋមសិលា និងបើកការដា្ឋនសាងសង់រោងជាងជួសជុលនាវា ផែសំចត និងស្ដារឃ្លង នៅមូលដ្ឋានសមុទ ខេត្តព្រះសីហនុ នៅព្រឹកមិញនេះ។
ចំពោះមុខឯកអគ្គរដ្ឋទូចចិនប្រចាំនៅកម្ពុជា និងកងទ័ពជើងទឹកកម្ពុជានៅសមុទ្ររាម សម្តេច ទៀ បាញ់ រដ្ឋមន្រ្តីការពារជាតិកម្ពុជា បានអះអាងថា នៅពេលអនាគត កម្ពុជានឹងបន្តទទួលជំនួយឥតសំណងពីប្រទេសជាមិត្ត និងទិញសម្ភារៈសឹកធុនធ្ងន់ និងទំនើបពីប្រទេសនានា សម្រាប់ពង្រឹងសមត្ថភាពយោធារបស់ខ្លួន ស្របតាមមាត្រា៥៣ រដ្ឋធម្មនុញ្ញនៃព្រះរាជាណាចក្រកម្ពុជា។ ប៉ុន្តែ សម្តេច ទៀ បាញ់ មិនបានបញ្ជាក់ឲ្យដឹងនោះទេថា កម្ពុជា នឹងបញ្ជាទិញសព្វាវុធធុនធ្ងន់ និងទំនើបៗទាំងនោះពីប្រទេសណាមួយ។
ជាមួយគ្នានេះ សម្តេចប្រមុខការពារជាតិកម្ពុជា ក៏បានប្រកាសឲ្យដឹងពីការអភិវឌ្ឍសមត្ថភាពកងយោធពលខេមរភូមិន្ទកម្ពុជា ពោល គឺមិនមែនមានត្រឹមតែការធ្វើទំនើបកម្មលើកកម្រិតនៅមូលដ្ឋានរាមប៉ុណ្ណោះទេ ប៉ុន្តែកម្ពុជានឹងបន្តធ្វើឱ្យកងយោធពលខេមរភូមិន្ទកាន់តែមានសមត្ថភាពខ្ពស់ អាចធានាដល់ការការពារអធិបតេយ្យ និងបូរណភាពទឹកដីរបស់ខ្លួន។ មិនតែប៉ុណ្ណោះ ដើម្បីអាចបំពេញបាននូវករណីកិច្ចដទៃទៀត ប្រកបដោយជោគជ័យដូចជា ការប្រយុទ្ធប្រឆាំងអំពើភេរវកម្ម និងឧក្រិដ្ឋកម្មឆ្លងដែន ការជួយសង្គ្រោះគ្រោះមហន្តរាយ និងប្រតិបត្តិការរក្សាសន្តិភាព។
អ្វីជាការកត់សម្គាល់ សម្តេច ទៀ បាញ់ បានគូសបញ្ជាក់ថា ការធ្វើទំនើបវិស័យការពារជាតិកម្ពុជានេះ គឺរដ្ឋាភិបាលកម្ពុជាបើកចំហរចំពោះការជួយជាជំនួយផ្សេងៗពីប្រទេសនានាដែលជាមិត្តរបស់កម្ពុជា។ សម្រាប់កម្ពុជា សម្តេច ទៀ បាញ់ ថា មិនមានការរើសអើង ឬប្រកាន់និន្នាការអ្វីឡើយ សំខាន់ គឺគោរពគ្នា និងផ្តល់ផលប្រយោជន៍ឲ្យគ្នាទៅវិញទៅមក៕
ដោយ៖ វណ្ណ សុគន្ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត