Connect with us

ព័ត៌មានជាតិ

សម្ដេច ស ខេង៖ ល្បែងខុសច្បាប់ជាមេរោគនាំឲ្យមានបទល្មើសក្នុងសង្គម

បានផុស

នៅ

សម្ដេចក្រឡាហោម ស ខេង រដ្ឋមន្ត្រីក្រសួងមមហាផ្ទៃបានថ្លែងថា ល្បែងស៊ីសងខុសច្បាប់ គឺជាមេរោគមហារីកសង្គម និងជាមែកធាងដែលនាំឲ្យមានបទល្មើសផ្សេងៗនៅកម្ពុជា ដូចជាបទល្មើសជួញដូរមនុស្ស និងការឆបោកជាដើម។

សម្ដេច ស ខេង ថ្លែងបែបនេះនៅក្នុងបទសម្ភាសជាមួយអ្នកសារព័ត៌មាននៅថ្ងៃទី ១៩ ខែកញ្ញានេះ ក្រោយបញ្ចប់កិច្ចប្រជុំណែនាំកិច្ចការប្រឆាំងអំពើជួញដូរមនុស្សនៅទីស្ដីការក្រសួងមហាផ្ទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេច ស ខេង ថ្លែងដូច្នេះថា «ល្បែងខុសច្បាប់ ជាមេរោគមហារីកនៃសង្គម បើមិនដោះស្រាយទេនោះ មេរោគនេះនឹងកាន់តែរីកធំឡើង ហើយធ្វើឲ្យបញ្ហាសង្គមកាន់តែស្មុគស្មាញ»។

សម្ដេចក្រឡាហោមអះអាងថា ល្បែងស៉ីសងខុសច្បាប់គ្រប់ប្រភេទ ជាមែកធាងដែលនាំឲ្យមានបទល្មើស ជួញដូរមនុស្ស ការធ្វើទារុណកម្ម ការជួញដូរពលកម្ម និងបទល្មើសឆបោក កើតមានឡើងនៅក្នុងប្រទេសកម្ពុជា។

ពាក់ព័ន្ធនឹងវិធានការបង្ក្រាបបទល្មើសល្បែងស៊ីសងខុសច្បាប់នេះ សម្ដេចក្រឡាហោម ស ខេង បានបញ្ជាក់ថា រាជរដ្ឋាភិបាលបានដាក់ចេញយន្ដការចំនួន ៣ ដើម្បីឲ្យគ្រប់ភាគីពាក់ព័ន្ធរួមគ្នាដោះស្រាយ គឺយន្តការសង្គ្រោះជនរងគ្រោះ យន្តការបង្ក្រាបល្បែងស៊ីសងខុសច្បាប់គ្រប់ប្រភេទ និងការផ្ដន្ទាទោសជនប្រព្រឹត្តបទល្មើសតាមផ្លូវច្បាប់ជាធរមាន។

ជាមួយគ្នានេះសម្ដេច ក៏ជំរុញឲ្យគណៈបញ្ជាការឯកភាពរាជធានី-ខេត្ត ត្រូវមានម្ចាស់ការទទួលខុសត្រូវខ្ពស់ និងម៉ឺងម៉ាត់ក្នុងការបង្ក្រាបល្បែងស៊ីសងគ្រប់ប្រភេទនៅក្នុងដែនសមត្ថកិច្ចរបស់ខ្លួន។

គួរជម្រាបថា កាលថ្មីៗនេះ សម្តេចតេជោ ហ៊ុន សែន បានបង្កើតក្រុមការងារថ្នាក់ជាតិបង្ក្រាបការលេងល្បែងស៊ីសងខុសច្បាប់គ្រប់ប្រភេទនៅទូទាំងប្រទេស ដោយលោក សុខ ផល រដ្ឋលេខាធិការក្រសួងមហាផ្ទៃ ជាប្រធាន និងលោក នេត សាវឿន អគ្គស្នងការនគរបាលជាតិ ជាអនុប្រធាន រួមទាំងសមាជិកមួយចំនួនទៀត។

តាមរយៈសារជាសំឡេង កាលពីថ្មីៗនេះ សម្ដេចតេជោ ហ៊ុន សែន បានបញ្ជាយ៉ាងដាច់ណាត់ឲ្យមន្ត្រីពាក់ព័ន្ធគ្រប់រូប ជាពិសេសគណៈអភិបាលរាជធានីខេត្ត ស្រុក ក្រុង ខណ្ឌ ត្រូវតែបង្ក្រាបឲ្យអស់ល្បែងស៉ីសងខុសច្បាប់គ្រប់ប្រភេទនៅទូទាំងប្រទេស។

សម្ដេចតេជោ សង្កត់ធ្ងន់ថា ប្រសិនបើមន្ត្រីណាមិនទទួលខុសត្រូវលើការចុះបង្រ្កាបបទល្មើសនេះ ហើយអនុញ្ញាតឲ្យល្បែងស៉ីសងកើតមានឡើងនៅក្នុងមូលដ្ឋានរបស់ខ្លួនសម្ដេចនឹងដកចេញពីមុខតំណែង៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១១ នាទី មុន

តួឯកស្រីរឿង “ល្បិចស្នេហ៍បញ្ឆោតបេះដូង” ទម្លាយអារម្មណ៍ពិត ក្រោយមានចចាមអារ៉ាមថាជាជនទី ៣

ព័ត៌មានជាតិ២២ នាទី មុន

ចូលឆ្នាំចិនថ្ងៃទី១ ខេត្តព្រះសីហនុទទួលភ្ញៀវទេសចរ ១២ ម៉ឺននាក់ កើនឡើង ៣៣%

ព័ត៌មានជាតិ២២ នាទី មុន

សម្ដេចតេជោ ហ៊ុន សែន នឹងជួបសំណេះសំណាល និងផ្ដល់រង្វាន់ iPad ដល់សិស្សប្រឡងជាប់និទ្ទេស A នៅថ្ងៃទី ២ កុម្ភៈ

ព័ត៌មានជាតិ២៦ នាទី មុន

អ្នកនយោបាយស្ត្រីជួរមុខ៨រូប កំពុងកាន់តំណែងជាន់ខ្ពស់ទាំងនៅជួររដ្ឋាភិបាល និងសភាកម្ពុជា

កីឡា២៨ នាទី មុន

ក្រសួងសាធារណការ និងដឹកជញ្ចូន ឈរ​កំពូល តារាង ឈ្នះមេដាយ២០គ្រឿងពីការប្រកួតជើងឯកថ្នាក់ជាតិ

Sokha Hotels

ព័ត៌មានពេញនិយម