ព័ត៌មានជាតិ
សម្តេចតេជោ ស្នើឲ្យប្រធានប្រតិបត្តិក្រុមហ៊ុន CP ALL វិនិយោគលើការផលិតក្រដាស និងជីសរីរាង្គនៅកម្ពុជា
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឲ្យប្រធានប្រតិបត្តិក្រុមហ៊ុន CP ALL វិនិយោគលើការផលិតក្រដាស និងជីសរីរាង្គនៅកម្ពុជា ដែលជាផលិត និងសម្ភារៈចាំបាច់ និងមានកំពុងមានតម្រូវការច្រើនជាលំដាប់។
ការស្នើនេះ គ្រាដែលសម្តេចតេជោ ហ៊ុន សែន បានអនុញ្ញាតឲ្យលោក កសាក់ ឆៃរ៉ាមីសាក់ ប្រធានប្រតិបត្តិក្រុមហ៊ុន CP ALL ដែលជាក្រុមហ៊ុនដ៏ធំមួយនៅប្រទេសថៃ ចូលជួបសម្តែងការគួរសម និងពិភាក្សាការងារ នៅព្រឹកថ្ងៃទី ១៦ ខែសីហានេះ។
នៅក្នុងឱកាសនោ លោក កសាក់ ឆៃរ៉ាមីសាក់ បានសម្ដែងនូវការអបអរសាទរ ជូនចំពោះសម្ដេចតេជោ ដែលបានដឹកនាំប្រទេសកម្ពុជា ឲ្យទទួលបានការអភិវឌ្ឍយ៉ាងឆាប់រហ័ស ជាពិសេសរាជធានីភ្នំពេញ មានការរីកចម្រើនជាលំដាប់ និងឆាប់រហ័សជាទីបំផុត។ លើសពីនេះទៀត ប្រធានប្រតិបត្តិក្រុមហ៊ុន CP ALL បានជម្រាបជូនសម្ដេចតេជោថា ដំណើរទស្សនកិច្ចរបស់លោក មកកាន់កម្ពុជានាពេលនេះ គឺដើម្បីចូលរួមចំណែកក្នុងការអភិវឌ្ឍធនធានមនុស្ស តាមរយៈការផ្ដល់ជូនសម្ដេចតេជោ នូវអាហារូបករណ៍ថ្នាក់បរិញ្ញាបត្រចំនួន ១០កន្លែង និងអាហារូបករណ៍សម្រាប់ថ្នាក់បច្ចេកទេសចំនួន ១០កន្លែងផងដែរ។
លោក កសាក់ ឆៃរ៉ាមីសាក់ បានជម្រាបជូនសម្ដេចតេជោបន្តថា រាល់ការចំណាយលើហារូបករណ៍ទាំងនោះ គឺលោកជាអ្នកផ្គត់ផ្គង់ទាំងអស់។ លោកក៏បានជម្រាបជូនដែរថា ដំណើរទស្សនកិច្ចរបស់លោកមកកម្ពុជានាពេលនេះ គឺដើម្បីស្វែងរកសក្ដានុពលវិនិយោគបន្ថែមនៅកម្ពុជាដែរ ហើយប្រធានប្រតិបត្តិក្រុមហ៊ុន CP ALL រូបនេះ ក៏ស្នើសុំអនុសាសន៍ពីសម្ដេចតេជោ អំពីវិស័យដែលលោកអាចវិនិយោគបាន។
ជាការឆ្លើយតបសម្ដេចតេជោ ហ៊ុន សែន បានថ្លែងអំណរគុណជូនលោក កសាក់ ឆៃរ៉ាមីសាក់ ដែលបានសម្ដែងការអបអរសាទរ ចំពោះការអភិវឌ្ឍរីកចម្រើនរបស់កម្ពុជា ហើយក៏សូមអរគុណដល់លោក ដែលបានផ្ដល់អាហារូបករណ៍ជូនសម្ដេច ផងដែរ។
សម្ដេចតេជោនាយករដ្ឋមន្ត្រី បានណែនាំឲ្យលោក កសាក់ ឆៃរ៉ាមីសាក់ ជួបពិភាក្សាជាមួយលោក សុខ ចិន្ដាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC) ពាក់ព័ន្ធនឹងការស្វែងរកឱកាសវិនិយោគនៅកម្ពុជាបន្ថែម។
ជាមួយគ្នានេះ សម្ដេចតេជោ ហ៊ុន សែន ក៏បានផ្ដល់អនុសាសន៍ដល់លោក កសាក់ ឆៃរ៉ាមីសាក់ ឲ្យពិនិត្យពិចារណា ធ្វើការវិនិយោគលើការផលិតក្រដាសនៅកម្ពុជា ពីព្រោះថា ក្រដាស គឺជាសម្ភារៈដែលត្រូវការចាំបាច់ ហើយកំពុងមានការកើនឡើងជាលំដាប់។ សម្ដេចតេជោ ក៏ស្នើឲ្យប្រធានប្រតិបត្តិក្រុមហ៊ុន CP ALL ពិនិត្យមើលលើការបង្កើតរោងចក្រជីសរីរាង្គនៅកម្ពុជាផងដែរ ពីព្រោះជីសរីរាង្គជាជីមួយ ដែលអាចប្រើប្រាស់នៅក្នុងការដាំដុះដំណាំ និងអាចឲ្យដំណាំលូតលាស់បានល្អ ហើយធ្វើឲ្យគុណភាពដំណាំមិនធ្វើឲ្យប៉ះពាល់ដល់សុខភាពថែមទៀត៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង