ព័ត៌មានជាតិ
មន្ត្រីជាន់ខ្ពស់ក្រសួងពាណិជ្ជកម្ម ស្នើម្ចាស់ផលិតផល បញ្ឈប់ការផ្សាយពាណិជ្ជកម្មមានលក្ខណៈឆបោក
មន្ត្រីជាន់ខ្ពស់ក្រសួងពាណិជ្ជកម្ម ស្នើម្ចាស់ផលិតផលទាំងអស់ ត្រូវបញ្ឈប់ជាបន្ទាន់រាល់ការផ្សាយពាណិជ្ជកម្មមានលក្ខណៈឆបោក ចៀសវាងទទួលរងការពិន័យតាមច្បាប់ជាធរមាន។
លោក ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានថ្លែងក្នុងសិក្ខាសាលាផ្សព្វផ្សាយច្បាប់ស្ដីពីការប្រកួតប្រជែង និងច្បាប់ស្ដីពីកិច្ចការពារអ្នកប្រើប្រាស់ នៅថ្ងៃទី ១២ តុលានេះថា ចាប់ពីពេលនេះតទៅ រាល់ការផ្សាយពាណិជ្ជកម្មលើបណ្ដាញផ្សព្វផ្សាយមានដូចជា ទូរទស្សន៍ វិទ្យុ អនឡាញ និងបណ្ដាញសង្គមនានា ដែលមានលក្ខណៈឆបោក ធ្វើឲ្យភាន់ច្រឡំ និងភូតកុហក ត្រូវបានចាត់ទុកជាអំពើមិនសុចរិត។ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នឹងអនុវត្តច្បាប់ដោយពិន័យអន្តរការណ៍ រួមទាំងការព្រមានជាលាយលក្ខណ៍អក្សរ និងឲ្យក្រុមហ៊ុន ឬម្ចាស់សហគ្រាស ម្ចាស់ផលិតផលដែលបន្តល្មើសនោះ ផ្លាស់ប្ដូរនូវគ្រប់ទម្រង់ការផ្សាយទាំងអស់។
លោកបានបន្តថា បច្ចុប្បន្ន មានក្រុមហ៊ុន ឬម្ចាស់សហគ្រាសជាច្រើន បានធ្វើការផ្សព្វផ្សាយពាណិជ្ជកម្មចំពោះផលិតផលរបស់ខ្លួន ដោយមានលក្ខណៈឆបោក ធ្វើឲ្យភាន់ច្រឡំ និងភូតកុហកដល់សាធារណជន ខណៈ រាជរដ្ឋាភិបាលកម្ពុជា បានធ្វើការផ្សព្វផ្សាយ និងដាក់ឲ្យអនុវត្តច្បាប់ស្ដីពីការប្រកួតប្រជែង និងច្បាប់ស្ដីពីកិច្ចការពារអ្នកប្រើប្រាស់។
លោកបានបន្តទៀតថា «តទៅនេះ វប្បធម៌អន្តរាគមន៍ នឹងលែងឲ្យមានទៀតហើយ ហើយធុរជនគួរតែបញ្ឈប់នូវសកម្មភាពនេះ ងាកមកអនុវត្តច្បាប់ឲ្យមានខ្ជាប់ខ្ជួន និងត្រឹមត្រូវ ទើបជាការប្រសើរ»។
លោកសង្ឃឹមថា ពាណិជ្ជករ និងធុរជន ដែលបាននិងកំពុងធ្វើពាណិជ្ជកម្មនៅ កម្ពុជា ចូលរួមក្នុងសិក្ខាសាលានេះ នឹងទទួលបានចំណេះដឹងអំពីច្បាប់ស្ដីពីការប្រកួតប្រជែង និងច្បាប់ស្ដីពីកិច្ចការពារអ្នកប្រើប្រាស់ ដើម្បីចូលរួមទប់ស្កាត់ការដាក់លក់ទំនិញមិនមានគុណភាព ខូចគុណភាព មិនគ្រប់បទដ្ឋានចំណុះ ឬទម្ងន់នៅលើទីផ្សារ ក្នុងប្រទេសកម្ពុជា ដែលនាំឲ្យប៉ះពាល់សុខភាព និងធ្វើឲ្យប្រជាពលរដ្ឋបាត់បង់ទំនុកចិត្តថែមទៀតផង៕
អត្ថបទ ៖ សំអឿន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ