Connect with us

ព័ត៌មានជាតិ

កម្ពុជា ផ្តល់បទពិសោធន៍ការគ្រប់គ្រងជំងឺកូវីដ-១៩បានល្អប្រសើរ ដល់បណ្តាប្រទេសក្នុង​តំបន់អាស៊ីប៉ាស៊ីហ្វិក

បានផុស

នៅ

ប្រទេសកម្ពុជា បានចែករំលែកបទពិសោធន៍ល្អ និងវឌ្ឍនភាពនៃវិស័យសុខាភិបាល ជាពិសេស ការគ្រប់គ្រង ឆ្លើយតបការរីករាលដាលនៃជំងឺកូវីដ-១៩ បានល្អប្រសើរក្នុងវេទិកាស្តីពីហិរញ្ញប្បទានសុខាភិបាលសម្រាប់តំបន់អាស៊ីប៉ាស៊ីហ្វិក ពីថ្ងៃទី១៥-១៦ ខែកញ្ញា ឆ្នាំ២០២២ នៅទីក្រុងបាងកក ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវេទិកានោះ លោកស្រីវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាលបានអញ្ជើញធ្វើជាវាគ្មិនលើប្រធានបទ“ ហិរញ្ញប្បទានសុខាភិបាលសម្រាប់ធ្វើឱ្យប្រសើរឡើងនូវការផ្តល់សេវា” ដោយបានចែករំលែកបទពិសោធន៍ល្អ និងវឌ្ឍនភាពនៃវិស័យសុខាភិបាល ជាពិសេស ការគ្រប់គ្រង ឆ្លើយតបការរីករាលដាលនៃជំងឺកូវីដ-១៩ និងកិច្ចសហការយ៉ាងជិតស្និទ្ធរវាងក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថុទទួលការកោតសរសើរ និងការគាំទ្រពីអ្នកចូលរួមទាំងអស់ ព្រមទាំង ធនាគារពិភពលោក។

លោក ស្រីវេជ្ជបណ្ឌិត បានមានប្រសាសន៍ថា ​គោលបំណងនៃវេទិកានេះ គឺដើម្បីចែករំលែកមេរៀនជាបទពិសោធន៍ពាក់ព័ន្ធនឹងការផ្តល់​ហិរញ្ញ​ប្ប​ទាន​ដល់កម្មវិធីថែទាំសុខភាពបឋម ជាពិសេស អំពីតួនាទីដ៏សំខាន់របស់ក្រសួងសេដ្ឋកិច្ច​នៃប្រទេសនីមួយៗ​ក្នុង​ការការលើកកម្ពស់សុខភាពរបស់ប្រជាជន។ វេទិការយៈពេល២ថ្ងៃនេះ បានប្រមូលអ្នកជំនាញការ និងអ្នក​មាន​បទពិសោធន៍ផ្នែកហិរញ្ញប្បទានសុខាភិបាលជាច្រើន បានចូលរួមជាវាគ្មិន ដោយផ្តោត​លើប្រធាន​បទ​សំខាន់ៗ ដូចជា ទី១.ការបង្កើនភាពស័ក្តសិទ្ធនៃប្រព័ន្ធសុខាភិបាលក្នុងបរិបទនៃ COVID-19 និងនិន្នា​ការ​រយៈពេលវែងណ ទី២. យកប្រជាជនជាមជ្ឈម​ណ្ឌល៖ ការផ្តល់ហិរញ្ញប្បទានកម្ម​វិធីថែទាំ​សុខ​ភាពបឋម​ដល់​អង្គភាព​សុខាភិបាលសកល ខណៈទី៣. មូលនិធិដល់កម្មវិធីថែទាំសុខភាពបឋមក្នុងបរិបទ នៃCOVID-19។

ទី៤. ការការពារហិរញ្ញប្បទានសុខាភិបាលក្នុងបរិបទនៃCOVID-19 ទី៥. ហិរញ្ញប្បទានឱសថសារ​វ័ន្ត​សម្រាប់​កម្ម​វិធីថែទាំសុខភាពបឋម ទី៦. ពន្ធសម្រាប់សុខភាពក្នុងបរិបទនៃ COVID-19 ទី៧. ការវាយតម្លៃ​ប្រសិទ្ធ​ភាព​កម្ម​វិធីថែទាំសុខភាពបឋម៖ វិភាគអំពីការសម្រាកព្យាបាលនៅមន្ទីរពេទ្យក្នុង​លក្ខខណ្ឌតម្រូវការ​សង្គ្រោះ​បន្ទាន់​ចាំបាច់ និងទី៨. ហិរញ្ញប្បទានសុខាភិបាលសម្រាប់ធ្វើឱ្យប្រសើរឡើងនូវការផ្តល់សេវា៕

ដោយ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

កម្ពុជា ផ្តល់បទពិសោធន៍ការគ្រប់គ្រងជំងឺកូវីដ-១៩បានល្អប្រសើរ ដល់បណ្តាប្រទេសក្នុង​តំបន់អាស៊ីប៉ាស៊ីហ្វិក

កីឡា២២ នាទី មុន

បាល់ទាល់ទះ​កម្ពុជា​ ទាំង​ក្នុង​សាល​ និង​ឆ្នេរ​ខ្សាច់​​ចុះកុងត្រាគ្រូសញ្ជាតិគុយបាថ្មីជាផ្លូវការ

ព័ត៌មានអន្ដរជាតិ៥៤ នាទី មុន

ថៃ ព្រមានភ្លៀងធ្លាក់ខ្លាំងបង្កជាទឹកជំនន់ទូទាំងប្រទេស ចាប់ពីថ្ងៃនេះ

សន្តិសុខសង្គម១ ម៉ោង មុន

ពលរដ្ឋស្នើស្នងការខេត្តតាកែវ បង្ក្រាបទីតាំងជល់មាន់ នៅភូមិត្រពាំងរការ ឃុំបាស្រែ ស្រុកអង្គរបុរី

ព័ត៌មានជាតិ១ ម៉ោង មុន

លោកជំទាវ ម៉ែន សំអន៖ កត្តាសន្តិភាពបាននាំមកនូវសេចក្តីសុខ និងរីកចម្រើនជូនប្រជាពលរដ្ឋ និងសង្គមជាតិ

Sokha Hotels

ព័ត៌មានពេញនិយម