ព័ត៌មានជាតិ
សម្ដេចតេជោ ហ៊ុន សែន ៖ កម្ពុជា គឺជាប្រទេសដែលជឿនលឿនក្នុងដំណាក់កាលកូវីដ តាមរយៈការជំរុញការប្រើប្រាស់ប្រព័ន្ធបច្ចេកវិទ្យា
សម្ដេចតេជោ ហ៊ុន សែន បានលើកឡើងថា នៅពេលជំងឺកូវីដ-១៩ បានរាតត្បាតធ្វើឲ្យវិស័យបច្ចេកវិទ្យាព័ត៌មានវិទ្យានៅកម្ពុជា បានដើរលឿនមួយជំហាន ដែលសម្ដេចអាចនិយាយដោយមោទនភាពថា កម្ពុជា គឺជាប្រទេសដែលជឿនលឿននៅក្នុងដំណាក់កាល នៃវិបត្តិជំងឺកូវីដ-១៩ តាមរយៈការជំរុញការប្រើប្រាស់ប្រព័ន្ធបច្ចេកវិទ្យា។
ការលើកឡើង របស់សម្ដេចតេជោនាយករដ្ឋមន្ត្រី បានធ្វើឡើងក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩ ដំណាក់កាលទី ១ (២០២០-២០២១) និងឆមាសទី ១ ឆ្នាំ ២០២២ និងលើកទិសដៅផែនការស្តារឡើងវិញ នូវវិស័យទេសចរណ៍ក្នុងដំណាក់កាលទី ២ (ឆមាសទី២ ឆ្នាំ២០២២-២០២៣) នាព្រឹកថ្ងៃទី ១៤ ខែកក្កដា ឆ្នាំ ២០២២នេះ។
សម្ដេចតេជោ ហ៊ុន សែន បានថ្លែបន្តថា «ហើយអ្វីដែលជាគោលដៅខ្ញុំបានដាក់ចេញ មុនពេលកូវីដមកដល់ ឲ្យធ្វើអក្ខរកម្មព័ត៌មានវិទ្យា ហោចណាស់ជុំវិញប្រព័ន្ធទូរស័ព្ទ គឺសម្រេចជោគជ័យ អញ្ចឹងព្រោះពីនោះ ដាក់លក្ខខ័ណ្ឌថា បើអ្នកឯងមិនចេះអាហ្នឹងទេ គឺខ្ញុំមិនអាចតែងតាំងអ្នកឯងកាន់តំណែងទេ ព្រោះឲ្យមិនចាំបាច់ទៅណាឆ្ងាយ ទៅរៀនកុំព្យូទ័រទេ ទៅរៀនត្រឹមតែប្រព័ន្ធទូរស័ព្ទ ជុំវិញប្រព័ន្ធទូរស័ព្ទហ្នឹងបានហើយ ចេះប្រើតែអាហ្នឹង»។
បើតាមសម្ដេចតេជោនាយករដ្ឋមន្ត្រី ក្រោយពីការណែនាំ គឺមន្ត្រីរាជការអាចប្រើប្រាស់បណ្ដាញសង្គមនានា ដើម្បីធ្វើការទំនាក់ទំនង និងបំពេញការងារ ដូចជា៖ Telegram, Viber, Line, Whatsapp, We Chat និងអាចធ្វើការប្រជុំតាមប្រព័ន្ធ Zoom ផងដែរ។ ក្នុងនោះដែរ ការងាររបស់ក្រសួង-ស្ថាប័នមួយចំនួន ក៏ត្រូវបានជំរុញឲ្យធ្វើឡើងតាមរយៈប្រព័ន្ធឌីជីថលថែមទៀត៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ