ព័ត៌មានជាតិ
វិទ្យាល័យមួយនៅខេត្តព្រះសីហនុ ចាប់សិស្សប្រុសដែលមានសក់វែង និងលាបពណ៌ កាត់ខ្លីយកម៉ូដដូចៗគ្នា
វិទ្យាល័យ ហ៊ុន សែន ឃ្លាំងលើ នៅក្នុងខេត្តព្រះសីហនុ កាលពីថ្ងៃទី២០ ខែកក្កដា ម្សិលមិញ បានចាប់សិស្សប្រុសកាត់សក់ខ្លីយកម៉ូដតែមួយដូចៗគ្នាតាមការកំណត់របស់សាលា។ មន្ទីរអប់រំ យុវជន និង កីឡាខេត្តព្រះសីហនុ បានបញ្ជាក់ថា ការកំណត់ម៉ូដសក់បែបនេះ គឺអនុវត្តតាម«សេចក្តីណែនាំ ស្តីពីការពង្រឹងការអនុវត្តបទបញ្ជាផ្ទៃក្នុងនៅតាមគ្រឹះស្ថានសិក្សាសាធារណៈ និងឯកជន» របស់ក្រសួងអប់រំ យុវជន និងកីឡា។
ប៉ុន្តែ ការចាប់សិស្សប្រុសៗកាត់សក់បែបនេះ ត្រូវបានមហាជនមួយចំនួនបានសរសេររិះគន់តាមបណ្តាញសង្គមហ្វេសប៊ុក។ គណនីហ្វេសប៊ុកមួយឈ្មោះថា «Jay Den» បានបញ្ចេញមតិយ៉ាងដូច្នេះថា៖ «នៅប្រទេសសេរី និងអភិវឌ្ឍន៍ គេមិនដាក់គំនាបបែបនេះទេ ការតុបតែងខ្លួន និងម៉ូតសក់គ្រាន់តែជាសិល្បៈមួយតែប៉ុណ្ណោះ»។ ម្ចាស់គណនីដដែលនេះ បន្តថា៖ «បើសិនជាសាលាល្អ ការអប់រំល្អ សិស្សនៅតែរៀនពូកែ ព្រោះមនុស្សគេមិនមើលតាមការតែងខ្លួននោះទេ»។
ចំណែក គណនីហ្វេសប៊ុកមួយទៀតឈ្មោះថា «Pov Pich Oudom» ក៏បានបង្ហាញអារម្មណ៍មិនពេញចិត្តចំពោះការបង្ខំឱ្យសិស្សកាត់សក់តាមសាលាកំណត់នេះដែរ។ គណនី«Pov Pich Oudom» បានលើកឡើងថា ត្រូវរៀនយកចិត្តអ្នកដទៃមកដាក់ចិត្តខ្លួនឯងខ្លះផង នេះ គឺជាសិស្ស មិនមែនអ្នកទោសទេ។ គណនីដដែលនេះ ថា ការធ្វើបែបនេះ បានប៉ះពាល់ដល់អារម្មណ៍សិស្សានុសិស្សយ៉ាងខ្លាំង ហើយអាចជាសម្ពាធដល់សិស្ស ជាហេតុនាំឱ្យពួកគេលែងចង់រៀន រហូតបោះបង់ការសិក្សា ព្រោះតែទង្វើបែបនេះ។
ឆ្លើយតបនឹងមតិរិះគន់ទាំងនេះ មន្ទីរអប់រំ យុវជន និងកីឡា ខេត្តព្រះសីហនុ បានអះអាងថា ជាធម្មតាសិស្សានុសិស្សមានភារកិច្ចគោរពវិន័យ ក៏ដូចជា តាមបទបញ្ជាផ្ទៃក្នុងរបស់សាលា។ ក្នុងនោះ ការកាត់សក់ខ្លី ជាកាតព្វកិច្ចមួយរបស់សិស្ស ប៉ុន្តែ បើសិស្សពេញចិត្តម៉ូដសក់ដូចការកំណត់របស់សាលា គឺជាការល្អបំផុត។
មន្ទីរអប់រំខេត្តព្រះសីហនុ បានគូសបញ្ជាក់ថា ការកាត់សក់ខ្លីបែបនេះ ក៏អាចថា ជាការដាក់វិន័យចំពោះតែ សិស្សានុសិស្សទំនើងដែលទុកសក់វែង មិនមានរបៀបរៀបរយ ឬលាបពណ៌សក់ប៉ុណ្ណោះ។ ប៉ុន្តែ បើក្នុង ករណីសិស្សានុសិស្សទាំងឡាយ ខិតខំរៀនសូត្រ និងគោរពវិន័យតាមបទបញ្ជាផ្ទៃក្នុងរបស់សាលា កុំបារម្ភ ពីបញ្ហាសាលាឱ្យកាត់សក់បែបនេះ។
ប៉ុន្តែ ទោះជាដូច្នេះក្ដី មន្ទីរអប់រំ យុវជន និងកីឡា ខេត្តព្រះសីហនុ ក៏បានជំរុញឱ្យសិស្សានុសិស្សទាំងអស់ ត្រូវរៀបចំខ្លួនប្រាណ និងកាត់សក់ខ្លីតាមទម្រង់មុខរៀងៗខ្លួន មានឯកសណ្ឋានសិស្ស ដែលកំណត់តាម បទបញ្ជាផ្ទៃក្នុងរបស់សាលា៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ