ព័ត៌មានជាតិ
ក្រសួងសេដ្ឋកិច្ច បំភ្លឺថា ជនសង្ស័យពាក់ព័ន្ធនឹងគ្រឿងញៀន ឈ្មោះ វណ្ណៈ បញ្ញាវឌ្ឍន៍ មិនមែនជាបុគ្គលិករតនាគារទេ
អគ្គលេខាធិការដ្ឋានក្រសួងសេដ្ឋកិច្ច និងហិរញ្ញវត្ថុ បានបំភ្លឺថា ជនសង្ស័យគ្រឿងញៀន ដែលត្រូវបានឃាត់ខ្លួន ឈ្មោះ វណ្ណៈ បញ្ញាវឌ្ឍន៍ អាយុ ២៦ឆ្នាំនោះ មិនមែនជាបុគ្គលិកបម្រើការងារ នៅរតនាគារខេត្តកំពង់ឆ្នាំង ដូចការផ្សព្វផ្សាយមួយចំនួននោះទេ។
យោងតាមសេចក្តីបំភ្លឺ របស់អគ្គលេខាធិការដ្ឋានក្រសួងសេដ្ឋកិច្ច និងហិរញ្ញវត្ថុ ចុះថ្ងៃទី ១៧ ខែសីហានេះ បានឲ្យដឹងថា កាលពីថ្ងៃទី ១៦ ខែសីហា ឆ្នាំ ២០២២ មានការផ្សព្វផ្សាយព័ត៌មានដោយអង្គភាពសារព័ត៌មាន Online ក្នុងស្រុកមួយចំនួន អំពីការបង្ក្រាបគ្រឿងញៀន នៅស្រុករលាប្អៀរ ខេត្តកំពង់ឆ្នាំង ដោយក្នុងខ្លឹមសារបានបញ្ជាក់ថា ជនសង្ស័យ ដែលត្រូវបានឃាត់ខ្លួនមានឈ្មោះ វណ្ណៈ បញ្ញាវឌ្ឍន៍ អាយុ ២៦ឆ្នាំ មានមុខរបរជាបុគ្គលិកបម្រើការងារនៅរតនាគារ ខេត្តកំពង់ឆ្នាំង។
សេចក្តីបំភ្លឺបានបន្តថា បន្ទាប់ពីបានឃើញការចុះផ្សាយអត្តបទព័ត៌មានខាងលើ អគ្គលេខាធិការដ្ឋានក្រសួងសេដ្ឋកិច្ច និងហិរញ្ញវត្ថុ បានធ្វើការស្រាវជ្រាវជាបន្ទាប់ និងពិនិត្យយ៉ាងហ្មត់ចត់ ក្នុងប្រព័ន្ធគ្រប់គ្រងទិន្នន័យមន្រ្តីរាជការ នៃក្រសួងសេដ្ឋកិច្ច និងហិរញ្ញវត្ថុ។ ជាលទ្ធផល បង្ហាញថា មិនមានឈ្មោះដូចបុគ្គលខាងលើឡើយ។
ក្នុងន័យនេះ អគ្គលេខាធិការដ្ឋាមក្រសួងសេដ្ឋកិច្ច និងហិរញ្ញវត្ថុ បានបដិសេធទាំងស្រុងចំពោះការចុះផ្សាយខាងលើ និងបានបញ្ជាក់ថា បុគ្គលឈ្មោះ វណ្ណៈ បញ្ញាវឌ្ឍន៍ មិនមែនជាបុគ្គលិក នៃរតនាគារខេត្តកំពង់ឆ្នាំង ដូចដែលព័ត៌មានបានចុះផ្សាយឡើយ។
អគ្គលេខាធិការដ្ឋានក្រសួងសេដ្ឋកិច្ច និងហិរញ្ញវត្ថុ បានអំពាវនាវដល់បណ្តាអង្គភាពសារព័ត៌មានដែលបានចុះផ្សាយព័ត៌មានខាងលើ សូមធ្វើការចុះផ្សាយកែតម្រូវព័ត៌មានខាងលើឡើងវិញ និងសូមពិនិត្យឲ្យបានហ្មត់ចត់ ចៀសវាងការចុះផ្សាយអត្ថបទព័ត៌មាន មិនបានត្រឹមត្រូវដែលនាំឲ្យមានការភ័ន្តច្រឡំ ក្នុងចំណោមសាធារណមតិ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ