Connect with us

ព័ត៌មានជាតិ

មន្ត្រីជាន់ខ្ពស់ ជំរុញអធិការកិច្ចប្រេង បង្ក្រាបបទល្មើសក្នុងវិស័យប្រេងកាត ឱ្យមានប្រសិទ្ធភាព

បានផុស

នៅ

មន្ត្រីជាន់ខ្ពស់ ក្រសួងរ៉ែ និងថាមពល បានជំរុញឱ្យមន្ត្រីអធិការកិច្ចប្រេងកាត នៃក្រសួងរ៉ែ និងថាមពល ដែលនឹងទទួលបាននីតិសម្បទាជានគរបាលយុត្តិធម៌ បង្ក្រាបបទល្មើសក្នុងវិស័យប្រេងកាតឱ្យមានប្រសិទ្ធភាពខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបិទវគ្គបណ្តុះបណ្តាល ស្ដីពី “មន្ត្រីអធិការកិច្ចប្រេងកាត នៃក្រសួងរ៉ែ និងថាមពល ដែលនឹងទទួលបាននីតិសម្បទាជានគរបាលយុត្តិធម៌” នៅថ្ងៃទី៥ ខែតុលានេះ លោកស្រី យ៉ែម កាន់នីកា រដ្ឋលេខាធិការ តំណាងដ៏ខ្ពង់ខ្ពស់របស់ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល បានណែនាំដល់មន្ត្រីអធិការកិច្ចប្រេងកាត ចំនួន ៧៤ រូប ឱ្យបន្តធ្វើការផ្សព្វផ្សាយច្បាប់ ស្ដីពី ការគ្រប់គ្រងប្រេងកាត និងផលិតផលប្រេងកាត ដល់មន្ត្រីពាក់ព័ន្ធក្រោមឱវាទ និងអាជីវករទាំងអស់ក្នុងដែនសមត្ថកិច្ចរបស់ខ្លួន។

លោកស្រី យ៉ែម កាន់នីកា ផ្ដល់អនុសាសន៍បន្ត ត្រូវសហការល្អជាមួយនឹងស្ថាប័ន ឬអង្គភាពពាក់ព័ន្ធ ដើម្បីបង្ក្រាបបទល្មើសក្នុងវិស័យប្រេងកាត និងរាយការណ៍មកថ្នាក់លើ ដើម្បីសុំគោលការណ៍សម្រេចក្នុងករណីដែលបទល្មើសហួសពីវិសាលភាពរបស់ខ្លួន។ ត្រូវទប់ស្កាត់ បង្ក្រាប និងរាយការណ៍ជាប្រចាំមកថ្នាក់លើអំពីបទល្មើសក្នុងវិស័យប្រេងកាតនានា ដែលកើតមានឡើងក្នុងដែនសមត្ថកិច្ចរបស់ខ្លួន។

ជាមួយគ្នានេះ ត្រូវអនុវត្តការងារ និងបំពេញកិច្ចការរបស់ខ្លួនដោយស្មោះត្រង់ ស្របតាមក្រមនីតិវិធីព្រហ្មទណ្ឌ ប្រកាសស្ដីពី វិធាន និងបែបបទ នៃការធ្វើអធិការកិច្ចរបស់ក្រសួង ច្បាប់ និងលិខិតបទដ្ឋានគតិយុត្តពាក់ព័ន្ធនានាជាធរមាន និងត្រូវអនុវត្តការងារប្រកបដោយក្រមសីលធម៌វិជ្ជាជីវៈ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម