ព័ត៌មានជាតិ
ដំណើរការប្រឡងឌីប្លូមនៅមណ្ឌលភ្នំពេញថ្ងៃទី១ប្រព្រឹត្តិទៅជាធម្មតា
លោក ហែម ស៊ីណារ៉េត ប្រធានមន្ទីរអប់រំយុវជន និងកីឡារាជធានីភ្នំពេញ បានមានប្រសាសន៍នៅរសៀលថ្ងៃទី២៤តុលា នេះបានឱ្យដឹងថា ដំណើរការប្រឡងឌីប្លូមនៅមណ្ឌលប្រឡងរាជធានីភ្នំពេញ នៅថ្ងៃទី១នេះបានប្រព្រឹត្តិទៅជាធម្មតា ដោយមិនមានអ្វីកើតឡើងនោះទេ។
លោក ហែម ស៊ីណារ៉េតបានបន្តថា «សម្រាប់ដំណើរការប្រឡងថ្ងៃទី២២តុលា ឆ្នាំ២០២២នេះ គ្រប់មណ្ឌលប្រឡងដំណើរការធម្មតា ពុំមានបញ្ហាអ្វីគួរឲ្យកត់សម្គាល់ទេ»។ លោកបានបន្តទៀតថា តាមមណ្ឌលប្រឡងនីមួយៗបានអនុវត្តតាមការណែនាំបានល្អប្រសើរ ហើយសិស្សានុសិស្សសុទ្ធតែពាក់ម៉ាស់ទាំងអស់គ្នា និងអនុវត្តតាមវិធានការ៣កុំ៣ការពាររបស់ក្រសួងសុខាភិបាលបានយ៉ាងខ្ជាប់ខ្ជួន ដើម្បីការពារការឆ្លងរាលដាលជំងឺកូវីដ១៩។
លោកប្រធានមន្ទីរបានបន្ថែមទៀតថា សម្រាប់ឆ្នាំនេះនៅមណ្ឌលប្រឡងភ្នំពេញមានបេក្ខជនចូលរួមប្រឡងឌីប្លូមចំនួន១៧ ៩៥៦ នាក់ ស្រី ៩ ២០៥ នាក់មាន ៦៣មណ្ឌល ត្រូវជា ៧៥០បន្ទប់។ ចំនួនបើប្រៀធៀបទឿនឹងឆ្នាំ២០២១កន្លងទៅមានការកើនឡើងដោយឆ្នាំមុនមានបេក្ខជនប្រឡងចំនួន១៥៨៥៨នាក់មាន៦៣មណ្ឌលចែកជា៦៦៤បន្ទប់ ។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡា បានមានប្រសាសន៍នៅថ្ងៃទី២៤តុលានេះថា ព្រឹកថ្ងៃទី១ (២៤ តុលា ២០២២) នៃដំណើរការប្រឡងឌីប្លូមបានបញ្ចប់ទៅដោយរលូនតាមការគ្រោងទុក ក្រោមកិច្ចសហការណ៍ពីគណ:គ្រប់គ្រងគ្រប់មណ្ឌលប្រឡង, បេក្ខជនប្រឡង, និងគ្រប់ភាគីពាក់ព័ន្ធ។
លោក រស់ សុវា ចា បានបន្តថា ឆ្នាំនេះមានបេក្ខជនចូលរួមប្រឡងឌីប្លូមសរុប ១៧៤៧២៦ នាក់ ស្រី ៩៥ ១២៧នាក់ក្នុងនោះសិស្សចំណេះទូទៅ ១៧៣ ៤៦៦ នាក់ ស្រី ៩៤ ៨៧៦នាក់បេក្ខជនស្វៃរិន ១៣៦ នាក់ ស្រី ៤៥ នាក់ បេក្ខជនបំពេញវិជ្ជា ១ ០៧៦ នាក់ ស្រី ១៩២ នាក់ បេក្ខជនគថ្លង់ ២៩ នាក់ ស្រី ០៩ នាក់ បេក្ខជនពិការភ្នែក ១៩នាក់ ស្រី ០៥ នាក់ដោយមានមណ្ឌលប្រឡងសរុប ១ ៧២៣ និងបន្ទប់សរុប៧៨១៦និងប្រកាសលទ្ធផលប្រឡងនៅថ្ងៃទី០១វិច្ឆិកាឆ្នាំ២០២២។ ចំនួនបេក្ខជនឆ្នាំនេះបើធៀបទៅនឹងឆ្នាំមុនឃើញថាមានការកើនឡើងជាង១០០នាក់ខណៈឆ្នាំមុនមាន
បេក្ខជនចំនួន១៦២ ៥៨៩ នាក់នារី ៨៧៨៧១នាក់ចែកជា១៧២២មណ្ឌលនិង៧៣២៧ បន្ទប់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ