បើគ្មានការពលីកម្មយកជីវិតជាដើមទុនរបស់ សម្តេចតេជោ កាលពី៤៩ឆ្នាំមុន ក៏គ្មានការរស់រានមានជីវិតដូចសព្វថ្ងៃនេះដែរ

ក្រឡេកត្រឡប់ទៅកាន់អតីតកាល កាលពី៤៩ឆ្នាំមុន ប្រសិនបើគ្មានការពលីកម្មដើមទុនជីវិតរបស់ សម្តេចតេជោ នៅយប់នោះទេ ក៏គ្មានការរស់រានមានជីវិត និងការអភិវឌ្ឍន៍ប្រទេសដូចសព្វថ្ងៃនេះដែរ ។

បុរសជាអនិកជនខ្មែរអាមេរិកម្នាក់ បានសម្តែងនូវក្តីក្តុកក្តួលជាពន់ពេក បើរំលឹកដល់របបដ៏សែនព្រៃផ្សៃនៅពេលនោះ ហើយ គាត់ក៏ពិតជាដឹងគុណក្រៃលែងមិនមានអាចមកគណនាបានចំពោះគុណនូបការៈដ៏ធំធេង លើសលប់របស់ សម្តេចតេជោ ហ៊ុនសែន ដែលជាទេវតាលើដី បានជួយស្រោចស្រង់រាស្ត្រខ្មែរទូទាំងនគរកម្ពុជា ឲ្យក្រោកចេញពីពិភពមួយដែលសែនងងឹត អាចមករស់បានក្រោមពិភពមួយផ្សេងទៀតដែលពោរពេញដោយពន្លឺថ្ងៃដ៏សែនភ្លឺឡើងវិញ។

ស្របពេលប្រទេសជាតិមានសន្តិភាព មូលធនមនុស្ស គឺជាធនធានដ៏សំខាន់បំផុត ក្នុងការបន្តជួយដឹកនាំ ជួយកសាងអភិវឌ្ឍន៍ និងបន្តថែរក្សាឲ្យបាននូវសន្តិភាពដែលកំពុងមាន ។

ក្រុមយុវសិស្ស ក៏បានប្តេជ្ញាចិត្ត ក្នុងការខិតចំប្រឹងប្រែងអភិវឌ្ឍន៍ សមត្ថភាពរបស់ខ្លួន ដើម្បីក្លាយជាធនធានដែលមានសក្តានុពលជូនខ្លួនឯង ជូនគ្រួសារ និងសង្គមជាតិទាំងមូលផងដែរ ដើម្បីឲ្យប្រទេសជាតិខ្លាំងខ្លា មានអភិវឌ្ឍន៍រីកចំរើនទៅមុខ។

គួររំលឹកថា នៅយប់ថ្ងៃទី២០ ខែមិថុនា ឆ្នាំ១៩៧៧ ពោលគឺ៤៩ឆ្នាំមុន ជាយប់ដែល សម្តេចតេជោ ហ៊ុន សែន បានចាកចោលក្រុមគ្រួសារ និងយកជីវិតរបស់ខ្លួន ជាមួយយុទ្ធមិត្តស្នេហាជាតិ០៤រូបផ្សេងទៀត ដើម្បីឆ្ពោះទៅរកការស្រោចស្រង់ប្រទេសចេញពីរបបវាលពិឃាដ ដ៏សែនខ្មៅងងឹតក្នុងប្រវត្តិសាស្ត្ររបស់កម្ពុជា ដែលបានសម្លាប់អាយុជីវិតពលរដ្ឋខ្មែរយ៉ាងរំគៀល និងព្រៃផ្សៃបំផុត៕ អត្ថបទ ៖ សុភា