ព័ត៌មានជាតិ
រដ្ឋាភិបាលត្រៀមអន្តរាគមន៍ជួយកម្មករ ករណីបិទរោងចក្រឬព្យួរការងារ
លោក ហេង សួរ បានបញ្ជាក់ថា កម្មករកម្មការិនីលើវិស័យវាយនភណ្ឌកាត់ដេរនឹងទទួលបានការអន្តរាគមន៍ពីរដ្ឋាភិបាល បើសិនមានការបិទរោងចក្រឬព្យូរការងារដោយសារវិបត្តិសង្គ្រាមនៅអ៊ុយក្រែន។
លោក ហេង សួរ រដ្ឋលេខាធិការក្រសួងការងារនិងបណ្ដុះបណ្ដាលវិជ្ជាជីវៈបានប្រាប់ក្រុមអ្នកកាសែតក្នុងសន្និសីទនៅព្រឹកនេះថា វិបត្តិសង្គ្រាមនៅអ៊ុយក្រែន បានធ្វើឲ្យប៉ះពាល់ដល់វិស័យវាយនភណ្ឌកម្ពុជា ដោយនៅត្រីមាសទី ៤ នេះ ការនាំចេញវិស័យកាត់ដេរកម្ពុជាបានធ្លាក់ចុះ ហើយបើធៀបឆ្នាំនិងឆ្នាំអាចថយចុះប្រហែល ១០ ភាគរយ។
លោក ហេង សួរ បញ្ជាក់ថា វិបត្តិសង្គ្រាមអ៊ុយក្រែននិងរុស្ស៊ី ធ្វើឱ្យមានការកាត់បន្ថយការប្រើប្រាស់សំលៀកបំពាក់ និងប៉ះពាល់ដល់ការបញ្ជាទិញ។
លោកបន្តថា វិបត្តិសង្គ្រាមនៅអ៊ុយគ្រេន នាំឲ្យអត្រាអតិផរណានៅអាមេរិកនិងអឺរ៉ុបកើនឡើងខ្លាំង ដោយសារការចំណាយរបស់ពលរដ្ឋ ផ្តោតសំខាន់ទៅលើប្រេងឥន្ធនៈ ថាមពល និងអគ្គិសនី។
យ៉ាងណាមិញ បើតាមមន្រ្តីជាន់ខ្ពស់រូបនេះ មកដល់ពេលនេះករណីការបិទរោងចក្រឬព្យួរមានតិចតួចបំផុត។ បើសិនមានការបិទ ឬព្យូរការងារគឺខាងក្រសួងនឹងត្រៀមដោះស្រាយជូនកម្មករតាមភាពជាក់ស្តែង និងយោងទៅតាមច្បាប់ការងារ ដើម្បីកាត់បន្ថយផលប៉ះពាល់ដល់ជីវភាពរបស់បងប្អូនកម្មករ។
កម្ពុជាមានរោងចក្រកាត់ដេរប្រមាណជិត ១៣០០ រោងចក្រ កំពុងដំណើរការនិងបានបង្កើតការងារដោយផ្ទាល់ជាង ៨៣ម៉ឺននាក់ និងដោយប្រយោលជិត ១លាននាក់។
ក្នុងអំឡុងពេលផ្ទុះវិបត្តិកូវីដដោយមានការបិទរោងចក្រ រដ្ឋាភិបាលបានផ្តល់ប្រាក់ជំនួយដល់កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូបចំនួន ៤០ ដុល្លារក្នុងមួយខែ និងខាងនិយោជករោងចក្រក៏ផ្តល់ចំនួន ៤០ ដុល្លារដើម្បីទ្រទ្រង់ជីវភាពរស់នៅប្រចាំថ្ងៃ៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៤ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore